پاکستانئ پوجین حلاپ کنگ بہ اوگانستانئ سیمسرئ سرا۔

ای راز درا بیت کہ پاکستانئ پوجین ایسٹبلشمنٹ بہ وتی ھم پلّین مُلکانی حلاپا گیرکانونین پوجین مھم جویئیانی شئوک بہ برزین کچانہ انت۔  بہ ھندوستان و پاکستانئ سیمسرئ سرا ھما جاگہ کہ لائن آف کنٹرل انت، پاکستانئ پوجئ قابل اعتراض ئن موشکولی گیشترکین وھدان رادگ انت۔ سیمارئ سرا جنگبندئمسلسل ئن حلاپ کنگئ وجا گیشترکین وھدان سَکی و تال و شورئ ماحول گیشترکین وھدان رادگ انت مگہ ھور گون آی پاکستان گون دھشت گردیئ و تشدد پسندیئ دیمرئی دیگا حالاتانا دیگہ ھم خراب کنگئ کوشست آ کنت۔ گون اوگانستان ھم ھمی رازئ یک سلوکئ را بناہ کنگئ لوٹوک انت۔ 

اوگانستانئ طالبانی محفوظ و امنئن کودوگانا ھمی مُلک امن و منظم کرت کہ شہ ایشی وجا اوگانستانئ تھا ھلگرانی تسر کنگئ منصوبہ بندی شہ ھمادنا تسر بیگ بناہ بوت۔ طالبانی حکومتئ زوال و اوگانستانئ تھا شہ آمریکہ نیمگا بہ دھشت گردانی حلاپا جنگئ  بناہ بیگا رندا طالبانی واکئ اصلین مرکز پاکستانبوت و نون طالب و آمریکہ نیاما امن و امانئ گپ و تران رادگ انت کہشہ ای گپ و ترانان ای امیت روت کہ رندا شہ آی آمریکہ پوجی شہ اوگانستان آ ڈنا در بینت و باز ھم بہ آ مُلکئ تھا امن مانیت، بہ ایشی باروا بازین حلقہ انت کہ بری پکر و حیالا انت کہ شہ ایشی وجا حالات دیگہ ھم خراب بنت۔ 

گیشترکین زانتکار بری پکر و حیالا انت کہ شہ ای وجا کہ اوگانستانئ نیمئ سیمان طالب کنٹرل دارنت آوانی حوصلہ بہ برزین کچانہ گیش بوتگیت و ھور گون آی نون شہ امن و امانئ گپ و ترانانی وجا آمریکہ و پاکستانئ نیامئ بستگی گیتیر بوتگنت و شہ ایشی وجا طالبانی دیگہ ھم حوصلہ افزائی بوتگیت۔رندا شہ آمریکائین پوجیانی ڈنا در بیگا شہ اوگانستان ھر نقشہ کہ طالب پہ اوگانستانئ آیوکین وھدہ دارنت بہ آی تھا بی شک پاکستانی ذھنئ کارفرمائی انت۔ 

ای ھبرئ احساس شہ دیمترا ھم ات پہ چہ کہ وھدہ کہ آمریکہ و طالبانی نیاما گپ و تران بناہ بوت اوگانستانئ تھا ھلگر کمتر نہ بوتنت و بلکہ گیشتر ھم بوتنت۔ آیوکین وھدہ تھا ھما سیاسین ایجنڈا کہ پاکستان لوٹوک انت کہ بہ اوگانستانئ تھا بروئ کار بیاریت آی اشارہ و نشان دیم شہ دیم درا بوتگنت۔ بہ ھمیروچان اوگانستانئ بری ھبرئ حلاپا نہ تھانکا احتجاج کرتگیت بلکہ شہ ایشی بہ برزین کچانہ بدگشی ھم کرتگیت۔ پاکستانئ اوگانستانئ سینسرئ سرا بین الاکوامین کونسلئ چارٹر حلاپ ورزی آ کنت۔ اوگانستانئ مشن بہ یک پیگامئ تھا پہ بین الاکوامین کونسل آ لیکتگیت کہ آ پاکستان آ مجبور کنت کہ بینالاکوامین و بین الاکوامین کونسلئ کانون و اصولانی پاسداری آ بکنت۔ اوگانستان پہ بین الاکوامین کونسل آ شکایت کرتگیت و شہ ھما رازئ حلاپ ورزئ کہ پاکستان کنت بدگشی کرتہ گشتگیت کہ پاکستانئ روچ دراتئ سیمانی سیمسران گون اوگانستان، بہ آ سیمان پاکستان شیلنگ کنت کہ شہ آی وجا نہ تھانکارھائیشی ماڑئ تباہ بنت بلکہ ھما مقامی سیمان مردمئ کہ وتی زند آ دیما برنت مجبور بوتگنت کہ وتی گئسانا ویل کننت و جیئنت۔ 

بہ اوگانستانئ سیمان آ لوٹوک انت کہ گیرکانونین وڑئ وتی پوجین مرکزانا قائم کنت و ھمی وڑا لوٹوک انت کہ بہ ھمی سیمان بیرئرس ھم قائم کنت و ھمی مُچین موشکولی بہ بین الاکوامین کانون و بینالاکوماین کونسلئ چارٹر حلاپ ورزئ زمرہ تھا کائینت۔

بری پیگامئ کہ اوگانستان بہ آی تھا وتی شکایتانا درج کرتگیت بہ آی تھا نونین دپ دیگ ھم شامل انت۔ ھمی گئوستگین اگسٹ نوزدہ و بیست تاریخا بہ اوگانستانئ کنار سیمانی شلتان جاگہ ۲۰۰ راکٹ شہ پاکستانئ پوجیانی نیمگا پرینتگ بوتگنت۔ اوگانستانئ حکام ای دعوئ دارنت کہ آوان شہ پاکستان پھد بہپھدین وڑئ لوٹوک بوتگنت کہ آ وتی کارانا اوشتارینیت مگہ نہ پاکستانئ پوج وتی ای موشکولیانا بند کننت و نہ آ مُلکئ مردمین سربراہ ای ھبرانی نوٹس آ گرنت۔ اوگانستان شکایت داریت کہ ای مُچین موشکولی شہ دیرین وھدہ رادگ انت۔ 

نون ما چمبراہ انت کہ گیندنت بین الاکوامین کونسل کرتگ کنت کہ پاکستانا آ شہ آی چارٹر حلاپ ورزی آ اوشتارینیت یا نہ۔ مگہ شہ پاکستانئ ای موشکولیان ای ھبر شرّین وڑئ درا بیت کہ آ پہ اوگانستانئ سیمین سالمیت و خودمختاری آ ھیچ وڑئ احترامئ نہ داریت اگہ نہ آ ھیچ گجام ھم پلّین مُلکئ سیمسرئسرا نچین اشتعال انگیز ئن کاروائی نہ کرت۔ ای راز درا بیت کہ پاکستان نون بری پکرا انت وھدہ کہ آمریکائین پوجی شہ اوگانستان آ ڈنا در بنت پہ آی میدان اورک بیت و گون آی حمایت و نیمہ داری آ یک وارئ دیگہ طالب اوگانستانئ سرا قابض بنت و رندا آ کرتگ کنت پاکستان وتی پسندئ حکومتانادینیت و شہ آی راہ ای مُلکئ ڈنئ کارانی پالسی آنا جور کنت۔ بین الاکوامین کونسلئ وڑئ عالمین دپتر باید انت کہ پاکستانئ انچین بدنیتی و توسیع پسندین عزمانا گون زانتکاری چمئ چیرا گرنت۔