برطانیہ پارلیمنٹ باسک ووٹ داتگنت کہ برطانیہ بیدئ یک نیمگ بیگئ معاھدہ شہ متحدین اروپا یک نیمگ مہ بیت۔ 

برطانیہ باسک ووٹ داتگنت کہ برطانیہ بیدئ ایشی کہ یک نیمگ بیگئ معاھدہ دستخت کنت شہ متحدین اروپا یک نیمگ مہ بیت۔ گون ای ووٹ آ برگزیٹ آخری تاریخ کہ مارچ ۲۹ تاریخ بوتہ نون پھدا کپتگیت۔ برطانیہ سرئ وزیر بانوک ٹرئیسا مئ یک سرکارین موشنئ بہ نو- برگزیٹ ڈیل بھرا تہ ۲۹ مارچ آ جور کرتت، کہ شہ عامین دیوانا تیر بوت گون ۴۳ گیشترکین ووٹان، ۳۲۱ باسک شہ پارلیمںٹ آ شہ ایشی نیمہ داری کرتنت و زیئن روچا ۲۷۸ باسک بہ آی حلاپا ووٹ داتنت۔ مُچی نون چمبراہ انت کہ مروچین ووٹ چی انت کہ کچانہ جتگ بوتہ کہ بہ گیشترکین احتمالا گیشترین وھدہ لوٹوک بنت کہ برطانیہ کرتگ کنت گون متحدین اروپا شرّین معاھدہ دیم شہ یک نیمگ بیگا دستخت کنت۔