سرگال:عمران خان ائے سیاسی شعبدہ بازی ناسوب

مزن ایں ٹؤک کھنغ یک ٹؤک انت او مزن ایں کار کھنغ دوہمی،وتی طاغت آژ وتی وٹا چھِکغ یک ٹؤک انت او ش؟ر ایں وڑا وتی اہمیت پھیدھارغ دوہمی مگہ پاکستان ائے سر وزیر عمرن خان ائے ویچار آنژ اے ٹؤک بُڑزا ایں ۔پاکستان ائے سروزیر بی اغ آ رندا عمران خان آ ٹؤک تہ زمن ایں کھُزگاں مگہ وا پاکستانی آنر وتی اہمیت ائے احساس دیائینغ آ ناسوب رہسا۔پھرچھے کہ پاکستان ائے
اقتصادی ایں حالت ردین ایں او آں قرضدار بیسا۔عمران خان سرمایہ کار او صنعت کار آنی آپا وشتر
ماحول پیدا کھنغ ائے دعوی تہ کھنغیں مگہ سچائی اش انت کہ سرمایہ کار او صنعت کار نی ایں حالت آنژ وش نیاں۔ڈن ائے ملکی سرمایہ کاری آ کمی آتکا ۔ایزا تکا کہ پؤجی سروک قمر باجوا آ سرمایہ کار او صنعت کار آنگو بیٹھک کھنغی بیسا او اے بیٹھک پؤجی بغاوت ائے بنگیج انت مگہ
عمران خان ائے دھیان پاکستان ائے اقتصادی حالت چکا مرکوز نعیں۔آں حالت آنژ چھم چھرینتھؤ
عوام ائے دھیان دیگر مسلہ آنی وٹا کھنائینغ ائے کوشست کھنغیں۔آنہی آ سجوں آنژ خاصیں مسلہ ھِند
ائے دفعہ ۳۷۰ او ۳۵ اے ماتل کھنغ او جموں و کشمیر ائے دو بہر ،لداخ او جموں کشمیر آ ونڈھسی
ایں۔مچھیں جہان آنہی آ ھند ائے اندری ایں مسلہ منیغیں مگہ عمران آنہی چکا بیان بازی آژ باز نیاغیں ۔اقوام متحدہ آ کشمیر ائے مسلہ چکا گشتانگ کھزؤ عمران خان آ ایتومی ھ،لگر ائے دھمکی
دی داسا ۔اے گوشتؤ کشمیری آنر تیش دیائینغ ائے کوشست کھزئی کہ کشمیر آ کرفیو ہٹغ آ پھدا باز
جھیڑو بی آں مگہ جہانی براسی اے منغ آپا تیار نعیں کہ کشمیر ائے مسلہ پاکستان آگو ہمیختر جڑسی ایں کہ آنہی چکا عمران خان ایتومی ایں مڑائی کھنغ آپا تیار بی ۔ہمیں خاطرہ ھچھ دی ملک
آ پاکستان ائے سنگتی نہ کھُزا۔عمران خان ائے سپارتکاری ائے ناسوبی ائے اٹکل اقوام متحدہ آپا
پاکستان ائے مستقل ایلچی مدیھہ لودھی ائے ہٹائینغ ایں او آنہی ھَند آ منیر اکرم آ آرغ آگو دی بی
مگہ عمران دیم مٹینتھؤ پاکستان ائے سفارتکاری آ مضبوط کھنغ آ لوٹھغیں ،آں اے پوہ بی اغ آپا تیار
نعیں کہ سفارتکاری ائے سوب مندی آپا آنہی آ ترجیح آنر بدل کھنغی بی،دھشت گردی آژ پاکستان آر
چھُٹینغی بی،وتی روش آ بدلاؤ آرغی بی،عالمی براسی آر اے احساس دیائینغی بی کہ پاکستان اقتصادی مضبوطی جہان آپا بد امنی ائے وجہ نوی مگہ عمران آ آسان دگ پھولسا۔آں مڑدم آنر چھڑوئی آ ٹؤک آنی اندرا بجھینتھؤ ایر کھنغ آ باڑہ ایں مگہ سوال اش انت کہ مڑدم کھدیں تکا اینگا
رہاں۔نی اے ٹؤک کھزی آ رؤغیں کہ عمران خان کابینہ اندرا بدلاؤ کھنغ آ رؤغیں مگہ ہمیں بدلاؤ
آژ پاکستان ائے حالت آ چھے بدلاؤ بی ہماں وخت تکا کہ آنہی بنیاتی پالیسی آ بدلاؤ نوی۔