سرگال:مودی او اولی ائے دست آنژ سری ایں دھکا سیماں ائے آں وٹا تیل پائیپ پٹی ائے بُنگیج

سروزیر نریندر مودی او نیپال ائے آنہی ہم منصب کے پی شرما اولی آ سئے شمبھے ائے روش ویدیو کانفرنس آگو بُرز آسیا ائے اولی ایں سیماں ائے آں وٹا تیل پائیپ پٹی ائے مشترکہ ڈؤل چکا بُنگیج کھُزا۔ہمیں پائیپ پٹی ائے بُنگیج کھنغ آژ ہڑ دوایں مُلک آنی نیمگا یک شَر ایں بُنگیج بِنا بیسا۔اے پائیپ پٹی بہار ائے موتی ہاری او نیپال ائے املبکھ گنج ائے نیمگا ٹھائینتھی آ شُزا ہماں کہ ۷۰ کلومیتر دراژ ایں او ہمائی آگو نیپال آ ہر سال بیست لکھ ٹن صاف تیل ائے سپلائی بیس بی۔ہمیں پائیپ پٹی آ ھِند او نیپال ائے نیمگا نزیخی ایں سیال داری ائے یک علامت منسؤ سر وزیر مودی آ گوشتا کہ موتیہار او املبکھ گنج ائے نیمگا ہمیں پائیپ پٹی آژ دمغ آ توانائی گیش کھنغ آ مدد بی او تینکر آنی زریعہ آگو تیل سپلائی کھنغ آ ہماں کہ لاگت بی آں دی کھمیں بی ۔آنہی آ ہمیں ٹؤک چکا اطمینان آ پدھر کھُزا کہ  ہڑ دوکین ملک آنی سیاسی سروک آنی نیمگا بروبر بیسغیں گپتران آژ ھِند او نیپال ائے نیمگا
سنگت داری گیش کھنغ آپا یک ترقی پسند ایجنڈہ تیار کھنغ آ مدد مِلسا۔نوخیں دلی آژ ویدیو کانفرنس ائے زریعہ آگو پائیپ پٹی ائے
بُنگیج کھُزؤ واجہ مودی آ باور پدھر کھُزا کہ ہڑ دوکین ملک آنی نیمگا دو وٹی ایں سیال داری گیش بی غیں۔آنہی آ نیپال آ باور
دیائینتھا کہ ھِند ترقی کھنغ ائے کوشش آنی آپا آنہی ہر وڑ ائے مدد کھنت۔کھٹمنڈو آژ ویدیو کانفرنس آگو تیل پائیپ پٹی ائے بُنگیج
کھُزؤ سروزیر کے پی شرما اولی آ وتی گُشتانگ آ گُشتا کہ اے پروجیکت سؤداگری،راہداری او نیپال ائے ویچار آ بستگی آپا شَر
ایں مثال ایں ۔آنہی آ گوشتا کہ ھِند او نیپال آگو وتی عوام ائے ترقی او وشحالی آپا ہمیں وڑ ائے دیگر دی ویچار آں او ہڑ دوکین
ملک آنہی آ پھیلو کھنغ آپا مضبوط ارادہ ایر کھناں ۔ہمیں موقع چکا وتی ملک ائے عوام آ یک مزن ایں راحت داسؤ واجہ اولی آ
پیٹرول او ڈیزل ائے بھائ آ دو روپیہ فی لیٹر کھمیں کھنغ ائے جار جھزا۔ھِند آ نیپال آ ۱۹۷۳ آژ تینکر آنی زریعہ تیل ائے شئے آنی سپلائی کھُزی آ رؤغیں۔موتیہار املبکھ گنج پائیپ پٹی پروجیکت ائے تجویز سری ایں دھکا ۱۹۹۶ آ پیش کھُزی آ شُزغئے سا۔
کے ای سال آنژ ہمیں پروجیکت چکا کار بِنا نویسغئے سا۔مگن ۲۰۱۴ آ سروزیر نریندر مودی ائے نیپال دؤرہ آ پھدا ہمیں پروجیکت شروع کھنغ آپا انڈین آئیل کارپوریشن لمیتد او نیپال آئیل کارپوریشن ائے نیمگا ستمبر ۲۰۱۵ آ یک منغ نامہ بیسا۔
گوستی ایں سال واجہ اولی او واجہ مودی آ حیدر آباد ہاؤس آ ریموٹ کنترول آگو ہمیں پروجیکت ائے مِلسؤ بُنِشت ایر کھُزا۔