سرگال:کرتار پور راہداری آپا پاکستان اے وٹاژ رکاوٹ

کرتار پور صاحب راہداری منغ نامہ آپا ھِند او پاکستان اے نیمگا ہڑ دوکین ملک آنی اپسر او نمائیندگ آنی گپتران اے سے می دور آ دی منغ نامہ آ آخیری ایں دیم نہ داسی آ شُزا ہمائی سجوں آنژ مزن ایں سبب اے منسی آ رؤغیں پاکستان اے سرکار یک مزہبی ثقافتی او سماجی مسلہ اے اچانکی آگو سیاسی فائیدگ زیرغ
اے بارو آ ویچار کھنغیں۔گوستی ایں روش آنر گِندوں تہ کرتار پور راہداری اے تجویز سری ایں دھکا ۱۹۹۹ اے بنگیج آ ھِند او پاکستان اے سروزیر واجہ اٹل بہاری واجپائی او میاں نواز شریف اے بیٹھک اے نیمگا دیما ایر کھُزی آ شُزغے سا۔سال آنی تکا ہمیں تجویز چھڑوئی آ تجویز ہی رہسا۔آخیر کار گوستی
ایں سال راہداری اے بُنشت ۲۶ نومبر آ ھِند جاگاہ آ او دو روش رندا پاکستانی جاگاہ آ ایر کھُزی آ شُزا۔کرتار پور سکھ گوردوارہ سکھ مزہب اے سروک او سکھ آنی سجوں آنژ مزن ایں گورو ،بابا نانک
آگو جُڑسی ایں ہمائی اے ہمیں سال نومبر آ پنچ سد او پنجہ می پیدا بی اغ اے روش منائینتھی آ رؤ ہمیں
خاطرہ ہمیں راہداری اے اہمیت باز گیش بیسا۔راہداری ٹھائینغ اے پاکستان اے فیصلہ اے ھِند عوام آ او
خاص ڈؤل چکا سکھ آں باز وشادگی کھُزغے سا او ہماں وخت اے امیت پدھر کھُزی آ شُزغے سا کہ سر
وزیر عمران خان اے سرکار اے ہمیں گام ہڑ دوکین ملک آنی سیال داری اے نیمگا دھشت گردی اے سوال چکا آئیغ وال ایں ناوشی آ کھمیں کھنغ اے وٹا یک بنگیج بیس بی۔مگن کرتار پور منغ نامہ آپا بی اغ
والا ایں نی ایں گپتران آ پاکستان آ اچانکی آگو یک اینگے سلوخ اپنائینتھا ہمائی آژ ہر کھسے حیران ایں۔
ہمیں سلوخ آژ پدھر بی کہ پاکستان اے سرکار راہداری اے مسلہ آ نی ایں حالت آنر دیستؤ ھِند چکا سیاسی
ایں وڑا کھٹغ اے ٹؤک ویچار کھنغیں او آں منغ نامہ اے بُنا مالیاتی نپ او کھٹ زیرغ اے کوشش آ دی مان
ایں۔دُکھ اے ٹؤک اش انت کہ گپتران اے ہمیں سلسلہ اے نیمگا چھی اے حیلہ آنگو کے ای ٹؤک آنی چکا
ہم صلاحی بیسغے سا مثال آ اے کہ پاکستان ھِند زائیرین آنر ویزا آ بغیر کرتارپور صاحب آئیغ دا۔پاکستان
آنہی چکا دی راضی اسا کہ ہر روش پنچ ہزار مڑدم آنر کرتار پور صاحب آئیغ داسی آ رؤ،اے دی طے
بیسغے سا کہ کرتارپور کاریڈور آ مُچھیں سال ہپتغ اے ہپت روش بوژتھؤ ایر کھُزی آ رؤ،بوڑھی راوی
ندی چکا پاکستان،سکھ زائیرین آپا یک پُل ٹھائینی او پُل اے تیار بی اغ تکا یک سروس روڈ اے آساقی داسی آ رؤ ،مگن اچانکی آ پاکستانی حاکم آں زائیرین چکا بیست امریکی ڈالر اے فیس جھنغ اے شرط نیمگا ایر کھُزؤ منغ نامہ آ رکاوٹ کھڑو کھُزا۔ھِند حاکم آں دلیل داسا کہ زائیرین چکا چوش کہ ویزا اے
پابندی لاگو نوی ہمیں خاطرہ آنہانژ فیس گرغ اے ھِچھ جواز قائیم نوی۔پاکستان اے وٹاژ اچانکی آگو آتکغیں ہمیں بدلاؤ چکا سیاسی زانتکار آنی اے ویچار ایں کہ ہمیں گپتران آ پاکستانی حاکم آنر آنہاں نی سیاسی او پؤجی سروک آں آنہانر اے ہدایت داسؤ دیم داسا کہ منغ نامہ آ آخیری ایں دیم نہ دیاں او اے دی
مان آغیں کہ پاکستان اے اندری ایں سیاسی زور آ دیستؤ نی سنجیدہ گپتران آ اِلسؤ سرکار پروپیگنڈہ آ گیش
دل لوٹھی گِرغیں۔آئیغ والا ایں روش آ اے منغ نامہ بی یا نہ ہمیں بارو آ تنِک ھِچھ دی گُشغ نویس بی۔