سرگال:ھِند ۔ امریکہ اۓ نیمگا سؤداگری سیال داری آ ناوشی

امریکہ اۓ سؤداگری اۓ وزیر ولبر راس آ نی ایں روش آں یک پیرا داسا ہمائی آ آنہی آ گوشتغۓ سا کہ ھِند جہان اۓ ہماں مُلک ایں ہموزا شرح وصول سجوں آنژ گیش ایں ۔آں امریکہ اۓ سرکار اۓ سجوں آنژ مزن ایں سؤداگری فورم بیٹھک آ بہر گِرغ آپا نوخیں دلی آختغۓ سا۔چین آ پھدا امریکہ ھِند اۓ سجوں آنژ مزن ایں سؤداگری سنگتدار ایں ۔وتی ھِند اۓ ہم منصب آگو بیٹھک اۓ نیمگا واجہ راس آ امریکہ اۓ صدر ڈونلڈ ٹرمپ اۓ نعرہ ‘میک امریکہ گریٹ اگین’آ یک وار پدوارغ دہرائینتھا او گوشتئی کہ ھِند۔امریکہ سیال داری آ پدوارغ وشتر کھُزؤ ما امریکہ آ پدوارغ عظیم کھُز کھنوں۔آنہی آ گوشتا کہ امریکہ آ پدوارغ عظیم کھنغ آپا ھِند اۓ واہریائی ضروری ایں ۔گُڈا دی ھِند او امریکہ اۓ نیمگا سؤداگری سیال داری آ ناوشی ایں۔چین او امریکہ اۓ نیمگا جُزوخیں سؤداگری مڑائی آژ ھِند آ پِکر ایں ۔امریکہ آ ھِند چکا ایران آژ تیل لوٹھائینغ چکا پابندی جھزا ۔اِشی پھجی آ آں جی ایس پی پروگرام اۓ روگا ھِند آ دۓ اغ والا آساقی آ آسر کھنغ اۓ منصوبہ کھنغیں۔اِشی اۓ دی نوخیں دلی آر پِکر ایں ۔ایزا اے ٹؤک زکر اۓ لائیق انت کہ جی ایس پی اۓ درجہ عالمی سؤداگری تنظیم ریجیم اۓ روگا دۓ اغ والا درجہ’سجوں آنژ گیش پسند اۓ مُلک’آژ بالکل جِتا ایں ۔واجہ راس آ گوشتا کہ اگر ھِند آ امریکہ اۓ گام اۓ جواب آ امریکہ اۓ شۓ آنی چکا محصول آ گیشتر کھُزا تہ اے جہانی سؤداگری تنظیم اۓ قانون اۓ روگا مناسو نوی۔امریکہ اۓ سؤداگری اۓ وزیر آ گوشتا کہ امریکہ آژ درآمد طبئی آلہ آنی بھاء درج کھُزی آ رؤ ہماں کہ دوایں مُلک آنی نیمگا سؤداگری آ یک رکاوٹ ایں ۔ہمیں وڑ اۓ مُچھیں مسلہ آنی چکا ھِند آ آؤخین سرکار اۓ سروکی آ پھدا تفصیل آگو ویچار کھُزی آ رؤ۔امریکہ اۓ سؤداگری اۓ وزیر او آنہی ھِند اۓ ہم منصب دوایں آ ھِند او امریکہ اۓ نیمگا گیش بیسغین سؤداگری سیال داری اۓ وشادگی کھُزا۔بیٹھک آ پھدا یک پیرا آ گوشتی آ شُزا کہ شۓ او ھزمت آنی شعبہ آ دوایں مُلک آنی نیمگا سؤداگری آ ۱۲ اعشاریہ شش پیصد اۓ گیشتری بیسا۔ہمیں فورم آ امریکہ اۓ سؤداگری اۓ وزیر آ ۱۰۰ سؤداگر لیڈر آنی یک ٹلہ اۓ سروکی کھُزا۔ھِند حاکم آنی پھجی آ وتی بیٹھک اۓ نیمگا ہمیں سروک آں ھِند آ آسانی آگو سؤداگری کھنغ اۓ ٹِک آنی چکا داس گپت کھُزا۔ھِند او امریکہ اۓ نیمگا سؤداگری اۓ شعبہ آ گیش بیسغیں بے بروبری چکا صدر ٹرمپ آ گوستی ایں روش آ بازیں دھکا روژ نائی ماکھُزا۔مالی سال ۲۰۱۷۔۱۸ اۓ نیمگا امریکہ آ ھِند اۓ برآمد ۴۷ اعشاریہ نوہ ارب ڈالر اسا درگتہ کہ ہمیں سال امریکہ آژ ھِند اۓ درآمد چھڑوئی آ ۲۶ اعشاریہ شش ارب ڈالر اۓ اسا۔اے دیستؤ امریکہ اۓ گُشغ اسا کہ دوایں مُلک آنی نیمگا سؤداگری اۓ شعبہ آ بے براوری ایں۔امریکہ ھِند اۓ پھجی آ براور سؤداگری سیال داری آ باڑہ ایں مگن آنہی آ اے پوہ بی اغ لوٹھی کہ اگر آنہی آ جی ایس پی اۓ درجہ گڑدینتھؤ گِتا تہ ھِند جوابی کاروائی کھُز کھنت پھرچھے کہ مُلک اۓ معاشی مفاد اۓ دپاع کھنغ آنہی فرض ایں۔