سرگال: عمران خانی لھجہ نانگمانا پہ چی بدل بوت؟

جمو و کشمیرئ بھرا ۳۷۰ دفعہ یک نیمگ کنگ پورہ ئن وڑئ ھندوستانئ گیسویین معاملہ انت مگہ شہ گئوستگین ماہ ھمی لفظین یلغار و بیان بازی کہ پاکستان بہ ھندوستانئ حلاپا بناہ کرتت و بہ عالمین کچانہ پورہ ئن وڑئ کوشست کرت و وتی زور آ جت کہ ھندوستانا بہ عالمین براسدارئ دیما اوشتارینیتآی عبرتناک ئن پھد گڈی آ دیستہ، عمران خان یا شاید آوانی بعض مشیر ای ھبرا احساس کرتنت کہ پاکستانئ ای مُچین سفارتین کوشست و بہ کشمیرئ باروا اشتعال انگیزئ کنگ تھانکا پاکستانئ تصویر آ خراب کنت و بہ عالمین براسدارئ تھا رائ عامہ بہ آی حلاپا بیت۔ شہ ھمی وجا سرئ وزیر عمران خانو آوانی کار کنوکین سنگٹ بہ وتی بیانانی لھجہ تھا تعل و شوریی و اخطارئ عنصرانا کم کرتگنت و ایش ھم حکیکت انت کہ بہ پاکستانئ دھشت گردیئ بھرئ پالسی بھرا عالمین براسداری محسوس کنت کہ تہ نون پاکستان نیمہ داری شہ دھشت گرد و دھشت گردین ڈلانا بند نہ کرتگیت۔  

ای ھبرئ مزنتری ثبوت وھدہ دیما ات کہ اکتسادین داد و گرفت و پول شودیئ جرمانی بین الاکوامین واچ ڈاگ ایف آ ٹی ایف ایشیا پیسفیک گروپ بہ وتی ھمی گئوستگین دیوان تھا شہ پاکستان بہ برزین کچانہ بدگشی کرت کہ سرئ ایشی کہ شہ ایف آ ٹی ایف نینگا پہ آی وارننگ داتگ بوتت پاکستان بہ دھشتگردانی پول شودیی و دیگہ دیگہ موشکولیانی اوشتارینگا ھیچ وڑئ گامئ نہ زورتگیت۔ ای ھبر یات کنگئ وڑ انت کہ چُنت ماہ دیما ایف آ ٹی ایف یک وارئ دیگہ پاکستان آ بہ گرئ لسٹ تھا شامل کرت و پہ آی وارننگ دات کہ اگہ تہ اکتبرئ ماہ پاکستان پہ پول شودیی اوشتارینگا زرورین گام گرگانا پورہ نہکرت و کاروائیانا بری بھرا پورہ نہ کرت آی را بہ اکتبرئ ماہ سیائن لسٹ تھا شامل کننت۔ اکتبر نون باز نزیک انت۔ 

بہ اگست ماہ تھا ایف آ ٹی ایف ایشیا پیسفک گروپ پاکستانئ کارکردگی آ پٹ و پولئ چیرا گپت و مایوسی درا کرت بری بھرا۔ ای مُچین ھبرانا عالمین براسداری چمئ چیرا داریت مگہ نونین بیان بازی کہ پاکستان بہ کچمیرئ بھرا کرتگیت یا ھمی مُچین اخطارئ کہ داتگیت عالمین براسداری شہ ایشان ھم پورہئن وڑئ سی انت۔ شہ سفارتین ھال دیوکان درا انت کہ پہ پاکستان ای حوال رستگیت کہ پاکستانئ اشتعال انگیز و ھندوستانئ حلاپئ ای مُچین بیان بیازی ھیچ وڑئ خریدارئ نہ دارنت۔ عمران خان و پاکستانئ دیگہ سربراہ بہ وتی بیانان ھر وھدہ نیوکلیائین جنگئ اخطارانا داتگنت بیدئ ایشی ھم پاکستانئسربراھانی اخطار دیگ بہ نیوکلیائین بمئ تراکینتنئ باروا محبوب ئن نشغلہ بوتگیت۔ گڈین پوجین ڈیکٹیٹر جنرل پرویز مشرف تہ ای حد گشتنت کہ پاکستان وتی نیوکلیائین بمب آ پہ ایشی جور نہ کرتگیت کہ شب برات تھا آوانا چو ترقہ و پٹاخہ استعمال کنت۔ 

درا انت کہ آوانی مکسد ایش ات کہ آوانا پہ ایشی جور کرتگنت کہ ھندوستانئ حلاپا استعمال کننت۔ ھمی گئوستگین جمعہ روچا عمران خان بہ یک طی بوتگین پروگرام سیائگا پورہ ئن پاکستانئ تھا ۱۲ و ۱۲:۳۰ وھدہ کشمیرئ بھرا نام نھادین یکجھتئ درا کنگا احتجاج  پروگراما ترتیب داتت و پہ آی کشمیراور ناما دات۔ بہ آ وھدہ ھم آوان کمین اشتعال انگیزی نہ کرتنت۔ آوانی ای ھبر چی معنی داریت ” مئ جد و جھد تہ وھدہ رادگ مانیت کہ کشمیر شہ ھندوستانئ قبضہ آزات بیت۔” 

ھندوستان ھم بیوکلیائین صلاح داریت مگہ ایش یک ذموارین مُلکئ انت۔ آی نیوکلیائین پروگرام ھر وھدہ پہ پر امنئن مکسدان کٹ گپتگ بیت۔ ای مُلک وتی نیوکلیائین آزمائیشانا ھم تسر کرتگیت مگہ ای درائین مواقفئ ھر وھدہ ایش بوتہ کہ آ شہ وتی نیمگا ھیچ وھدہ ایٹمی سلیح آنا کٹ گرگا بناہ نہ کنت۔ آ ھیچوھدہ ای ھبرا ھم نہ داتگیت کہ ھندوستانئ مردم بیجند وارتہ گزارہ کننت مگہ پہ دشمن آ سبق دینت بمب زرور جور کننت۔ 

بہر حال معلوم نہ انت کہ عمران خانی دلتئ ای ھبر شہ گجا آت کہ اشتعال انگیزئن بیان داتہ داتہ نانگمانا بہ سپتمبر ۲ تاریخا آوان بہ لاھور تھا وتی بیان تا گشتنت کہ ھندوستان دفعہ ۳۷۰ آ بہ کشمیرئ بھرا شہ نیاما زورتگیت مگہ پاکستان بہ ھندوستانئ حلاپا نیوکلیائین جنگا پھاد نہ کنت و نہ گجام پوجینکاروائی کنت۔ عمران خان وتی ای بیانا بہ لاورئ یک بین الاکوامین سکھ کنفرانس تھا داتنت۔ شاید ایشی پھدا دلیل ایش انت کہ آ لوٹوک انت کہ بہ عالمین براسدارئ دیما پاکستان آ یک امن پسدین مُلکئ نشان دنت۔ ای ھبرئ وج ھر چی کہ بیت پاکستان نون ای ھبرا سرپھد بوتگیت کہ گون اشتعال انگیزی و بیانبازی بہ ھندوستانئ حلاپا پہ پاکستان کجام کٹئ نہ رسیت۔