سرگال:امریکہ آ گوشتا کہ پاکستان ائے دہشت گرد ھِند آ ھِلگر کھُز کھناں

ہر سرکار آ وتی ملک ائے اندرا قانون سازی کھنغ ،عوام ائے ود او ترقی آپا مناسو فیصلہ کھنغ او ملک ائے ترقی آپا کوشست کھنغ ائے اختیار ایں۔کھسے ملک آ اے زیبا نہ دا کہ آں دیگر ملک ائے اندری ایں مسلہ سرا نیمگا کھائے۔جموں کشمیر آ دفعہ ۳۷۰ او ۳۵ اے آ آسر کھنغ کھنغ آ پھدا آژ پاکستان ائے سلوخ باز ردین رہسا ۔آں اغدی اغدی ھِند ائے اندری ایں مسلہ آ مداخلت کھنغیں او اینگے ڈسغ ائے کوشست کھنغیں کہ ہمینگا کہ جموں وکشمیر ائے مسلہ آنہی جند ائے مسلہ ایںں۔جموں وکشمیر ائے مسلہ آر پاکستان آ بین الاقوامی سطح چکا زیرغ ائے کوشست کھُزا مگہ
آنہی آ ھِچھ ھمایت نہ مِلسا۔چین ائے گون آنہی ئے کہنیں بستگی ایں ہمیں خاطرہ چین ائے آنہی
وٹا بی اغ فطری ایں ٹؤک انت۔اقوام متحدہ ائے جنرل اسمبلی آ پاکستان ائے سر وزیر عمران خان آ
مزن ایں گُشتانگ کھُزغئے سا او آنہی اندرا آنہی مُچھیں زور ہمیں ٹؤک چکا اسا کہ جموں و کشمیر
ائے مسلہ آ ھچھ وڑا گو کھڑو کھُزی آ برؤ،مگہ ایزا آنہی مچھین کوشست ناسوب بیسغاں۔بین الاقوامی فورم چکا مایوسی دست آ مان آتکئی نی پاکستان وتی کہنیں طریقہ اختیار کھز کھنت۔
آں جموں وکشمیر اندرا دھشت گرد آنی مان پوت رگ کھنائینتھؤ ہموزا ائے امن آ نقصان پُجھینتھ کھنت۔جہان ائے کے ای ملک آں ہمیں گمان پدھر کھُزا ۔ہمیں بارو آ نوخیں پکر امریکہ آ پدھر کھُزا۔
ھند بحر الکاہل سلامتی ائے امور ائے نائیب دپاعی ایں وزیر رینڈل شریور آ گوستی ایں سئے شمبھے آ واشنگٹن آ گوشتا کہ اگر دھشت گرد ٹلہ آنر قابو آ نہ کھنت پاکستان تہ گُڈا آں ھند آ اُرش کھُز کھناں ۔ھند ائے سروزیر آ اقوام متحدہ آ جہان آ درپیش مسلہ آنی چکا ٹؤک کھُزا آنہی آ آف او گواس بدلاؤ ،دھشت گردی ائے لعنت او نہ چھڑوئی آ ھِند بلکہ مچھیں جہان ائے ود او ترقی ائے
ٹؤک کھُزئی ۔درگتہ کہ دوہمی وٹا پاکستان ائے سروزیر آ چھڑوئی آ او چھڑوئی آ ھِند آ نشانہ کھُزا
اے ٹؤک آنہی تنگ نیاہی ائے دلیل ایں ۔اقوام متحدہ ائے جنرل اسمبلی آ پاکستان ائے ناسوبی ائے
سجوں آںژ مزن ایں ثبوت اش انت کہ آنہی آ اجلاس ائے یک دم پھدا وتی نمائیندگ ملیہہ لودھی آ
عہدہ آژ ہٹائینتھا۔آنہی سبب اے اسا کہ پاکستان آ اقوام متحدہ آژ ہماں کہ امیت اسا آں پھیلو نویسا۔
پاکستان اگہ اے لوٹھی کہ عالمی سطح چکا آنہی ٹؤک اُش کھُزی آ برؤ تہ آنہی آ وتی ویچار آ بدلاؤ
آرغی بی،آنہی آ دھشت گرد آنر سرکاری آلہ کار ائے وڑا استعمال کھنغ ائے وتی روش ترک کھنغی
بی۔آنہی آ مثبت ویچار آنگو اگا ودھغی بی او ہماں وخت آں اینگا کھنت تہ گپتران آپا ماحول وا وشتر
بی ۔پاکستان جموں کشمیر اندرا ظلم آنی ٹؤک کھنت مگہ وا بلوچستان آ مڑدم آنی چکا بی اغ والا ایں
تشدد او جبری یرغمال کھنغ ائے مسلہ چکا چُپ ایں۔پاکستان آ سرا آژ مڑائی او جھیڑو آنی ٹؤک کھُزا
درگتہ کہ ھِند آ امن او وشحالی آ وتی ویچارمنی۔پاکستان ائے سروزیر عمران خان آ اقوام متحدہ ائے
جنرل اسمبلی آ وتی گُشتانگ آ جہان ائے سروک آنی دیما ایٹومی ایں مڑائی ائے پاترپت داسا ۔عمران
خان آ ہماں ٹؤک کھُزا ہماں کہ پاکستان ائے فطرت آ ایں۔