پاکستان اندرا چگھ ائے موضوع

۔سرگال:چندریان چکا پاکستان ائے وزیر ائے چھُکھی ایں تبصرہ

ہماں چھی اے کھناں ہماں ناسوب بی آں او سوب مند دی ہماں بی آں۔کھدیں مچھیں ناسوبی دیما کھنغی بی ،کھدیں جزوی ناسوبی مگن ھند ائے خلائی مشن چندریان ۔دو آ ناسوب گُشغ نویس بی ،پھرچھے کہ آنہی آر ہماں کہ کار کھنغی سا ،نواد او پنچ پیصد کار آنہی آ کھُزا۔البت لینڈر وکرم ماہ ائے سطح آژ چھڑوئی آ دو اعشاریہ یک کلومیتر ائے دیری چکا اسا کہ ڈغار آگو آنہی بستگی آسر بیسا ،لینڈر ماہ ائے سطح چکا بال گِت تہ حلا ائے سائینس آ اے مزن ایں سوب مندی بیس مگن ہمیں مشن ائے زکر کھنغ ائے وخت ہمیں ٹؤک آژ چھم چھَرینغ نہ لوٹھاں کہ آربیٹر وتی پے لوڈ ائے پھجی آ نی دی کار کھنغیں او حلا ائے سائینس ائے ھِند ادارہ اسروہمیں زانغ آ سوب مند بیسا کہ لینڈر ماہ ائے سطح چکا بال گِرغ آ سوب مند پھرچھے نویسا ۔حلا ائے سائینس ائے امریکہ ائے ادارہ ناسا آ ہمیں مشن ائے حوالہ آژ اسرو ائے وشادگی کھُزامگن
پاکستان ائے وفاقی وزیر برائے سائینس او تیکنالوجی ،فواد چودھری آ لینڈر آگو بستگی آسر بی اغ ائے چھی اے دیر پھدا ہی ھِند ائے حلائی مشن آ ناسوب منسغئے سا او سوشل میڈیا چکا ھِند ائے باز تنقید کھُزغے سا ۔نی آنہی آر اے کھئے پوہ کھنائینی کہ آں پاکستان ائے سائینس او تیکنالوجی ائے وفاقی وزیر
ایں ،سائینس زانتکار نعیں،ہمیں خاطرہ آنہی آ وضہار سائینسزانتکار پوہ بی اغ نہ لوٹھی۔اے وخت پاکستان
ائے حالت اے نعیں کہ آں چگھ بازی کھنت ۔اقتصادی بدحالی آنہی آ تلخ اصلیت ائے احساس دیائینغیں۔فواد
چودھری ائے چندریان ۔دو آ ناسوب منغ ائے یک وجہ اے بی کہ آنہی آ سیاست ائے بُنگیج ہی ناسوبی آگو
کھُزغئے سا۔۲۰۰۲ آ آزات امیت وار ائے بھیرا آں کھڑو بیسغئے سا تہ آنہی حریف آ سی او ہشت ہزار شش سد بیست او شش  ووٹ مِلسغئے ساں او آنہی آر چھڑوئی آ یک سد او ششت او یک ووٹ ہی مِلسغئے
ساں ۔آنہی آ پھدا آں آل پاکستان مسلم لیگ آ شُزا،گُڈا پاکستان پیپلز پارٹی ائے باسک بیسا،آنہی آ پھدا پاکستان
مسلم لیگ کیو آ وتی قسمت ائے آزمائیش کھُزئی مگن آنہی آ ہر وٹا ناسوبی دیما کھنغی بیسا۔۲۰۱۸ آ عامین
گچین کاری آ پاکستان تحریک انصاف پارٹی آگو بستگی کھُزئی او سری ایں دھکا سوب مند بیسا مگن ہمیں
گچین کاری ائے بارو آ اے ٹؤک پاکستانی آنی پھجی آ عالمی براسی دی منغیں کہ پاک پؤج آ پاکستان تحریک انصاف پارٹی آ سوب مند کھنائینغ آپا جمہوری قدر آنر پھدا کھُزؤ اشتغئے سا۔پاکستان ائے پؤج آ اینگا نہ کھُز تہ ،یک وار پدوارغ فواد چودھری ناسوب بیس تہ اے حیرانی ائے ٹؤک نویس۔حلا ائے سائینس آ ھِند آ باز ترقی کھُزا۔آنہی شمار امریکہ ،روس او چین ڈؤل ائے مُلک آنی گون بی،مگن پاکستان
ائے حلا ائے سائینس آ ھِچھ پوزیشن نعیں۔