پاکستانئ آائب حلقہ بری پکر و حیالا انت کہ پاکستان باید انت شہ مسعود اظھریی تحریم بیگا شہ بین الاکوامین کونسلئ نیمگا وش آتگی کنت۔ 

راستین ھبر ایش انت کہ شہ بین الاکوامین کونسلئ سیکورٹئ کونسلئ نیمگا وھدہ کہ فیصلہ بوت کہ جیش محمدیی سربراہ مسعود اظھریی نام بہ عالمین دھشت گردانی لسٹ تھا لیکتگ بیت پہ پاکستانئ پوجین اسٹبلیشمنٹ وانتھاپسندین حلقہ پورہ ئن وڑئ حیران بوتگنت اگہ نہ پہ چئ ھر وھدہ کہ بہ مسعود اظھریی حلاپا گجام تجویزئ کات آ گون ای مخالپت کرتنت؟ 

ای ھبر در انت کہ وھدہ کہ چین گون وتی ٹکنیکل بنیاد آ ای تجویزانی دیمگیر بوت آ وھدہ پاکستان ھم وشھال بوت و بری پکر و حیالا بوت کہ ای چین و پاکستانئ نزیکین سنگٹئ نشان انت۔ مگہ ھما ھبرئ را کہ پاکستانئ حکاممحسوس نہ کرتنت ایش ات کہ چین گون ای گام گرگان وتیا چندان وشھال نہ ات۔ 

ای راز نہ ات کہ آ شہ مسعود اظھریی تنظیم یا دیگہ دھشت گردین ڈلانی موشکولیان نیمہ داری کرت پہ چہ کہ چین بہ پاکاتانئ تھا بہ برزین کچانہ بہ چُنتی اھمین پروجیکٹانی سرا سرمایہ کاری کرتگیت۔ شہ ھمی وجا چینکوشست کرت کہ گون وتی گام گرگان پاکستان آ شہ سبکی آ برکینیت مگہ پاکستانئ حکام ای ھبرا ایچ وھدہ احساس نہ کرتنت کہ چین آوانا شہ سبکی  رکینیت مگہ وت بہ عالمین براسدارئ تھا مجبور انت کہ گون سبکی آ دیم پہدیم بیت۔ بہر حال آ دورہ الاس بوت و چین مجبور بوت کہ ای ھبرئ سرا غور کنت کہ بری مسئلہ بھرا آ وترا شہ عالمین براسداری آ یک نیمگ کرتگ نہ کنت۔ ھمی وج انت کہ مُچین بستگیانا و ھر موسمئ سنگٹی آ بہ طاقبرزگا اشتہ آ عالمین براسدارئ فشار آ نظر انداز کرت نہ کرت و سیکورٹئ کونسلئ نیمگا پہ مسعود اظھر والمین دھشت گردئ نام دیگئ تجویز آ اوشتارینگا نہ بوت۔  درا انت کہ ای حکیکت آ پاکستان ھم باید انت کہ تسلیم بیت۔رندا شہ تحریم بیگا نون مسعود اظھریی دورہ کنگئ سرا پابندی عائد بیت۔ 

آی املاک ضبط بنت و ھمی وڑا سلیح ساتتنئ سرا ھم پابندی عائد بیت۔ بہر حال رندا شہ ای فیصلہ پاکستان شہ وتی دل یا شہ بددلی آ ای رازئ کاروائی بناہ کرتگیت و پہ حکام آن ای ھدایت آ داتگیت کہ آوان شہ بین الاکوامینکونسلئ سیکورٹئ کونسلئ ھدایت دیما زرورین گامانا بزورنت۔ ایشی کچانہ نون رندا جتگ کننت کہ جیش محمدئ سرگرمیانی سرا بہ پاکستانئ تھا تہ چی کچانہ غور بیت یا آی سرگرمی تہ چی کچانہ کم بوتگنت۔ مگہ رندا شہ اینوکین فیصلہ پاکستانئ حکام چو ٹیپئ ھمی ھبرا تکرار کرتہ رونت کہ پاکستان بہ گجام مُلک یا عالمین براسدارئ فشارئ چیرا بری تنظیمانی حلاپا گام نہ زوریت بلکہ پہ وتی جیندئ کٹ و مفاد آ ای کارا کنت۔ بہ پاکستانئزانتکارین حلقہ آنی تھا ای وڑئ ھبر و متضاد ئن بیانانی سرا مذاق و ریشخندی بیت، و آوان پہ ھما مردمان کہ پاکستانئ نظم و ضبط بہ آوانی دستئ چیرا انت ای صلاح و شور آ دینت کہ آ بی وجین صفائی و تشریحات مہ دینت وای ھبرا راستامین وڑئ مننت کہ ھما پالسی کہ بہ دھشت گردیئ بھرا بہ پاکستانئ تھا دیم شہ ایشی بوتگنت پہ پاکستان بہ برزین کچانہ تباہ کن ثابت بوتگنت۔ 

و ھما دھشت گردانا کہ پاکستان پہ وتی کٹ و مفاد آ شہ آوان کٹ گپت آوان نون پہ پاکستان یک بھوجئ بوتگنت و وت پہ پاکستانئ وجود آ مزنئن خطرہ بوتگنت۔ پاکستانئ صائب حلقہ و دانشور، مجموعین وڑئ مسعود اظھرییتحریم بیگا فال نیک گپتگنت و پہ ارباب اختیاران صلاح داتگنت کہ آوان شہ دل شہ ای فیصلہ وش آتگی بکننت۔ ھمی پکر و حیالئ ترجمانی شہ کامران یوسف یک بیانئ ھم بیت کہ آوان بہ مئ ۶ تاریخا اکسپرس ٹریبیون تھالیکتگنت۔ آوان گشتگنت کہ بری روچان پاکستانئ گیشترکین حلقہ ای ھبرا محسوس کرتگنت کہ دھشت گردیئ بھرا گڈین اختیار بوتگین پالسی پہ پاکستان بہ برزین کچانہ تباہ کن بوتگنت شہ ای وجا نون تلافئ ھمی فرصت کہداتگ بوتہ آی را غنیمت زاننت و شرّین گام بزورنت و پاکستان آ شہ دھشت گردیئ لعنت ا الاس کننت و گون عالمین براسداری آ تعاون کننت و آی را مدد کننت۔