سرگال:ھند سعودی سیال داری

ھند او سعودی عرب ائے نیمگا رسمی ایں سنگتی سیال داری ایں ۔ہڑدوکین استریتجک سنگت دار آں ہماں کہ جتا جتا محاذ چکا مِلسؤ کار کھنگاں ۔ہمیں ےناظر آ ھِند ائے قومی سلامتی ائے مشیر واجہ اجیت ڈوبھال آ نی ایں روش آں سعودی عرب ائے دو روش آنی دؤرہ کھُزا۔وتی دؤرہ ائے نیمگا آنہی آ سعودی ولی عہد سلمان آگو بیٹھک کھُزا او وتی سعودی ہم منصب سید بن ابیان آگو گپتران کھُزئی۔وتی گپتران ائے نیمگا دو وٹی ایں جاگاہی او بین الاقوامی مسلہ آنی چکا داس گپت کھُزی آ شُزا ۔خاصیں ٹک آنژ یک ٹک اے اسا کہ ھِند۔سعودی عرب اتریتجک پارتنرشپ کونسل ہئیت۔ہمیں کونسل ائے سروزیر مودی او ولی عہد محمد بن سلمان ہڑدوایں واگ داروخ بی آں۔

اے ٹؤک زکر ائے لایئق انت کہ گوستی ایں ماہ اقوام متحدہ ائے جنرل اسمبلی ائے اجلاس آ بہر

گرغ آپا امریکہ روغ ائے وخت آ پاکستان ائے سروزیر عمران خان ریاض آ دی قیام کھُزغئے سا۔

ھِند ائے وٹاژ جموں وکشمیر ائے خاصیں درجہ آسر کھنغ آ پھدا پاکستان آ باز واویلا کھُزغئے سا۔

سفارتی ڈؤل چکا دی آنہی آ ہمیں مسلہ سرا بین الاقوامی حمایت گرغ ائے کوشست کھُزغئے سا۔

مگہ آں ناسوب بیسا۔اسلام آباد ائے ہمیں عمل آنر دیستؤ عمران خان ائے ہمیں دؤرہ باز خاصیں پوہ بی سی آ شُز۔پاکستان ائے سروزیر ائے دؤرہ ائے خاصیں مقصد جموں کشمیر چکا پاکستانی موقف

آپا سعودی عرب ائے حمایت گرغ اسا۔ہمیں خاطرہ واجہ اجیت ڈوبھال آ دی سعودی سروک آنر کشمیر ائے مسلہ آژ ھِند ائے موقف آژ پوہ کھنائینتھا۔اشی پھجی آ آنہی آ سعودہ سروک آنر اے دی ڈسسا کہ سیماں ائے آں وٹژ دھشت گردی ائے سبب آژ ھِند آر چھے چھے مسلہ دیما آں ۔ایزا اے ٹؤک زکر ائے لائیق انت کہ وا سعودی عرب دی دھشت گردی ائے شکار ایں۔گوستی ایں ماہ یمن

ائے حوثی باغی آں آرامکا جاگاہ آنی چکا ڈرون ھلگر کھُزؤ آنہی آ باز نقصان پُجھینتھغئے سا۔

دھشت گرد تنظیم داعش آ دی سعودی عرب آ وتی نشانہ چکا ایر کھُزا۔ھند اگر برز آسیا آ دھشت گردی دیما کھنغیں تہ تہ رونشت آسیا آ سعودی عرب ہمیں لعنت آگو ،ڑغیں۔عالم اسلام آ شدت پسندی

او دھشت گردی ائے حلاپ رائے عامہ سدھا کھنغ آپا سعودی عرب آ خاصیں کردار ادا کھُزا۔دھشت گردی آگو مڑغ آپا ھند آ ہماں کہ سخت ایں پوزیشن اختیار کھزؤ ایر کھُزا،سعودی عرب آنہی آر نہ

چھڑوئی آ منی بلکہ آنہی حمایت دی کھنت۔ہمیں سبب ایں کہ بنیات پرستی او دھشت گردی ائے مقابلہ

کھنغ آ ھند او سعودی سیکیورتی ایجنسی یک دوہمی آگو تعاون کھنغاں او ہمیں تعاون آ سروزیر نریندر مودی ائے سروکی آ آئیغ آ پھدا آژ گیش گیشتری بیسا۔یک دیگر ٹک ہماں کہ واجہ ڈوبھال ائے

ایجنڈہ آ اوار اسا ،آں اسا فنائینشل ٹاسک فورس ائے ہمیں ماہ بی اغ والا ایں اجلاس آ آنہی بلیک لسٹ

اندرا پاکستان ائے اوار بی اغ۔ایف اے ٹی ایف آ ۲۰۱۸ آ دھشت گردی ائے مالیاتی واہریائی کھنغ آپا

پاکستان آر وتی گرے لسٹ آ اوار کھزغئے سا۔ایف اے ٹی ایف ائے ایشیا پیسیفک گروپ آ کینبرا آ

وتی یک بیٹھک آ پاکستان ائے وٹاژ دھشت گرد آنی مالی واہریائی او منی لانڈرنگ آ دارغ آپا کھُزی

ایں کاروائی آنی جائیزہ گتا ہمائی آ کل بیسا کہ ہمیں لعنت آنر دارغ آپا ہماں کہ نشانہ طئے کھُزی آ

شزغئے سا آنہی آ پھیلو کھنغ آ پاکستان ناسوب رہسا ،ہمیں خاطرہ بیس بی کہ آنہی آ بلیک لسٹ آ اوار کھنغ بیس بی۔