بوئینگ صلاح داتگیت کہ ۷۳۷ مکس جھاز بہ پورہ ئن عالمئ تھا پہ کمین وھدہ بند بنت۔ 

یکئ شہ عالمئ مزنتری جھاز جور کنوکان بوئینگ صلاح داتگیت کہ پہ کمین وھدہ بہ پورہ ئن عالمئ تھا ۷۳۷ مکس جھاز بند بنت۔ ای گام وھدہ زورتگ بوتہ کہ شہ ایتھوپیائین جھازئ کپتنا کہ بہ آی تھا ۱۵۷ مردم کشتگ بوتگنت چُنتی مُلک ھور گون ھند، چین ، متحدین اروپا و آمریکہ ای جھازئ کٹ گرگا بند کرتنت۔ بوئینگئ سدر دنیس مولینبرگ بہ وتی بیانئ تھا گشتگنت کہ آوانی کمپنی ھور گون پٹ و پول کنوکان یکجا کار کنت و مُچی کوشست دارنت کہ ای دپ دیگانی وجا زاننت و اطمینان ودی کننت کہ بہ آیوکین وھدہ ای وڑئ دپ دیگ تسر مہ بنت