من کی بات

منی دوستین ھم وطن نمسکار۔ یک نیمگا پہ مئ مُلکا بری روچان شہ اورئ دود وجا وش گئوستگیت، و دیگہ نیمگا بہ مُلکئ ھر نیمگئ استمان دود و فسٹیوالانا دود گرنت۔ و ایش تہ دیوالی رادگ مانیت۔ شاید مئ جد و اجداد سالینہ ئن دورہ، اکتسادین دورہ، سماجین و زندگئ دورہ یک رازئ جور کرتگنت کہ اطمینان حاصل بیت کہ بیحوصلگی و بی وسی بہ سماجئ تھا ھیچ وجئ پُتریتگ مہ کنت۔ بہ گئوستگین روچانی تھا ما چُنتی فستیوال انا دود گپتگنت۔ زیئن روچا کریشنا جنما مھوستاو، کریشنا ودی بیگئ روچئ فستیوال بہ ھندیی مُچین سیمان دود گپتگ بوت۔کجام کَسئ آوانی شخصیتئ عظمت و جوانی باورا پکر ھم کرتگ نہ کنت، کہ نون چُنت ھزار سال رنداھم آوانی ودی بیگئ روچ دود گپتگ بیت و ھر وار گون نوکین الھام و نوکین تازگی دود گپتگ بیت۔ و چُنین نجیب ئن مردمئ اتنت، سرئ ایشی کہ یک ھزار سال دیما بوتہ گون سَکیانی حل کنگ و الھام دیگا بستگی داریت۔ پہ شری کریشنا زندئ مروچین روچئ سَکیان ھر مردمئ حلئ راھ ودی کرتگ کنت۔ سرئ ھما عظیم و مزنئنواکئ کہ آ داشتنت، آوان لھتین وھدان وترا بہ راس تھا موشکول کرتنت و دیگہ وھدان بہ گوک و گوک چران انی نیاما اتنت و لھتین وھدان بہ گوازی سپورٹ تھا موشکول اتنت و بعض وھدان گون فلوت ساز جتنت۔
یک شخصیتئ کہ پر شہ راز رازین استعدادان بوتہ ھور گون عظیمئن توانایی و واکا، سرئ آی آوان متعھد اتنت کہ استمان و سماج آ پرواک کننت، آوان یک شخصیتئ اتنت کہ نوکین اتمام و اجرا مجسم کرتنت، یک مخزن و مھلوکانی ریکنوک اتنت۔ دوستی چی وڑئ کیفیت باید انت کہ داشتگ بیت؟ سوداما دپ دیگا کجام مردمشموشتگ کنت؟ و بہ جنگئ میدان آ ؟
سرئ وتی آ عظمت و مزنئ آ ریکشا برتنت، یا چو تپگئ بال آورتنا و دیگہ وھدان منتگین بلگانی پلیٹ آنا بال کاورتنت۔ بہ ھر کارئ کہ آوان کرتنت یک نوکئ احساسئ ات۔ و شہ ھمی وجا مروچی، وھدہ کہ من گون شما ھبر کنین، منی پکر و حیال دیم بہ دو موھن آن روت۔ یکئ سودرشن چکرائ موھن انت و یکئ دیگہ چرخہ موھنانت۔
سودرشن چکرائ موھن شہ یمونائ دریآب آ دیم بہ گُجراٹ ساحلان روت، و وترا بہ دواریکائ شھرئ تھا قائم کنت، وھدہ کہ موھن کہ شہ ساحلان بناہ بوت بہ یمونائ دریآب آ رست و آی آخری نشان بہ دھلئ تھا انت۔
سودرشن چکرا موھن چُنتی ھزار سال دیما وتی زانتکاری، احساس ذمواری، واک و آی پکر و حیال بہ جنگئ اوشتارینگا، دیمگیری شہ تنازعہ چو یک نشانئ درا کرتنت۔ و کتائی چکرا موھن ھم ھمی رازین راھئ رو گیچئن کرتنت، پہ آزاتئ آ، پہ بنیادمین ارزشانی ساتتنا، پہ شخصیتئ بنیادین عنصرانی مستحکم کنگا آ پہ آزاتئ سَکیانو کوشستان دیگہ رنگئ داتنت، یک کارئ کہ مُچین دنیا متعجب کرت و مروچین روچان ھم متعجب انت۔ بی لوث و پکرین حذمت، زانتکارئ اھمیت، و یا بہ زندئ سَکی و ازمایشانی تھا گون پر اندگین دپئ دیما شوتن، ای مُچین چیزانا ما شہ کریشنائ زندئ پیگاما یات گپتگ کننت۔ و شہ ھمی وجا شری کریشنا، بہ جتاگورو “عالمئ تعلیمدیوک” و یا “کریشنام وندہ جگادگودوم ” ناما دروست بنت۔
مروچی، وھدہ کہ ما ھبر کننت، فسٹیوالئ تیاری پہ ھندیی یک مزنئن فسٹیوال دود گرگا رادگ انت۔ نہ تھانکا بہ ھندیی تھا، ای یک کوتئ شہ گپ و تران آن بہ پورہ ئن عالمئ تھا انت۔ منی دوستین ھم وطن، من بہ مھاتما گاندھی یکصد و پنجاھمی ودی بیگئ سالروچی باروا ھبر کنین۔ بہ ۱۸۶۹ سالئ اکتبرئ دومی تاریخا بہ بہ پربندر کہبہ کیرتی مندیر ناما مروچی دروست بیت، بہ یک کسانین گئسئ تھا نہ تھانکا یک مردمئ بلکہ یک دورہ ودی و بناہ بوت کہ بنیادمئ تاریخا بہ یک نوکین راھئ تھا برت کہ پر شہ حاصل و دست آورد آ ات بہ راھ۔
یک چیزئ کہ ھر وھدہ مھاتما گاندھی شخصیتئ یک عنصر و کوتئ بوتگیت آوانی پکر و حیال بہ حذمت بھرا و ھمی وڑا آوانی پکر و حیال بہ آوانی ذموارئ کہ بہ حذمتئ دیما داشتنت۔ اگہ آوانی زندئ سرا پورہ ئن وڑئ غور کننت، آوان پہ جالئ آپریکہ قومان کہ نسل پرستئ ستم شکار اتنت حذمت کرتنت، بہ آ وھدان ای کار گونڈینو آسانین ھبرئ نہ بوتہ۔ آوان ھمی وڑا پہ چمپاران کشارگران حذمت کرتنت کہ بہ آوانی حلاپا ھم توپیر و تبعیض بوت۔ آوان ھمی وڑا پہ مل ورکران ھم مدد کرتنت کہ آوانی مزد کم ات۔ آوان پہ غریب و بی وسین مردمان و پہ گشنگ و بیچارگین مردمان ھم مدد کرتنت و ایشی را وتی زندئ اھمتری ذمواری زانتنت۔ بہ آ وھدان بہلیپروسی یا جذام باروا بازین غلط فھمی اتنت۔ پہ ای غلط فھمی دور کنگا آوان پہ ھما مھلوکان کہ ای ناجوریا داشتنت شہ نزیکا حذمت کرتنت۔ مزنئن شرّین مثال شہ حذمت آ آوان بہ وتی زندئ تھا درا کرتگنت۔
یکجا بیگ شہ وت یک رازئ واک و استحکامئ پہ کار داریت۔ بہ مھاتما گاندھی ۱۵۰ سالروچا کوشست کنیئت کہ یکجا بیگئ احساس ودی بیت و حذمتئ احساس دور و برا محسوس بیت۔ پہ چئ ما مُچین دستانا یکجا مہ کننت و وتی ھم پلّین سیمانا چنڈیننت۔ ما لھتین کار کرتگ کننت، کدیمین کتابانا یکجا کننت و پہ بی وسین مھلوکاندینت و زانتکارئ نور ا گیش کننت۔
منی دوستین ھم وطن، چُنت ماہ دیما من بہ ڈانڈئ تھا اتن۔ بہ آدنا من یک آرٹ موزیمئ را بہ مھاتما گاندھی احترام و ناما بنگیج کرتن۔ من شہ شما لوٹین کہ بہ آیوکین روچان شہ ھر جاگہ کہ گون مھاتما گاندھی بستگی داریت دورہ کنئیت۔
و وھدہ کہ شہ آدنا دورہ کرتئیت بہ سوشل میڈیا تھا وتی عکسانا شریک کنئیت کہ شہ آی ای دیگہ مھلوک ھم الھام گرنت۔ پہ آیوکین وھدان چُنتی پروگرام، مسابقہ و نمایشگاہ بنگیج کنگ پلان بوتگیت۔ یک وارئ دیگہ ھور گون وتی مبارکیان پہ مھاتما گاندھئ ۱۵۰ ودی بیگئ سالروچا من وتی لوٹگانا کہ شہ ھر ھندیی دارین درا کنین۔ھر مھلوکئ باید انت کہ پہ مُلکا، سماج یا پہ دیگئ مھلوکئ یک کارئ کنت۔
ماتین ھندئ سربرزین زاگ، شاید شما را یات بیت کہ بہ گئوستگین سالانی تھا یک کومین کمپاین بہ ” سواچھتا ھی سیوا” یعنی کہ ” پاکئ راھ گام زورتن یک حذمتئ انت” ناما بناہ کرتنت کہ چُنت ھپتگ دیم شہ اکتبرئ ۲ تاریخا ات۔ ای واری ای کمپاین بہ سپتمبرئ ۱۱ تاریخا بناہ بیت۔ بری وھدہ ما مُچین باید انت کہ شہنوتی گئسان ڈنادر بینت و بہ وتی ھم پلّین سڑیکان، اسکول و کالج و پل و سیمان برونت و اطمینان حاصل کننت کہ مُچین عامین جاگہ پاک انت۔ ای واری مئ غور باید انت کہ بہ پلاسٹک سرا بیت۔ ای سالی بہ اکتبرئ ۲ تاریخا وھدہ کہ ما باپو یکصد و پنجاھمی ودی بیگئ سالروچا دود گرنت نہ تھانکا پہ آوان یک ھندی را تحفہ دینت کہ بہ آی تھامھلوک ڈنا گندگ نہ کننت بلکہ یک مُلکئ کہ بہ پلاسٹک حلاپا نوکین انقلابی را بناہ کرتگیت۔
بیائیت یکجا مھاتما گاندھی ودی بیگئ سال روچا بہ اکتبرئ ۲ تاریخا خاسین وڑئ دود گرنت چو یک خاسین ” شرمدان” فسٹیوالئ کہ بہ آی تھا ھر مھلوکئ گون وتی جیندئ کارگری آ بہ آی تھا کوت بگیت۔ من شہ کارپوریٹ سکٹر آ ھم لوٹوک استن کہ نوکین راہ و وسیلہ ودی کنت کہ گون آی مُچین یکجا بوتگین پلاسٹگ بازیافت بوتگکنت۔ ای راز ما کرتگ کننت کہ دیم شہ دیوالی آ اطمینان ودی کننت کہ پلاسٹک گندگی شرّین وڑئ پاک و دفع بیت۔ پہ ای مُچی کارانی تسر کنگا یک فیصلہ پہ کار انت۔ و پہ الھام آ ھیچ زرور نہ انت کہ اینگور و آنگور سیل کننت، بیدئ مھاتما گاندھی مزنترین الھامئ کجا ودی بیت؟
منی دوستین ھم وطن، مئ سنسکریٹ سوبھاشیتئ بیت زانتکارئ سور و الماس انت۔ ای بیت کہ من نون پہ شما گشین چُنتی قرن دیما لیکتگ بوتگنت مگہ مروچی ھم بہ برزین کچانہ معنی دارنت و مرتبط انت۔ بہ یک سوبھاشیت تھا لیکتگ بوتہ :
آپ، گندم و سوبھاشیت سہ الماس انت کہ بہ ڈگارئ سرا ودی بنت۔ بی پروائن مردم سینگ آ ھم الماس گشنت۔ بہ مئ دود و ربیدگانی تھا پہ نان آ مزنئن عظمت و اھمیتئ داتگ بوتہ۔ ما حتئ نانئ باروئ زانتکاریا بہ یک سائنسئ بدل کرتگنت۔ بہ ” پوشان ابھیان” کمپاین سیائگا تغذیہ گون مودرن سائنٹفیک راھان ودی بیت و ای کار بہمُلکئ مُچین سیمان بہ یک مزنئن جنبشئ بدل بوتہ۔
ما مُچین شہ ” ان پراشان سنسکار” ربیدگا سی انت، ای اولی نان داتنئ وھدہ انت کہ بہ مُچین الک و اعیالان بہ ھندیی مُچین سیمان تسر بیت۔ ای وھدہ انت کہ گونڈک زاگ پہ اولی وار نان دپا کننت۔
بہ ۲۰۱۰ سالا گُجراٹ پلان کنگا بناہ کرت کہ پہ گونڈکو کسانین زاگان بہ ” ان پراشان سنسکار” وھدہ نان دنت کہ ای کار بہ مُچین مھلوکانی نیاما دیمرئی ودی کنت۔ ای یک شرّین گام گرگئ انت کہ بہ ھر جاگہ بناہ و تسر بوتگ کنت۔ منی سنگٹ، لھتین چیز استنت کہ بہ مُلکئ جنگا کہ بہ سوء تغذیہ حلاپا رادگ داریت مدد کرتگکننت۔ مروچی، شہ زانتکارئ کمئ وجا، بی وس و گریب ئن الک و اعیال گون سوء تغذیہ سَکیان دیم پہ دیم انت۔ سپتمبرئ ماہ بہ ” پوشان ابھیان” ناما دود گپتگ بیت۔ اگہ شما چُنت مردمانا شہ سوء تغذیہ رکینتگ کنئیت، ایش بری معنا انت کہ ما کرتگ کننت وتی مُلکا شہ سوء تغذیہ دایرہ ڈنا در کننت۔
زنگ شہ سریشتی ویدیا—–
بانوک سریشتی شکریہ شہ شمئ زنگ آ، ھمی راز چون شمئ آ، واجہ کئ کئ پانڈئ شہ ھریانا، سوھنا، و آشواریا شرما شہ صورت و چُنتی مردمئ دیگہ وتی لوٹگا بری بھرا در کرتگنت کہ ڈیسکورئ ٹی وی چینل، ” بنیادم – وحش ” قسمت باروا گیشترین زانتکاری پہ شما داتگ بیت۔ من اطمینان داشتن کہ بری بھرا لھتین سوج درابنت و ھمی راز ھم بوت۔ گون ای یک قسمت آ من نہ تھانکا گون ورنائان بہ عالمئ مُچین سیمان ارتباط ودی کرتگ کرتن مگہ من ھیچ وھدہ پکر نہ کرتن کہ بہ ورنائانی دلانی تھا یک جاگہ ودی کرتگ کنین گون ای کارا۔ مگہ سیل کنئیت کہ چی بوت۔ بہ گئوستگین ھپتگئ تھا من بھوٹان شوتن۔ من ای ھبرا محسوس کرتگن کہ ھر وھدہمن شہ کجام جاگہ بہ سرئ وزیرئ پیما دورہ کنین یک کَسئ نہ یک کَسئ بہ یوگائ باروا شہ من سوج کنت و ایشی کرڈیٹ آ بایدانت کہ پہ بین الاکوامین یوگائ روچا دین۔
گیشترکین مزنئن عالمین سربراہ گون من بہ یوگائ باروا گپ و تران کرتگنت و ای منی تجربہ بہ عالمئ مُچیب سیمان طوتہ۔ مگہ بری روچان من بہ یک نوکین گپ و ترانئ ماحولئ داخل بین ھر مردمئ کہ من گون آی گیند و نیند کنین یا ھبر دئین گیشترکین وھدان بہ وحش یا وایلڈ لایف باروا بہ ماحول، آسیاین شیر و پلنگ باروا گپو تران کننت۔
ڈیسکورئ چینل پلان داریت کہ ای پروگرام آ بہ ۱۶۵ مُلکانی تھا بہ آوانی زوانان شینک کنت۔ مروچین روچا وھدہ کہ عالم گون موسمئ بدل طیگئ سَکی و عالمین گرمئ سَکیان دیم پہ دیم انت من امیت درا کنین کہ بہ انچین حالاتان ڈیسکورئ چینلئ ای قسمت مدد کنت کہ ھندیی پیگام بری سَکیانی بھرا پہ عالم آ برسیت۔
یک دیگہ جالبین ھبر ایش انت کہ لھتین مردم شہ من یک سوجئ دیگہ ھم کننت کہ مودی جی شما لطف کنئیت پہ ما گشئیت کہ شما گون بیئر گریلز بہ ھندیی زوانا ھبر کرتئیت و بیئر گریلز ھندیی زوانا نہ زانیت شمئ نیاما گپ و تران گون انچین تیزین رفتارئ شی وڑا تسر بوت؟ ای قسمت آ رندا جور کرتنت؟ چُنت وار شما شہ ایقسمت آ فلم گپتئیت و چی وڑا تسر بوت؟ آوان گون بازین کنجکاوی ای سوج آ کننت۔
نون ھیچ رازئ بہ ایشی نہ انت۔ مُچین مردم بری ھبرئ باروا پکر کننت و بری پکر و حیالا انت کہ گجام رازئ وجود داریت و نون من ای راز آ درا کنین۔
حکیکت ایش انت کہ ھیچ رازئ نہ انت۔ شہ ٹیکنالوجی آ بہ برزین کچانہ بری گپ و ترانا کہ گون بیئر گرلیز تسر بوتہ کٹ گپتگ بوتگیت۔ بہ بیئر گریلز گوشان یک گونڈین بی سیم ئن گوشکی ات و ھر وھدہ کہ من بہ ھندیی زوانا ھبر کرتن ھما دم منی ھبر بہ انگلیسئ زوانا پہ آوان بدلینتگ و ترجمہ بوتنت۔ من بہ ھندیی زوانا ھبرکرتن و آوان بہ انگلیسی زوانا اوشکینتنت و شہ ای وجا مئ گپ و تران آسان بوت و ایش حیرت و وشھالئ جاگہ انت کہ ٹیکنالوجی تہ ای حد دیمرئی کرتگیت۔
رندا شہ ای قسمتئ شینک بیگا چُنتی مردم بہ جیم کوربت و کومین پارک باروا گپ و ھبر کننت۔ شما ھم باید انت کہ شہ ھما سیمان کہ وحش و حیوان و طبیعت بہ آدنا موجود انت دورہ کنئیت۔ بہ اگست ۱۵ تاریخا من شہ سورین قلعہ شہ شما مُچان لوٹوک بوتن کہ بہ آیوکین ۳ سال وھدہ تھا کم شہ کم شہ ھندیی ۱۵ جاگان دورہ کنئیت،وتی الک و اعیالانا گون وت برئیت و بہ آ جاگان وخت گوازیینئیت۔
مئ مُلک چُنتی رازئ جاگہ داریت۔ وھدہ کہ شما شہ ای جاگان دورہ کنئیت، شمئ زند دیمرئی کنت و شمئ پکر و حیال دیمرئی کننت۔ و باور کنئیت انچین جاگہ بہ ھندیی تھا انت کہ شما شہ آدنا گون نوکین انرژی و واک و وشھالی برگردیت و شمئ دل بیت کہ گون وتی الک و اعیالا شہ آدنا پہ دوارگ دورہ کنئیت۔
منی دوستین ھم وطن! شما شہ ای ھبرا سی ائیت کہ ھندیی تھا چُنت پلنگ است؟ پلنگانی اشمار بہ ھندیی تھا دو ھزار و نہ صد و شصت و ھپت انت۔
چُنت سال دیما مئ مُلکئ تھا ای اشمار بہ نیم ات۔ پلنگانی سرگال آ دیوانئ بہ ۲۰۱۰ سالا بہ روسیہ سینٹ پیٹرزبرگ تھا تسر بوت۔ بہ آ دیوانئ تھا فیصلہ بوت کہ تہ ۲۰۲۰ سالا پلنگانی اشمار آ دو برابیر کننت۔ مگہ ایش نوکین ھند انت کہ م بہ ادنا وتی مکسدانا بہ زوترین وھدان پورہ کننت۔ ما وتی پلنگانی اشمار آ بہ ۲۰۱۹ سالئ تھا دوبرابیر کرتنت۔
آ وھدان کہ من بہ پلنگانی باروا معلومات آ درا کرتن شہ گُجراٹئ گیر آسیائین شیر آ ھم یات کرتن۔ وھدہ کہ گُجراٹ تھا بہ گیر جنگلئ تھا آسیائین شیرانی اشمار کم بوت من گُھراتئ سروکین وزیرئ پیما داشتن۔ ما بہ گیر تھا چُنتی رازئ گام زورتنت۔ بہ ۲۰۰۷ سالا ای ھبرئ سرا فیصلہ بوت کہ بانوک ئن گارڈ ھم ملازم بنت۔ بنیادینڈھانچہ ھم دیمرئی داتگ بوتنت کہ گون آی توریزم ھم دیمرئی کنت۔
اگہ جنگل مہ بنت پلنگ مجبور بنت کہ بہ بنیادمانی زندئ سیمان بیاینت و رندا کشتگ بنت و اگہ بہ جنگلانی تھا ھیچ پلنگ مہ بیت، بنیادم جنگل آ شہ بین بارت ، شہ ھمی وجا حکیکت ایش انت کہ پلنگ جنگلانا رکیننت و جنگل نہ انت کہ پلنگ آنا رکیننت۔ مئ جد و اجداد ای مزنئن حکیکتا شرّین وڑئ اما را سرپھد کرتگنت۔
منی دوستین ھم وطن، سوامی ویوئکانندائ بیان آ کہ بہ ۱۸۹۳ سالئ سپتمبرئ ۱۱ تاریخا آوان دیما کرتنت آ گجام مھلوک انت کہ شموشتگ کنت۔ ای ھندین مونک کہ پورہ ئن عالمی نسلئ پکر و حیالانا چنڈینت و عالمئ تھا شہ ھند یک روکین عکسئ برجا اشت۔
بیایئت نوکین رازئ دیم بہ ھند سیل کننت رازئ کہ سوامی ویوئکانندا ھند آ دیستتنت و بیایت کہ شہ ھندیی واک آ کہ پہ ای میراث رستگیت شرّین وڑئ کٹ گرنت۔
منی دوستین ھم وطن، شما مُچین شہ ای ھبرا سی ائیت کہ بہ اگست ۲۹ تاریخا ” کومین سپورٹ روچ” دود گپتگ بیت۔ بری وھدہ ما لوٹوک انت کہ ” فیٹ اینڈیا موومنٹ” بہ مُلکئ مُچین سیمان بناہ کننت۔ ما باید انت کہ وترا فیٹ ساتنت و کوم ھم فیٹ بیت۔ ای کمپاین باز دلچسپین کمپاینئ پہ شما، گونڈک و مزن و کسان و پیر و ورنا وبانوکان انت و شمئ کمپاین انت۔ مروچی من گیشترین معلوماتئ بری باروا نہ دین شما باید انت کہ چمبراہ بئیت پہ اگسٹ ۲۹ تاریخا۔ منی دوستین ھم وطن من بہ اگست ۲۹ تاریخا بہ ” فیٹ اینڈیا موومنٹ”، ” پوشان ابھیان” کہ بہ سپتمبرئ ماہ تسر بیگا انت و خاسین وڑئ بہ ” سواچتھا ابھیان” کہ شہ سپتمبرئ ۱۱ تہ اکتبرئ ۲ تاریخارادگ مانیت پہ شمئ کوت گرگا چمبراہ استن۔ و ۲ اکتبرئ روچ خاسین وڑئ پہ پلاسٹک زیان کنگا فیکس بوتگیت۔ مشما مُچی باید انت کہ کوشست کننت پلاسٹک آ شہ وتی گئسان و گئسانی ڈنا یک نیمگ کننت۔
و من زانین کہ ای مُچین کمپاین بہ سوشل میڈیائ تھا مزنئن توارئ کننت۔ بیائیت یکجا گون نوکین ھیجان و نوکین مکسد و نوکین واکا دیما برونت۔
منی دوستین ھم وطن ایش ات ای وارین من کئ بات قسمت کہ نون تسر بوت۔ من گون شما بہ آیوکین وھدہ پھدا یکجا بئین۔ من پہ شمئ لوٹگ و ھبران چمبراہ استن۔ بیائیت یکجا دیما برونت و ھما ھندا جور کننت کہ مئ آزاتی لوٹوک و گاندھی صاحب آی آرمانا داشتنت۔ “سوانت سوکھئ” بیائیت دیما برونت و شہ وتی درونین وشھالی آلذت برنت گون حذمتئ کنگا۔
باز بازین شکریہ
نمسکار