ھند پہ نیپالئ تعلیم گروکان ۲۰۰ سورین جوبلی اسکالرشپ داتگیت۔ 

ھندیی سفارت بہ نیپال تھا، چارشنبہ روچا پہ نیپالئ تعلیم گروکان ۲۰۰ سورین جوبلئ اسکالرشپ داتگیت کہ وتی تعلیم آ بہ راز رازئ بھران بہ کالج و یونیورسیٹی آن دیما برنت۔ نیپالئ تعلیمئ سکرٹر وھدہ کہ ای سرٹیفیکیٹ آنا بہ کاٹمنڈو تھا پہ تعلیم گروکان داتنت گشتنت کہ ھند پہ نیپالئ تعلیمئ دیمرئیا شرّین وڑئ مدد و حمایت کرتگیت۔ آوان گشتنت کہ شہ ھندیی سرکارئ اسکالرشپ آنی وجا نیپالئ تعلیم گروک بہ چُنتی بھران دیما شوتگنت۔ بہ وتی بیانا ھندیی سفیر بہ نیپال منجیو سینگ پوری پہ تعلیم گروکان صلاح داتنت کہ وتی شخصین و مسلکین مکسدانا مُچانا پورہ کننت۔ آوان گشتنت کہ ایش پہ نیپالئ سماجی و اکتسادین دیمرئیا کٹوک انت و ھند و نیپالئ بستگیانا ھم گیشترین وڑئ دیمرئی دنت۔ ھندیی سرکار ای اسکالرشپانی دیگا بہ ۲۰۰۲ سالا بناہ کرت وھدہ کہ ھند و نیپالئ سماجی و اکتسادین تعاونئ پنجاہ سال پورہ بوت۔