سرگال: عمران خانی انحراف شہ نیوکلیائین جنگا۔

پاکستانئ تھا پوج و سیاسین ریسمان کشی تہ چہ کچانہ رادگ انت ایشی کچانہ شہ ایشی جتگ کننت کہ چُنت روچ دیما پاکستانئ سرئ وزیر عمران خان یک بیانئ داتنت و رندا پہ دوارگ شہ آ بیان آ منحرف بوتنت۔ بہ یک اھمین دیوانئ تھا عمران خان بہ وتی بیانا گشتگیت کہ آی مُلک بہ نیوکلیائین جنگئ تھا ھیچ وڑئ پیش دستی و پیش قدمی نہ کنت، گون ای ھبرا مُچانا حیران کرتنت۔ عمران خانی ای بیان بہ نونین حالتانی تناظر آ ھور گون حیرت آ پہ پورہ ئن عالما اطمینانئ وڑ ھم ات کہ آ رندا شہ جمو و کشمیرئ ۳۷۰ دفعہ یک نیمگ بیگا جنگئ جنونئ شکار انت و پھد بہ پھدین وڑئ ھندوستانئ حلاپا جنگئ بناہ کنگئ اخطارانا دینت۔ شہ ایشی دیما شوتہ آوان تہ ای حد گشتنت کہ بہ جمو و کشمیرئ مسئلہ بھرا بہ ھندوستانئ حلاپا شہ وتی نیوکلیائین واکا ھم کٹ گپتگ کنت۔

حالانکہ بہ وتی ای گیرسنجیدہ ئن بیانئ تھا آوان ای ھبرا ھم تسلیم بوتنت کہ بہ نیوکلیائین جنگئ تھا گیچ کجام بیمگ سوبین بوتگ نہ کنت۔ مگہ بری مُچین منفی ئن بیانانی نیاما وھدہ کہ آوان گشتنت کہ بہ نیوکلیائین جنگئ تگا سبقت نہ گرنت ھور گون ھندوستان پورہ ئن عالم حیران منت۔ نون ای ھبر ھم راست انت کہ دنیا بہ پاکستانی کجام ھبر و دعوئ سرا نون باور نہ کنت۔ شہ ای وجا کہ بری معاملہ تھا پاکستانئ ریکارڈ بی حد خراب انت۔ سرئ ایشی عمران خانی ای بیان پہ عالم آ توجہ وڑ ات۔ مگہ چُنت روچ رندا ای بیانئ بھرا تردید پاکستانئ باروا عالمئ گڈین رائ آ راست و درست ثابت کرت۔

سوج ایش انت کہ شہ عمران خانی بیانا پاکستانئ ای انحرافئ کجام پس پردہ ئن وجئ انت یا تھانکا شہ میڈیائ راہ پخش بوتگین غلط فھمی انت کہ پاکستان بہ نیوکلیائین جنگئ تھا پیش قدمی نہ کنت؟ دراصل عمران خانی ای بیان ڈنئ مُلکانئ کچانہ بہ آی سرا فشارئ نتیجہ معلوم بیت۔ بہ کشمیرئ مسئلہ بھرا عالمین براسداری پاکستانئ مُچین اعتراضاتانا مسترد کرتگیت و ای ھبرا ھم منتگیت کہ بہ کشمیرئ بھرا ھندوستان ھر فیصلہ کہ کرتگیت ھندوستانئ گیسویین مسئلہ بوتہ۔

تہ ای حد کہ مسلمانین مُلک ھم گون پاکستان بری مسئلہ سرا ھمنوائی نہ کرتگنت۔ درا انت کہ شہ ای مُچین حالاتانی وجا پاکسان پریشان انت و احساس بچارگی کنت۔ شہ ھمی وجا ای ھبر بوتگ کنت کہ پہ ایشی کہ وترا یک امن پسندین مُلکئ ثابت کنت آ ای بیانا داتگیت کہ پاکستان بہ نیوکلیائین جنگئ تھا پیش قدمی نہ کنت، مگہ پاکستانئ تھا سیاسین قیادت کرتگ نہ کنت کہ بیدئ پوجئ رضامندی و لوٹگا انچین بیان دنت۔ شاید شہ ھمی وجا حکومت مجبور بوت کہ شہ سرئ وزیرئ ای بیانا منحرف بیت۔ حکیکت ایش انت کہ شہ ھما اول سرا پاکستانئ پوج کوشست کرتگیت کہ پاکستانئ سیاسین قیادت آ کم واک کنت۔ ای مُلکئ جمھورین حکومتئ ھر دورہ تھا پوجی قیادت بہ سیاسین قیاتئ سرا فشار اورتگیت۔

ھیچ کجام جمھورین سرکار بہ اھم و کلیدین مسئلہ آنی باروا شہ وتی سر فیصلہ کرتگ نہ کرتگنت۔ و کشمیرئ مسئلہ ھر وھدہ پہ پاکستانئ پوج آ بھانہ بوتہ کہ مُلکئ تھا وتی ریشگانا مضبوط کنت۔ بری تناظر آ ای چی راز ممکن انت کہ پوج عمران خانی ای بیانا ھضم کنت کہ بہ نیوکلیائین جنگئ تھا آ ھیچ پیش قدمی نہ کننت۔ بہر حال پاکستانئ انحراف شہ عمران خانی ای بیانا پاکستانئ پیما بین الاکوامین وڑئ ٹپی کرتگیت و بہ پورہ ئن عالمئ تھا ای پیگاما رسینتگیت کہ پاکستان اعتبارئ وڑ نہ انت و آی حکومت و پوج جنگئ جنونئ شکار انت۔ خواہ کہ ھمی جنون پہ پاکستان وت کشی برابیر و مترادف ھم بیت۔