ھند و آمریکہ شہ پاکستان لوٹوک بوتگنت کہ بہ دھشت گردین ڈل و سربراھانی حلاپا سَکین کاروائی کنت۔ 

ھند و آمریکہ شہ پاکستان لوٹوک بوتگنت کہ بہ دھشت گردین ڈل و سربراھانی حلاپا سَکین کاروائی کنت۔ آمریکہ کومین سیکورٹئ صلاحکار ان اس آ جون بولٹن بہ وتی دیوانا گون ھندیی ڈنئ کارانی سکرٹر واجہ ویجئ گُکھالئ گشتگنت کہ بہ دھشت گردیئ حلاپئ جنگئ تھا واشینگتن گون نوکین دھلئ کوپگ بہ کوپگ دیما روت۔ بہ ٹویٹرئ یک پیگامئ تھا واجہ بولٹن گشتنت کہ آوان گون واجہ گُکھالئ گیند و نیند کرتگنت کہ آمریکہ و ھندیی اسٹراٹجیکین شریکداری آ دیمرئی دینت۔ و ھمی وڑا وتی نیمہ داریا و تعھد آ بہ کوپگ بہ کوپگین جنگا بہ دھشت گردیئ حلاپا گون ھند یکجا درا کنت۔ رندا شہ پولوامہ ھلگرا کہ شہ پاکستانین دھشت گردین ڈل جیش محمدئ نیمگا تسر بوتہ، بولٹن و آمریکہ ڈنئ کارانی سکرٹر واجہ مائک پامپئو شہ ھند و آمریکہ بستگیان بہ برزین کچانہ نیمہ داری کننت