سرگال: عمران خانی بیان بہ بین الاکوامین کونسلئ تھا۔

بہ ۲۰۱۸ سالئ گیچئن کاریانی رجحانا دیستہ، وھدہ کہ عمران خان کچانہ جتنت کہ آوان واکا بہ دستا گرگا انت و آوانی تحریکپاکستانئ گل گیچئن بوتگ کنت آوان بہ یک بیانہ کہ پہ میڈیا داتنت بازین و وشین وھدہ داتنت ۔ آوان نوکین پاکستانئ ھبرا داتہ گشتنتکہ آئیڈیل ئن نظامئ باید انت کہ جور بیت۔گیشترکین ھبر بہ پاکستانئ گیسویین کاران و پالسیانی باروا ات مگہ بہ پاکستانئ ڈنئکارانی باروا ھم بازین سنجیدہ ئن ھبر داتنت۔ آ وھدہ مُچی امیت درا کرتگ کرتنت کہ پاکستان گون وتی ھم پلّین مُلکان وتی بستگیاناگیتیر کرتگ کنت و ھمی راز بہ وتی بیانئ تھا ھم آوان گشتنت۔ حالانکہ عمران خانی سیاسین گل گون معمولین اکثریتئ وتی حکومتا جورکرت مگہ ای یک مثبتین ھبرئ ایش ات کہ واک پر امنئن وڑئ شہ یک حکومتئ بہ دیگرئ داتگ بوت۔

بہر حال آ وھدہ ھم تیر بوتہ نون یک سال شہ وھدہ تیر بوتہ کہ آوان سرئ وزیرئ واکا گپتگنت۔ شہ پاکستانئ ھال دیوکانی نیمگا بریروچان ای ھبر رسیت کہ عمران خانی حکومتئ مقبولیتئ گراف ھر روچ جال بوتہ روت پہ چہ کہ آوانی حکومت ھر محاذ آ دیدئ ناکامبیت۔ استمانئ نا آرامی دیدئ گیشتر بیت و اکتسادین حالات روچ بہ روچ دیدئ خرابتر بنت۔ پاکستانئ سرا وام و قرضانی بھوج دیدئگیشتر بیت و استمانئ سرا ٹئیکسئ گیش بیگ و افراط زر و مھنگائی سَکی ھم انت۔ خیر ایش پاکستانئ گیسویین کار و ھبر انت مگہ بہآی ڈنئ کارانی پالسی یا آی رویہ بہ ھم پلّین مُلکانی بھرا و خاسین وڑئ آی رویہ گون ھندوستان ھبرا اگہ کننت صورتحال بہ برزینکچانہ مایوس کنندہ انت۔

وھدہ کہ آوان سرئ وزیرئ پیما گپتنت ھندیی سرئ وزیر پہ آوان مبارکی پیگاما داتنت بہ اای تھا ای ھبرا درا کرتنت کہ دوکین مُلک بہناجوری، بی وسی و غریبی ۲ و سماجین گندگین چیزانی حلاپا دوکین مُلک یکجا جد و جھد کنگا باید بنت مگہ افسوسئ ھبر ایش انتکہ عمران خانی توجہ شہ ای ھبران کرتہ گیشتر بہ ھند و پاکستانئ نیامئ بستگیانی گیش کنگئ سرا انت۔ شاید ایشی اصلین وج ایشبیت کہ پاکستانئ پوج و عمران خان بہ گیشترکین معاملہ آن ھم پکر و حیال انت۔ و پوج بری پکرا انت کہ عمران خان ای خاسین ھمنواانت۔ ھما حکومتئ کہ دیم شہ عمران خان واکا بہ دستا داشت کم شہ کم بہ پوجئ حکمت عملئ حلاپا وتی توارا برز کرت۔ خاسین وڑئبہ دھشت گردیئ بھرا آوان پہ پوجین حکاما سَکین ھدایات داتنت کہ بہ آی پسوئ آ سرئ وزیر نواز شتیف و آوانی خاندان و پارٹی گونبازین سَکیان دیم پہ دیم بوت۔

اگہ ما ای وارئ بری ھبرئ سرا غور کننت، عمران خانی حکومت بہ نونین وھدہ پہ پاکستانئ پوج و آی ایجنسیان شہ یک گیر مترقبہ ئننعمتئ کم نہ انت۔ پاکستانئ پوج بہ دشمنی گون ھندوستان آ بہ ھر حدئ رستگ کنت۔ ای ھبر خاسین وڑئ محسوس بوتگیت کہ شہوھدہ عمران خان سرئ وزیرئ واکا بہ دستا گپتگنت ھند و پاکستانئ نیامئ سَکی گیشتر بوتگنت۔ اگہ بہ ال او سی باروا ھبر کننت یاپھد بہ پھدین دراندازیانی باروا شہ پاکستانئ نیمگا ھر وھدہ بہ برزین کچانہ کوشست بوتگیت کہ اشتعال انگیزی بہ ھندی حلاپادیمرئی کننت۔ ھمی سالئ فرورئ ماہ بہ پولوامہ تھا مزنئن ھلگرئ بوت کہ بہ آی تھا  ۴۰ پوجی کشتگ بوتنت و آ ھلگرئ ذمواریا ھمجیش محمد زورت۔ و سرئ وزیر عمران خان بجائ ایشی کہ ای ڈلئ حلاپا سَکین کاروائی کننت آوان گشتنت کہ باید قابل عملین ثبوت پہآوان پیش بیت۔

مگہ ھبر تہ ای حد دیما شوت کہ چُنت روچ دیما بہ بین الاکوامین کونسلئ جنرل اسمبلئ تھا آوان وھدہ کہ وتی بیانا داتنت بہ ھندییحلاپا بیدئ نفرت آمیزین ھبران و دھشت گردانی پھاد کنگا ھیچ چیزئ دیگہ پہ گشتنا نہ داشتنت۔ نہ تھانکا آوان کشمیرئ مسئلہ دیماکرتنت بلکہ گیسویین معاملہ آنا بہ بین الاکواین پلیٹ فارمئ سرو آورتنت و بہ ھندوستانئ گیسویین سیاستئ بازین چیزانی حلاپا اشتعالانگیزئن ھبر کرتنت۔ بہ کشمیرئ باروا آوان ھبرئ کہ داتنت برابیر گون دھشت گردانی پھاد کنگ و تشویق کنگا ات۔ ای ھبر چی معنائدنت کہ اگہ کرفیو آ یک نیمگ کننت خون آشام منظر چما کائیت۔ دراصل ھونئ ھولی آ پاکستانئ پوج و آی ایجنسی گون دھشت گردانیدیم دیگا بہ ھندوستان گوازی کننت۔ مروچین روچا ھم ھما گوازی رادگ انت۔ حکیکت ایش انت کہ بہ بین الاکوامین کونسلئ تھا گون وتیبیانا درا کرتنت کہ تہ چی کچانہ آوانی سیاسین آداب چون انت پاکستانئ ڈنئ کارانی پالسی تھانکا دشمنی گون ھندوستان انت۔