جماعت الدعوہ، جیش محمد حلاپا گام گرگ رادگ انت : سَکین کاروائی ھم پہ کار انت۔ 

دیم بہ دیمرئین عالمین فشار و پاکستانئ تھا صائب حلقہ آنی نیمگا دھشت گردانی حلاپا کاروائی کنگئ مطالبہ پاکستان آ مجبور کرتگیت کہ آ کم شہ کم یک رازئ گام بزوریت کہ شہ آی ای راز درا بیت کہ پاکستان دھشت گردیئ حلاپا سنجیدہ و مخلص انت۔ مگہ پہ چہ کہ ظاھری و عارضی نوعیت کاروائی دیم شہ ایشی ھم چُنت ڈلانی حلاپا تسر بوتگنت و آ مُچین کاروائی تھانکا ظاھری ثابت بوتگنت و ممنوعہ ئن ڈل ھر وار وترا یک رازئ نہ یک رازئ رکینتگنت و شہ عدالتئ نیمگا بہ آوانی حک آ فیصلہ بوتہ شہ ھمی وجا رندا شہ پولوامہ دھشت گردین ھلگرا و بالاکوٹ ھوائین ھلگران جماعت الدعوہ، فلاح انسانیت فاونڈیشن و جیش محمد حلاپا پاکستانئ حکومتئ حالیہ ئن فیصلہ آنا شہ شک چمان گیندنت۔ سرئ ایشی کہ سرئ وزیر واجہ عمران خان کوشست کرتگیت کہ عالمین براسداری و ھندوستان آ یقین دنت کہ آی حکومت موثرین کاروائی کنت۔ بری شرط کہ قابل عملئن ثبوت فراھم بیت۔ آوانی قابل عملئن منطق ھم نون پہ ایچ مردمئ منگئ وڑ نہ انت ۔ نہ عالمین براسدارئ پاکستانئ ای بی سر و دم ئن ھبرانی قائل بوتگیت و نہ پاکستانئ تھا بری وڑئ یقین دھانیانی گجام مردمئ توجہ کنت۔ 
سرئ ای ھم ای ھبر ضرور محسوس بیت کہ حالیہ ئن دپ دیگانی پس منظر آ پہ پاکستان سَک بوتگیت کہ آ بہ ھنگامی حالاتان عارضی نوعیتئ گجام کاروائی کنت و وترا یک رازئ رکینیت۔ یک نیمگا عالمین فشار باز بنت و دیگہ نیمگا شہ پاکستانئ داخل آ ھم یک رازئ توار پھاد بنت کہ دھشت گردانی حلاپا کاروائی کنگ ناگریز بوتگیت۔ ھمی راز بہ ھمی روچان جماعت الدعوہ و فلاح انسانیت فاونڈیشن حلاپا ھما فیصلہ کہ بوتگنت یا جیش محمدئ چُنت مشتبہ مردمانا بہ حراستا گپتگنت رندا شہ ایشی پاکستانئ تھا ای مطابلہ سَک بوتگیت کہ بہ پاکستانئ کٹا انت کہ پاکستان ای وڑئ مُچین ڈل آنا نیست و نابود کنت۔ ھمی وھدان یک فیصلہ ایش ھم ات کہ لاھور قدسیہ مسیت تھا حافظ سعیدیی جمعہ خطبہ سرا پابندی عائد بوتگیت۔ ای فیصلہ پنجابئ حکومتئ انت۔ حافظ سعید شہ پنجاب سرکار آ لوٹوک بوتگیت کہ آی را شہ ای خطبہ محروم مہ کنت مگہ حکومت آی لوٹگا مسترد کرت، و ای یک نوکین ھبرئ ات کہ بہ چما آت۔ دیم شہ ایشی بہ حافظ سعید یا آی تنظیمانی حلاپا ھما کاروائی کہ تسر بوتنت سرئ آوان حافظ سعید خطبات و آی اشتعال انگیز ئن تقریر سرا ایچ وڑئ قدغن نہ ات۔ بری روچان عمران خانی حکومت ای ھبرئ سرا ھم فیصلہ کرتگیت کہ کومین ایکشن پلان سیائگا درج بوتگین گام گرگ سَکین وڑئ عمل بنت۔ ای ھبر یات کنگئ وڑ انت کہ کومین ایکشن پلان رندا شہ پوجین پبلک اسکولئ سرئ ھلگر آ جور بوتگیت۔ ایشی تھا واضح ئن وڑئ ای ھبر لیکتگ بوتگیت کہ نفرت آمیز ئن تقریر و تحریر نیز مدرسہ نافذ ناقص طریقہ تعلیم سرا ھم مانیٹور بیت کہ شہ ایشی مددا جھاد آ دیگہ وڑئ بدلینگا بنت۔
بہر حال نون اگہ عمران خان حکومت پہ راستی لوٹوک انت کہ دھشت گردئ ریشگانا تباہ کنت آوانی دیما مزنتری چلینج ایش انت کہ آیا آ پوجین ٹولے وتی ھم پکر و حیال کرتگ کننت یا نہ؟ ای ھبرا آ ھم سرپھد انت کہ دھشت گردی و پاکستانئ اسٹیبلیشمنٹ چی وڑئ تعلق دارنت۔ نون عالمین براسداری شہ عارضی یا ظاھری کاروائیان مطمئن نہ بیت۔ اگہ موثرین کاروائی تسر مہ بنت پاکستان مزنئن کیمتئ را باید دنت۔ پہ موثرین کاروائیان پاکستانئ داخل آ ھم فشار بہ برزین کچانہ انت۔ در اصل پہ عمران خانی حکومت آ نون ای یک آزمایگئ وھدہ انت۔