سرگال: عمران خانی سرکارئ اشتعال انگیزئن گام گرگ بہ ھندیی حلاپا۔

رندا شہ ایشی کہ ھندوستانئ تھا بہ کشمیرئ بھرا ۳۷۰ دفعہ شہ نیاما زورتگ بوت، پاکستانئ عمران خانی حکومت انچین سَکین ردعمل درا کرت و انچین اشتعال انگیزئن بیان داتگنت و انچین گام زورتگنت کہ آی را دیستہ مردم حیران ماننت کہ یک مُلکئ گیچئن بوتگین سرئ وزیر بہ گجام ھم پلّین مُلکئحلاپ انچین ھبر ھم داتگ کنت؟

اول سرا پاکستانئ حکومت فیصلہ کرت کہ وتی سفارتی و سوداگرین بستگیانا شہ نیاما بزوریت۔ رندا سفارتین کچانہ پورہ ئن وڑئ کوشست بوت کہ عامین رائ آ بری بھرا گمراہ کنت و بین الاکوامین وڑئ واویلا پھاد کنت۔ حالانکہ بہ بین الاکوامئن کونسلئ سیکورٹی کونسلئ تھا سرئ چینئ مُلکئ مُچینکوشستان ھما سبکئ کہ پاکستان گون آی دیم پہ دیم بوت رندا شہ آی باید انت کہ احساس کرتن ای ھبرا کہ عالمین وڑئ آی پیما و ساکھ بہ چہ کچانہ انت۔ 

مگہ احساسات و جوش یک رازئ بہ پاکستانئ حکمرانانی سرا حاوی انت کہ آ شہ اشتعال انگیزئن بیانانی دیگا وترا ساتتگ نہ کننت۔ یک وفاقین وزیرئ وھدہ کہ بہ کشمیرئ باروا ھبر کرت بہ گریوگا کپت و آدنئ بنیادمین حکانی وزیر شیریں مزاری ای حکیکت آ شموشتت کہ نونین وھدہ پاکستانئ جیندئ میڈیاچی وڑئ گون سنسرشپ سَکیان دیم پہ دیم انت و آوان ای حکیکت آ نظرانداز کرتہ پہ بین الاکوامین کونسلا پیگامئ لیکتنت بہ کشمیرئ تھا بنیادمین حکانی پادموش بیگئ باروا۔ پاکستانئ یک بدزبان ئن وزیرئ شیخ رشید احمد بہ سرئ وزیر واجہ نریندر مودی حلاپا بہ یک ریلے تھا ناشائستہ ئن زبانئ ھبرکرت۔ بیدئ ایشی ھم بہ پاکستانئ ھیچ حلقہ ای مردمئ ھبرانا گون سنجیدگی آ گوش دارگا نہ بیت۔ ای ھما شیخ رشید انت کہ بہ پوجین ڈیکٹیٹر جنرل پرویز مشرف وھدہ ھم وزیر اتنت و و صبح و نواشاما گشتنت کہ جنرل پرویز مشرفی پوجین پوچ پاکستانئ تابناک و روکین آیوکین وھدہ علامت انت۔ 

بہر حال بیدئ ای وزیران، وت پاکستانئ سرئ وزیر واجہ عمران خان ھم بہ ھندوستانئ حلاپا بیان بازی آ بناہ کرتگنت و مُچین حدانا بری بھرا پار کرتگنت۔ آوان جار جتگنت و شہ پاکستانئ استمانا لوٹوک بوتگنت کہ آ مُچین یکجا بنت و بہ ۳۷۰ دفعہ یک نیگ بیگئ حلاپا احتجاج کننت، و شہ آوان لوٹوکبوتنت کہ ھر روچ سات ۱۲ یا ۱۲:۳۰ مُچین یکجا جمع بنت و احتجاج کننت۔ ای فیصلہ سرا گئوستگین جمعہ روچا عمل ھم کرتنت۔ گون عمران خانی لوٹگا گئوستگین جمعہ روچا کشمیر آور اھتمام بوت۔ بہ مُچین مزنئن شھرانی سڑیکان سورین چراگ روچن بوتنت و تہ چُنت منٹ ھمی وڑا روچن منتنت۔ بہریڈیو و ٹی وی تھا پاکستانئ کومین ترانہ شینک بوت و ھور گون آی پاکستانئ مقبوضہ ئن کشمیرئ ترانہ ھم شینک بوت۔ مُچین صوبہ آنی بنجاہ تھا سروکین وزیر بہ وتی سکرٹریٹ ماڑیانی تھا یکجا بوتنت۔ وزیر و کانون جور کنوک بیان داتنت بہ ھندوستانئ حلاپا اشتعال انگیزئن تقریر داتنت۔ 

اسلام آبادئ کنسٹی ٹیوشن اونیو سرکارین دپترانی ڈنا عمران خان ھم پہ مجمع آ بیان داتنت و وتی شعلہ بیانئ مظاھرہ کرتہ ای عھد آ کرتنت کہ آوان پہ کشمیر ای جد و جھد آ تہ وھدہ رادگ ساتنت کہ شہ ھندوستانئ قبضہ کشمیر آزات بیت۔ ای راز درا بوت کہ عمران خان بہ کشمیرئ بھرا اشتعال انگیزیمُچین حدانا پار کرتنت۔ دراصل شہ ای مُچین بیانان ای راز درا بیت کہ عمران خان ای ھبرانا شہ وت نہ دینت و گجام تقریرئ کاگدئ انت کہ شہ آی روگا واننت و ای تقریر آ کہ لیکتگ کنت؟ شہ ایشی مُچی شرّین وڑئ سی انت۔ بہ عمران خانی باروا عامین تاثر ایش انت کہ پوج و آی ایجنسی آی را بہاقتدارئ سرا آورتگنت و ای ھبر راست ھم است۔ بیدئ ایشی ھم عمران خان ھر وھدہ پوجئ مداح بوتگنت و وھدہ کہ پوج و گڈین سرئ وزیر نواز شریف نیاما محاذ آرائی بناہ بوت یک سورین وھدہ پہ عمران خان رست کہ بہ نواز شریفئ حلاپا بیان بازی آ بناہ کنت۔

بہر حال بیدئ عمران خانی ای بیان بازی و ھندیی حلاہا اشتعال انگیزین تقریر ان عالمین براسدارئ تھا نونین وھدہ پاکسانئ پیما بہ کجا انت ای یات کنگ ھم نون نامناسب انت۔ ایف آ ٹی ایف ایشیا پیسفک گروپ، بہ دھشت گردانی مالین مدد و پول شودیی بھرا شہ پاکستان سَکین وڑئ بدگشی کرتگیت و بوتگکنت کہ بہ اکتبرئ ماہ آی را بہ سیائن لسٹ تھا ھم شامل کنت۔ آمریکہ یک کنگرس یک متعلقہ ئن کمیٹی ای رپوٹ آ داتگیت کہ پاکستانئ پوجئ گرفت نون ھم بہ پاجستانئ حکومتئ سرا مضبوط انت و بہ ڈنئ کاران و سیکورٹئ مسئلہ آن ھم کنٹرل داریت۔