سرگال: کشمیرئ باروا پاکستانئ گیر ذموارانہ ئن بیان بازی۔

شہ حکومت ھندیی نیمگا، جمو و کشمیرئ خصوصین درجہ ختم کنگ پاکستانئ حکومتئ سربراہ وتی گیر ذموارانہ ئن و بی وجین بیان بازی آ بناہ کرتگنت کہ شہ آی ای راز درا بیت کہ پاکستانئ قیادت وتی پکر و ذھنین توانا شہ دستداتگنت۔ سرئ وزیر عمران خان ھیچ فرصتئ را شہ دست نہ دنت کہ شہ ھندیی حکومتا بدگشی کنت و آی را اخطار دنت۔ آوان نیوکلیائین جنگئ پھاد کنگئ اخطار آ ھم داتگنت۔ آوان گشتگنت کہ اگہ بین الاکوامین براسداری ھندوستانئ ایفیصلہ دیمگیر مہ بیت رندا دوکین مُلکانی نیاما جنگ پھاد بوتگ کنت۔ مگہ آ مُلکئ ڈنئ کارانی وزیر شاہ محمود قریشی گشتگنت کہ شہ جنگئ راھ مسائل وسَکی حل بوتگ نہ کننت۔  

مگہ پاکستانئ ریلئ وزیر شیخ راشد شہ وت جیتائن پکر و حیالئ دارنت۔ ھمی چُنت روچ دیما آوان بہ یک ریلی تھا بہ وتی بیانا گشتنت کہ بہ اکتبر یا نومبر ماہ دوکین مُلکانی نیاما جنگ پھاد بیت۔ شہ ای مُچین متضادین بیانان پاکستانئمایوسی شرّین وڑئ درا بیت۔ 

بہ کشمیرئ مسئلہ سرا پاکستان پورہ ئن وڑئ کوشست کرت کہ بین الاکوامین براسداری آ گون کنت مگہ بری بھرا بی سوب و ناکام منت۔ آمریکہ، روسیہ، فرانس و برطانیہ ای مُچین مُلک گشتنت کہ فیصلہ کہ بہ کشمیرئ بھرا گپتگ بوتگیتھندوستانئ گیسویین مسئلہ انت و بہ ایشی تھا زرور نہ انت کہ دیگہ گجام مُلکئ دست مان دنت۔ مُچی بری پکر و حیالا انت کہ چین پاکستانئ ھر موسمئ دوست و سنگٹ انت مگہ آ ھم شہ پاکستان درائین وڑئ حمایت نہ کرت۔ سرئ ای مُچینھبران عمران خان بہ گئوستگین جمعہ روچا شہ مُچین استمانان لوٹوک بوت کہ یک سات احتجاج کننت۔ سرئ ایشی ھم ای کوشست بی سوب منتنت پہ چہ کہ بری احتجاجئ تھا مُچین پاکستانی کوت نہ گپتنت۔ عمران خا ھمی وڑا جار جت کہای مسئلہ بہ بین الاکوامین و بین الاکوامین کونسلئ عدالتئ دیما بارت مگہ آوان ای ھبرا شموشتگنت کہ بین الاکوامین کونسلئ سیکورٹی کونسلئ دائمین باسک ھم شہ ھندوستانئ ای فیصکہ نیمہ داری کرتگنت۔ 

پاکاتانئ تھا گڈ و وڈی بہ کچانہ انت کہ آ مُلکئ قیادت بہ گپ و تران گون ھندوستانئ سگلئ سرا ھم گون توپیر بیان دینت۔ سرئ وزیر واجہ عمران خان گشتگنت کہ گون نوکین دھلی گپ و تران کنگ ھیچ فایدگئ نہ داریت وھدہ کہ ڈنئاکرانی وزیر واجہ شاہ محمود قریشی گشتگیت کہ اسلام آباد تیار انت کہ گون نوکین دھلی گپ و ھبر کنت۔ تہ جائ کہ ھبر بہ گپ و تران گون اسلام اباد آ انت نوکین دھلے ای ھبرا درائین وڑی گشتگیت کہ گپ و تران وھدہ تسر بوتگ کننتو ممکن انت کہ پاکستان شہ دھشت گردیئ آ بہ دیگہ مُلکانی حلاپا کٹ مہ گیت و نیمہ داری شہ ای دھشت گردین ڈلانا چو یک ڈنئ کارانی پالسی دیمگیر بیت۔ ھندوستانئ ڈنئ کارانی وزیر واجہ اس جئ شنکر گشتگنت کہ بہ یک ماحولئ کہشہ دھشت گردیئ آ پاک بیت ھندوستان تیار انت کہ بیدئ جمو و کشمیرئ مسئلہ بہ دیگہ مُچین دو نیمگین سَکیانی باروا گون پاکستان گپ و تران کنت۔ 

پاکستان بری مسئلہ بھرا ھور گون مسلمانین مُلکانی کوشست داریت کہ شہ دیگہ مُلکان ھم نیمہ داری حاصل کنت۔ بہ ھمی وھدان بہ کشمیرئ تھا بنیادمین حکانی پادموش بیگئ مسئلہ بھرا آ گون کویٹ و سعودین عربستان تماس گپت۔ مگہحکیکت ایش انت کہ رندا شہ فیصلہ کہ بہ جمو و کشمیرئ باروا گپتگ بوت ھم با اثرین اسلامین مُلک پہ سرئ وزیر واجہ مودی اعلی ترین شھری اعزاز آ داتنت۔ متحدہ عرب امارات پہ سرئ وزیر واجہ نریندر مودی اعلی ترین ایوارڈارڈر اف زید آ اعطا کرت و پہ پاکستان گشتگیت کہ بستگی گون ھندوستان پہ ای گیشترین اھمیتئ وڑ انت و پاکستانئ ای بیان بازی ھیچ اثری بری دو مُلکانی شرّین بستگیانی سرا نہ داریت۔ بہ کشمیرئ مسئلہ سرا اسلامین مُلکانی تنظیمئکراری سرا پاکستانئ یک سروکین کانون جور کنوکئ گشتگیت کہ اسلامین امہ بلبلہ شہ بین شوتگیت۔ آوان ھمی وڑا گشتگنت کہ جو و کشمیرئ خصوصین مواقف ختم کنگئ فیصلہ بھرا اسلامین مُلک خاسین وڑئ خلیجین مُلکانی کراری ایحکیکت آ درا کنت کہ آوان ھیچ دلچسپی بری مسئلہ تھا نہ دارنت۔ 

پاکستان بہ کشمیرئ تھا بنیادمین حکانی پادموش بیگئ ھبرا کنت وھدہ کہ وت بہ بلوچستان، خیبرپختونخوا و مقبوضہ ئن کشمیرئ تھا بنیادمین حکانی پادموش کنگئ تھا مصروف و موشکول انت۔ بری جاگان مردمانی سرا ظلم رادگ انت۔ شہھمی وجا پاکستان باید انت کہ اساسین حکیکتانا سرپھد بیت۔ بہ جائ ایشی کہ ھندیی حلاپا بیان بازی کنت وتی جیندئ مُلکئ تھا اول چم پرینیت کہ چی حال انت۔ نونین وھدہ آ باید انت کہ وتی حرکتانا اصلاح کنت۔ شہ ھمی وجا دوکین مُلکانینیاما گپ و تران وھدہ تسر بوتگ کنت کہ ا راستین راھ تھا گام زوریت۔