مسعود اظھریی باروا نوکین ھال پاکستان آ جھٹکہ داتگنت۔ 

بہ جیش محمدیی سربراہ مسعود اظھریی عالمین دھشت گردئ نام دیگئ تجویز سرا ھما تکنیکین اوشتارینگئ را کہ چین پرینتت بہ مئ اولی تاریخا آی را یک نیمگ کرت کہ بہ آی نتیجہ بین الاکوامین کونسلئ سیکورٹئ کونسل پہ مسعود اظھر عالمین دھشت گردئ ناما دات۔ بہ مسعود اظھریی عالمین دھشت گردئ نام دیگئ تجویزئ سرا شہ ۲۰۰۹ سالا تہ نون چین شہ وتی حق تنسیخ یعنی ویٹو آ کٹ گپتگیت و ھر وار آی را رکینتگیت۔ شہ ۲۰۱۶ تہ ۲۰۱۹ سالان سہ وھدان بجینگ بری سلسلہ مُچین تجویزانا تکنکین بنیادئ سیائگا اوشتارینتگیت۔۲۰۱۶ سالئ فرورئ ماہ رندا شہ پٹھان کوٹ ھلگران بین الاکوامین کونسلئ سیکورٹی کونسل تھا یک تجویزئ دیما بوت کہ بہ آی بھرا چین بیدئ ایشی کہ بین الاکوامین فشارئ پروا کنت شہ وتی حق تنسیخ آ کٹ گپت و مسعود اظھر آ رکینت حالانکہ جیش محمد ھما ھلگرانی ذمواری آ ھم منتت۔ ای سالئ مارچ ماہ، رندا شہ ایشی کہ بہ پولوامہ ھلگران سی آر پی اف پوجیانی سرا دھشت گردین ھلگر تسر بوت، آمریکہ، فرانس و برطانیہ بہ سیکورٹئ کونسلئ تھا پہ جیش محمدئ سربراہ مسعود اظھر عالمین دھشت گردئ نام دیگئ تجویز آ دیما کرتنت۔ سرئ ای حکیکت آ کہ بجینگ ھم شہ ای ھلگرا بدگشی کرتت و ای ھبرا اعتراف کرتت کہ ھندوستان پورہ ئن حکا داریت کہ بہ دھشت گردانی حلاپا کاروائی کنت، باز ھم شہ وتی حک ویٹو آ کٹ گپتہ چین بہ تکنیکین بنیادئ سرا ای تجویز آ اوشتارنت۔
چین پاکستانئ ھر موسمئ دوست انت۔ شہ ھمی وجا اسلام آبادئ سرڈگارئ سرا دیم بہ دیمرئین دھشت گردین موشکولیانی حلاپا کاروائی کنگئ بھرا شہ بین الاکوامین فشارئ وجا شہ چین ای گام گرگئ امیت شوت۔ چین ای وجا دیما کرت و گشت کہ پولوامہ ھلگرئ تھا مسعود اظھر کوت داشتگیت بری بھرا گجام ثبوتئ نہ انت بلکہ بہ سیکورٹئ کونسلئ تھا ای تجویزئ دیما کنگئ مکسد ایش انت کہ پاکستان آ بدنام کننت و بہ ای معاملہ سیاسین رنگئ دینت۔ چین گشتت کہ ای معاملہ باید انت کہ بیدئ گجام تعصبئ پیشہ ورانہ ئن وڑئ بادی انت کہ حل بیت۔ بری معاملہ بھرا شہ ھندوستانئ سفارتین کوشستانی وجا آمریکہ بہ مارچ ۲۷ تاریخا بین الاکوامین کونسلئ سیکورٹئ کونسلئ تھا ای مسئلہ دیما کرت۔ شہ آمریکہ ای گام گرگا چین کمئ فکرمند بوت و بری گام گرگئ بھرا وتی تشویش آ درا کرت و دعوئ کرت کہ آ بری معاملہ تھا ملوث ئن مُچین پارٹیان گون ذمواری شرّین وڑئ گپ و تران کنت۔ رندا شہ آی چین گون ھندوستان و پاکستان سفارتین کچانہ گپ و تران کرت کہ بہ آ وھدہ گون سنجیدگی گون دوکین مُلکان جیتا جیتا وتی پکر و حیالانا شریک کرت۔
گشتگ بوتہ کہ پاکستانئ سرئ وزیر عمران خان بہ وتی حالیہ ئن دورہ شہ چین شہ چینئ قیادت آ لوٹوک بوتگیت کہ آ مسعود اظھر آ بہ عالمین دھشت گردانی لسٹ تھا پرینتنئ تجویز آ تسلیم بنت تھانکا بری شرطئ سرا کہ پاکستانئ گجام بدنامئ مہ بیت۔ بری سرگلئ سرا ھندوستانئ ڈنئ کارانی سکرٹر وجئ گوکھلئ وھدہ کہ شہ بجینگ دورہ کرتنت ھم گپ و ھبر کرتگنت۔ 
بیجنگ بالاخرہ شہ ای تجویزئ سرا وتی تکنیکین اوشتارینگا یک نیمگ کرتگیت مگہ چینئ پالسی ساز رندا شہ دیرین وھدہ ای ھبرا احساس کرتنت کہ پھد بہ پھدین وڑئ شہ وتی ویٹوئ حکا کٹ گرگ و مسعود اظھریی رکینتنئ وجا چین بین الاکوامین براسدارئ تھا یک رازئ یک نیمگ بیت۔ آوان ای احساس آ ھم کرتنت کہ پورہ ئن عالم شہ ای ھبرا کہ پہ مسعود اظھر باید انت کہ عالمین دھشت گردئ نام داتگ بیت نیمہ داری کنت و تھانکا چین انت کہ بہ آی حلاپا اوشتاتگیت کہ شہ ایشی وجا آی بدنامی بیت۔ پاکستان نون بہ سَکین وھدہ تھا انت شہ ای وجا آ بہ چینئ دیما گجام اضطرابئ اظھار آ نہ کرتگیت۔ اسلام آباد دعوئ داریت کہ مسعود اظھر آ بہ عالمین دھشت گردانی لسٹ تھا پرینتنئ گام گرگئ تھا چینئ فیصلہ مزن و اھمین کوتئ داشتگیت۔ سیکورٹئ کونسلئ ای کمیٹی تھا حافظ سعید نام ھم ھور انت کہ بہ آی تھا مسعود اظھریی ناما پرینتگنت مگہ آ ھم نون آزات چار کنت بہ پاکستانئ تھا۔ آمریکہ بہ آی سرا دہ ملین ڈالرئ انعامئ را ھم اشتگیت مگہ تہ مروچین روچا آ گرفتار نہ بوتہ۔ نون وھدہ کہ مسعود اظھریی نام بہ عالمین دھشت گردانی لسٹ تھا لیکتگ بوتہ بین الاکوامین براسداری باید انت کہ بہ پاکستانئ سرا وتی فشار آ رادگ ساتیت کہ آ بہ دھشت گردین ڈلانی حلاپا کہ بہ آوانی تھا مسعود اظھر ھم شامل انت شرّین کاروائی کنت کہ ھمی راز سیمسرئ دھشت گردیی لعنت شہ نیاما زورتگ بیت۔