سرگال: ھندو روسیہ اسٹراٹجیک ئن شریکداری

سرئ وزیر واجہ نریندر مودی شہ روسیہ ولادی ووستک شھرا دو روچگین وڑئ دورہ کرتنت کہ بہ روچ دراتئ ایشیائ اکتسادین فورمئ پنچمی سربراھانی دیوانا کوت بگرنت۔ ھور گون کوت گرگا بری دیوانا سرئ وزیر مودی گون روسیہ سربراہ واجہ ولادمیر پوٹن ھم گیند و نیند کرتنت و ھور گون دو نیمگین مسئلہ آن بہ بین الاکوامئن مسئلہ آنی باروا ھم وتی پکر و حیالا گون یکئ آ دیگرا شریک کرتنت۔ آوانی دورہ وھدہ ھندوستان و روسیہ نیاما چُنتی بھران بہ چُنتی معاھدانی سرا دستخت بوت۔ بہ اکتسادین فورم وھدہ ھندوستان وتی ایکٹ ایسٹ پالسئ آ ھم دیما کرت۔ سرئ وزیر مودی پہ روچ دراتئ بعید مالامال شہ وسائلان یک ارب ڈالر وام داتنئ جارا ھم جتنت۔ شہ نوکین دھلئ ای پالسی آ بہ ھنوستانئ سیمان سرمایہ کارئ دیمرئیا بازین مددئ بیت۔ 

ای ھبر یات کگئ وڑ انت کہ ھندوستان بری بھرا بہ الماس، سور و زغال کان کنئ بھرا سرمایہ کاری کنت۔ ھندوستان و روسیہ نیاما بستگی بہ برزین کچانہ اھمیتئ وڑ انت۔ دوکین مُلکانی نیاما مسجھ بھوج بہ برزین کچانہ انت۔ بہ دیمرئی و اکستادین دیمرئی بنیادین مسائلانی بھرا ھم دوکین مُلکانی پکر و حیال یکئ انت و بری مسائلانی بھرا دوکین مُلکانی طریقہ کار یک رازئ انت و ھمی وج انت کہ دوکین مُکن سیمین و بین الاکوامین وڑئ گون یکئ آ دیگرا نزیک بوتگنت۔ بہ ولادی ووستک تھا وھدہ کہ ای دوکین سربراہ گیند و نیند کرتنت بہ چُنتی سرگلانی سرا گپ و تران تسر بوت کہ بہ آوانی تھا شنگھائی تعاون تنظیمئ مسئلہ شہ مُچان اھم ات۔ بری دیوانئ وھدہ جم و وکشمیرئ مسئلہ سرا ھم گپ و تران بوت۔ سرئ وزیر واجہ نریندر مودی بہ جمو و کشمیرئ دفعہ سہ صد و ھپتاد شہ نیام زورگئ جواز باروا پہ واجہ ولادمیر ھال داتنت۔ شہ نوکین دھلئ ای گام گرگا پاکستان بہ برزین کچانہ پریشان انت۔ 

آ نون نہ زانت کہ چی کنت۔ جمھورین سدر واجہ ولادمیر پوٹن گشتنت کہ ھندوستان بہ جمو و کشمیرئ باروا ھر وڑئ فیصلہ کہ کرتگیت آ ھفعستانئ گیسویین مسئلہ انت و گجام مُلکئ دیگہ نہ باید انت کہ بری کارئ تھا دست مان دنت۔ ای ھبر یات کنگئ وڑ انت کہ بہ بین الاکوامین کونسلئ سیکورٹئ کونسل تھا ھم روسیہ شہ ھندوستانئ گام گرگا نیمہ داری کرتت۔ بہ اکتسادین محاذ ا جمھورین سدر پوٹن سالینہ ئن سوداگرئ حجمئ ۱۷ فیسد گیش بیگئ بھرا وتی اطمینان آ درا کرتنت۔ ۲۰۱۸ سالئ تھا دوکین مُلکانی نیاما سوداگری بہ ۱۱ ارب ڈالرئ کچانہ بوت۔ دوکین مُلک بہ سوداگری و اکتسادین تعاون سرا غور کرتنت۔ بہ واجہ مودی و جمھورین سدر پوٹن دیوان وھدہ بہ روسیہ کوت گرگا بہ ھندوستانئ میک این اینڈیا پروگرام و روسیہ تھا دیمرئی پروجیکٹان شہ ھندوستانئ شھروندانی راھ سرمایہ کاری کنگئ سرا ھم دوکین گپ و ھبر کرتنت۔ 

بہ توانائی بھرا دوکین مُکن تیار انت کہ بہ گاز و تیل شعبہ آنی تھا گون یکئ آ دیگرا تعاون کننت۔ دوکین مُلک ھمی وڑا بری ھبرئ سرا تپاک کرتنت کہ شہ بحر قطب شمال راہ پہ ھندوستان توانائی سپلائی کننت۔ بہ بحر قطب شمال راھ سرا ھندوستان گون روسیہ تعاون کنگئ لوٹگا دیم شہ ایشی ھم درا کرتگیت۔ دوکین مُلک شہ ۲۰۱۹ تہ ۲۰۲۴ سالا بہ ھائیدرو کاربن بھرا تعاون کنگئ یک لایحہ ھم تیار کرتگنت۔ امیت ان کہ بہ آیوکین پنچ سالئ تھا دوکین مُلکانی نیاما بہ توانائی شعبہ تھا دوکین مُلکانی تعاون بہ نوکین برزیان برسیت۔ وھدہ کہ دوکین سربراہ گیند و نیند کرتنت بہ بین الاکوامین شمال جنوب ٹرانسپورٹ راھدارئ سرا ھم گپ و تران کرتنت۔ چینئ و ولادی ووستوک آ گون یکئ آ دیگرا جوڑینتنئ نوکین راھئ جار ھم جتگ بوت۔ شہ ای راھ پاچ بیگا انیت انت کہ دوکین مُلکانی نیاما سرمایہ کاری گیش بیت و کتسادین دیمرئی تقویت بیت۔ دوکین مُلک ھمی وڑا بہ دپاع شعبہ تھا ھم بہ یک  معاھدہ سرا دستخت کرتنت کہ بہ آی سیائگا بہ ھندوستانئ میک این اینڈیائ پروگرامئ تھا بہ شریکین پروجیکٹانی راہ روسیہ ساخت سلیحانی مُچین پرزہ بہ ھندیی تھا تیار بنت۔ بہ خلاء بھرا ھندوستان جار جتگیت کہ ھما خلاء بازئ کہ بہ گگن یان مشن تھا کوت گرگا انت بہ روسیہ تھا تعلیم گرگا بیت۔ مختصرین ھبر ایش کہ دوکین سربراھانی نیاما سالینہ ئن سربراھانی دیوان پرسوبین وڑئ تسر بوتگیت۔