وگانستانئ نامعلومین آیوک

رندا شہ ۹/۱۱ ھلگرا آمریکہ ھور گون دیگہ مُلکان بہ دھشت گردیئ حلاپا جنگا بناہ کرت۔ اولی ابتدائی سالانی تھا ای راز معلوم بوت کہ جنگئ تھا جلدبازی فیصلہ صحی ات مگہ رندا شہ آی جنگئ تھا شدت گیش بوت۔ طالب ای وڑئ در کرتنت کہ آوان شہجنگئ حکمت عملی آ سی انت۔ رندا شہ آی تہ نون ایچ وھدہ ای راز احساس نہ بوت کہ اوگانستانئ جنگ یک سال دو سال تھا الاس بیت، شہ ھمی وجا ای جنگئ خاتمہ شہ گپ و ترانئ راہ ممکن انت مگہ ای ھبرا نظرانداز نہ باید بیت کہ پہ اوگانستانئ مسئلہیک رازئ حلئ راھئ ودی بیت کہ پہ مُچین پارٹیان منگئ وڑ بیت۔ 

اوگانستانئ تھا پہ  امن بحالی آ مُچین با اثرین اوگانانی نیمہ داری زروری انت مگہ بری بھرا آمریکہ ایچ غور نہ کرتگیت و طالب و ایچ ای احساس آ نہ کرتنت کہ بری بھرا توجہ بکننت، شہ ھمی وجا عامین اوگانئن شھروندانی نگرانی پہ آوانی آیوکا فطریانت۔ ای ھبرئ سرا تپاک کنگا عدم گنجائش نہ انت کہ آمریکہ خاسین نمایندگ زلمئ خلیلزاد و طالبانی نیاما ھما گپ و ترانئ کہ بہ دوحہ تھا تسر بوتگنت شہ آوانی سوبا پہ آمریکہ پوجیانی برگردینتنا راہ آسان بیت مگہ ای سوجئ پسوئ باید داتگ بیت کہ رنداشہ آمریکہ پوجیانی شوتنا اوگانستانئ مردمانئ آیوک چی بیت؟ 

آیا آمریکائی شہ ھمی وجا آتنت کہ اوگانستانئ شھروندانا بہ گندگین حالاتان ویل کننت و برونت؟ ھما اوگانئن مردم کہ بہ دھشت گردیئ حلاپا گون آمریکہ مدد کرتگنت آیا طالب آوانا شموشنت و بخشایگا بنت؟

رندا شہ سوویت یونینئ پوجئ شوتنا اوگانستانئ صورتحال بدتر بوت۔ اوگانستان گیسویین جنگانی شکار بوت شہ ھمی وجا ای ھبرئ زانتن زرور انت کہ درا بیت کہ ھمی گپ و ترانئ کہ بہ طالب و زلمئ خلیل زادیی نیاما رادگ انت اوگانستانئ آیوک آ بہ گجامدیما بارت؟ بری گپ و ترانانی تھا ھور گون آمریکہ و طالبانی مفاد و کٹان بہ اوگانستانئ استمانانی کٹ و مفاد سرا چینکس غور بوتہ؟ حیرانئ ھبر ایش انت کہ اوگانستانئ مزنئن سَکی گیشترکین وھدان بہ لویہ جرگہ تھا حل بوتنت مگہ اوگانستانئ قیام امن وآمریکہ پوجیانی پر امنئن پھدئ آتنئ خاطرا آمریکہ پہ لویہ جرگہ اھمیت نہ دات وھدہ کہ اگہ ھور گون طالبان لویہ جرگہ اھمین سربراہ کوت گپتننت اوگانستانئ آیوکین وھدہ نامعلومی ھم دور بوت و پہ آوان اطمینان داتگ بوت کہ رندا شہ آمریکہ پوجیانی شوتناھم اوگانستانئ حالات خراب نہ بنت، دھشت گردی بانوکانی حکانا شہ آوانا نہ گرنت، میڈیائ آزاتئ قدغن نہ بیت، و پہ عامین اوگانستانئ شھروندان کانونین تحفظ راہ بند نہ بیت۔ 

یک نیمگا بہ کابل تھا لویہ جرگہ انعقاد بیت و دیگہ نیمگا دوحہ تھا آمریکہ نمایندگ زلمئ خلیلزاد و طالبانی نیاما گپ و تران تسر بیت، بہ ایشی پا منظر آ ای ھبر درا بیت کہ اوگانستان دو ٹوکور بوتگیت مگہ شہ پورہ ئن  اوگانستان ۳۰۰۰ زائد مذھبی، قبائلیو  سیاسین سروکانی کوت گرگ بہ لویہ جرگہ تھا ای ھبرا درا کرت کہ پہ عامین اوگانستانئ استمانان لویہ جرگہ مروچی ھم بہ برزین کچانہ اھمیتئ وڑ انت۔ لویہ جرگہ تھا تسر بیگین فیصلہ آنا اوگانئن استمان نظرانداز نہ کننت، چنانچہ شہ آمریکہ و طالبانیتسر بیگین گپ و ترانان بہ دوحہ تھا ممکن انت کہ آمریکہ پوجیانی پر امنئن پھدئ شوتن آسان بیت، مگہ شہ ای گپ و ترانان اوگانستانئ تھا امن و امانئ بحالئ چما نہ کائیت۔ جعگہ چُنتی کمیٹیانی سربراہ محمد قریشی گشتگنت ھر روچ بیدئ گجام وجئ اوگانئنمردم ھلاک بنت۔ گیرمشروطین جنگبندئ جار باید انت کہ جتگ بیت۔ مگہ ای حالات نون ای راز انت کہ یک نینگا بہ دوحہ تھا آمریکہ و طالبانی نیاما گپ و تران رادگ انت و دیگہ نیمگا بہ پرتشددین دپ دیگانی تھا اوگانستانئ عامین شھروندانی ھال کنگئسلسلہ ھم رادگ انت۔  

شہ یک رپوٹ دیما بہ ھمی سالئ تھا شہ مُچان گیشترین اوگان بہ آمریکہ پٹ و پولئ آپریشن و ھوائین ھلگرانی تھا کشتگ بوتگنت۔ بری آورتحالئ تھا ای سوجئ بال بیگ فطری انت کہ آیا پہ آمریکہ طالب گیشتر زروری بوتگنت؟ 

جرگہ کمیٹئ باسک فیض اللہ جلال ای ھبرا اسپیت کرتگیت کہما ای وڑئ امنئ لوٹوک نہ انت کہ بانوکانی حک پادموش بنت و اظھار پکر و حیالئ آزاتی گپتگ بیت و گیشئن جمکاری تسر مہ بنت۔” 

شہ ھمی وجا ای ھبر فیصلہ بوتہ معلوم بیت کہ آمریکہ و طالب پہ اوگانستانئ آیوک آ ھر وڑئ حکمت عملی تیار کننت ، آی سوب و کامیابی تہ وھدہ مشکوک مانیت کہ لقیہ جرگہ مُچین سربراہ گون تپاک شہ ای حکمت عملی ا نیمہ داری کننت۔ 

بہ دھشت گردیئ حلاپا فیصلہ کنوکین جنگ و اوگانستانئ تھا قیام امن بھرا زروری انت کہ آمریکہ رازئ کہ بہ اوگانستانئ حلاپا جنگا بناہ کنگئ تھا جلدبازی کرت ھما وڑا بہ وتی پوجیانی پہ دوارگین لوٹتنا جلد بازی مہ کنت ایشی منفین اثر نہ تھانکا بہاوگانستانئ سرا کپنت بلکہ آمریکہ مفاد بری سیمان ھم متاثر بیت۔