آی ایم اف بیل آوٹ کچانہ پہ پاکستان

پاکستان کوشست داریت کہ شہ وتی اکتسادین سَکیان وترا ڈنا در کنت و عمران خانی حکومت بری کوشستان بہ آئی ایم اف دیما وتی زانا بہ ڈگارا جتگیت و مُلکئ وقار ا بہ گھرو آ اشتگیت۔ شہ آئی ایم ایف تہ سہ سالا شش و نیماعب ڈالرئ بیل آوٹ پکیج تہ نون فائنل نہ بوتگیت و معاملہ نون بہ گپ و ترانئ مرحلہ تھا انت سرئ ایشی سرئ وزیر عمران خان بہ آئی ایم ایف شرائط آ تسلیم بوتگیت و وتی خزانہ وزیر آ ھور گون چُنتی اپسرئ دیگہ آنا قربانکرتگیت۔ دنیا ای ھبرا تہ نون نہ شموشتگیت کہ مملکت خداداد ئن واکئ گرگا دیمترا سرئ وزیر عمران خان یک مزنئن ھبرئ داتتنت کہ  آوان وت کشی کننت مگہ ایچ وھدہ دیم بہ آئی ایم ایف رادگ نہ بنت۔ 

پہ بیل آوٹ پیکج بہ دست آرگا بہ آئ ایم ایف شرائط تسلیم بیگا عمران خانی حکومت مجبور بوت ڈاکٹر رضا باقر آ مُلکئ سنٹرل بینک یعنی اسٹیٹ بینک آف پاکستان گورنر پیما دنت۔ ڈاکٹر باقر بری وھدہ آئی ایم ایف تھا ملازمتکننت۔ ھمی وڑا شہ پاکستانئ فیڈرل بیورو آف ریونیو چیئرمن پیما زیب خان آ یک نیمگ کرتگنت و محمد پجتبی کہ آئی ایم ایف پسندئ کارکنوک انت آ بری پیما ملازم کرتگنت۔ دیم شہ ایشی وھدہ کہ حکومت پاکستان و آئی ایمایف بہ بیل آوٹ پکیج باروا گپ و تران کرتنت آ مُلکئ  خزانہ وزیر اسد عمر مجبور بوت کہ وترا شہ وتی پیما یک نیمگ کنت۔ 

بہ وتی یک کالم تھا پاکستانئ نامدارین صحافی ڈاکٹر حسین احمد پراچہ لیکتگنت کہ ” عمران خان وتئ مزنئن ھبرانی پھد گڈیا مروچین روچا ھم گیندنت و ھور گون آوان پورہ ئن پاکستانئ استمان ھم گیندیت۔ شہ ایشی مزنترینتوھینئ چی بوتگ کنت کہ آئ ایم ایف گون خزانہ وزیر اسد عمر گپ و تران کننت و رندا ای تاثر آ دینت کہ گون آوان گپ و تران دیما شوتگ نہ کنت و پہ گپ و تران و مذاکراتئ دیمرئیا باید انت کہ آئی ایم ایف پسندیدہ ئنشخصیت عبدالحفیظ شیخ آ بہ ارئ وزیرئ وزیرئ پیما خزانہ وزارتئ ذمہ داتگ بیت۔ 

ڈاکٹر پراچہ بری بھرا ھمی وڑا گشتگنت کہ مُلک شہ عبدالحفیظ شیخ ملازمتا گیشتر وھدہ حیران بوتنت کہ اسٹیٹ بینکئ گورنرئ پیما باقر رضا ملازم بوتنت۔ باقر رضا گون پاکستان تھانکا اینکس تعلق داریت کہ یک وھدہ بہلاھورئ ایچی سن کالج تھا تعلیم گپتنت۔ شہ گڈین ۱۶ سالان آوان بہ آئی ایم ایف تھا کلیدین ذمہ زورتگنت و دو سال بہ عالمین بینک تھا ھم کار کرتگنت۔ دیم شہ ایشی کہ بہ پاکستان بیاونت آوان بہ مصر تھا شہ آئی این ایفنمایندگی کرتنت۔ ای راز معلوم بیت کہ شہ آئی ایم اف نیمگا آوانی نوکین پوسٹنگ بہ پاکستانئ تھا بوتگیت۔ بہ ڈاکٹر باقر صلاح پھدا مصر تھا ٹئیکس گیش بوتنت کہ شہ آی وجا عوام توار آ ال اورتنت و رندا ھما کچانہ کہ گیشبوتت پہ دوارگ جال آورتگ بوت۔ ڈاکٹر رضا ھر جاگہ کہ شوتگنت ھمادنا آئی ایم ایف ایجنڈا نافذ کرتگنتذ مگہ ایچ گجام ملکئ آوانا وتی خزانہ محافظ پیما نہ داتگیت۔ ای اعزاز عمران خانی حکومتئ کوتئ تھا انت کہ آوان آئی ایمایف نونین سروس نمایندگا پاکستانئ پورئ ین خزانہ ذمہ داتگنت شہ ای پوسٹنگ آ ای تاثر گیش بیت کہ نون آئی ایم ایف ہاکستانئ معیشیت آ پورہ ئن وڑئ دستئ چیرا گپتگیت۔ پاکستانئ اکتساد نونین وھدہ بہ وام و کرزانی بھوجچیرا انت۔ تھانکا ڈنئ وام نہ انت بلکہ مقامی دپتر و شہ بینکان زورتگ بوتگین وامانی کوہ کم نہ انت۔ 

پاکستانئ گڈین حکومت وھدہ کہ شہ عالمین دپتران وام زورت ای دعوئ کرت کہ مُلک شہ گیشترین وام و کرزان نجات ودی کنت مگہ بون پنچ سال رندا ای وام دو برابیر بوتگنت۔ بہ آیوکین ۳ سال تھا پی ٹی آئی حکومت باید انتکہ ۲۷ ارب ڈالرئ واما کہ شہ ڈنا گپتگ بوتگنت آ تیار کنت۔ دیگہ نیمگا صورتحال ایش انت کہ پاکستانئ پیداورئ شعبہ مفلوج انت و کشارگری ھم بحرانئ شکار انت و ڈنئ سرمایہ کاری تھانکا بہ اینفراسٹرکچر سرا بیت و پہبرآمدئ بل آ پورہ کنگا زر مبادلہ ذخائر گون تیزئن رفتارئ کم بنت۔ 

بہ نونین سَکترین حالاتان پاکستانئ ذمہ واجب الاداغیر وامانی کچانہ جلوائی ۲۰۱۸ سالئ تھا ۲۸ ھزار ارب روپی بوتہ و رندا شہ وامان کہ شہ سعودین عرب ، متحدہ امارات و چین گپتگیت ای وامئ کچانہ گیشتر بوتہ و بہ ۳۰ھزار ارب آ رستگیت کہ شہ ای بری ماہ تھا آ باید پہ جاپان ۱۵۷ اعشاریہ ۴۵ ملین ڈالر و آیوکین ماہ تھا ۱۹۴ اعشاریہ ۶۰ ملین ڈالر و ای ماہ پہ فرانس ۷۸ ملین ڈالر پہ جرمنی ۴۵ وعشاریہ ۲ ملین ڈالر و پہ آمریکہ ۶۱ ملینڈالر دیگا بیت کہ پورہ ئن کچانہ بہ ۲ اعشاریہ ۵ ارب ڈالرئ کچانہ انت۔ 

پاکستانئ مزنتری مخالپین گل پیپلز پارٹئ سربراہ بلاول زرداری بری نوکین صورتحال سرا تبصرہ کرتگیت و گشتگیت کہ خزانہ وزیر، ایف بی آر سربراہ و اسٹیٹ بینک گورنرئ تبدیلی مزنئن مسلئہ انت، نون آئی ایم ایف فیصلہکنت کہ پاکستانئ خزانہ وزیر یا اسٹیٹ بینک گورنر یا ایف بی آر سربراہ کئ بیت؟ ای وڑئ نظام دیماشوتگ نہ کنت عمران خان ٹیپو سلطان ھبرا داتنت مگہ نون مروچین روچا پاکستان غلام جور بوتہ۔