سرگال:دھشت گرد آنی مالیاتی واہریائی آ  دارغ آپا پاکستان ائے ریکارڈ باز مایوس کھنوخ

غیر قانونی ایں ڈؤل چکا فنڈ جوڑ کھنغ او مالی لین دین آ گیش کھنغ والا ایں عمل آنی چکا نیاہ ایر کھنغ والا کثیر قومی ادارہ ایف اے ٹی ایف ائے پلینری او ورکنگ ٹلہ ائے بیٹھک سیزد آژ ہشدہ اکتوبر تکا فرانس ائے بنجہ پیرس آ منعقد بی آں ہمائی اندرا ہمیں ٹؤک ائے فیصلہ بی کہ پاکستان آر دھشت گرد آنی فنڈنگ او منی لانڈرنگ آ دارغ ائے مسلہ آ مناسو گام نہ زیرغ ائے ڈوہ آ بلیک لسٹ آ اوار کھُزی آ برؤ،یعنی ہمیں فیصلہ بی اغ آ چند روش باقی رہسغاں ۔اگر اینگا بیسا تہ اقتصادی سطح چکا پاکستان آر باز نقصان بیس بی ہماں کہ سرا آژ باز اقتصادی بحران ائے شکار ایں ۔ایف اے ٹی ایف ائے آسیا پیسیفک گروپ ائے نی ایں رپورٹ ائے روگا دھشت گرد آنی فنڈنگ او منی
لانڈرنگ ائے مسلہ آ پاکستان آ ھچھ گام نہ زڑتھا او آنہی ائے نی تک ائے ہماں کہ ریکارڈ ایں آں
باز ردین رہسا۔پاکستان آر ۲۷ ٹِک آنی ایکشن پلان ائے روگا کار کھنغ آپا گوشتی آ شزغئے سا او
آنہی آ ہمیں ماہ تک ائے وخت داسی آ شزغئے سا ۔امیت اسا کہ پاکستان ہمیں نیمگا مناسو گام زیری
مگہ آنہی عمل آنی ہماں کہ ریکارڈ رہسا آنہی آژ اے کل بی کہ آنہی آ ۲۷ آژ چھڑوئی آ شش ٹِک
آنی چکا عمل کھُزا۲۷ ٹک آنی چکا عمل کھنغ آپا اولی ایں مرحلہ جنوری ۲۰۱۸ آ بنا بیسغئے سا۔
مگہ پاکستان آ آنہی چکا عمل کھنغ ائے بجائے اینگے سیاسی بستگی پھولغ بنا کھُزا ہمائی روگا آں
ایف اے ٹی ایف ائے نیاہ آژ بھچی برؤ او آنہی وٹاژ بلیک لسٹ آ اوار نوی،آنہی آ خاصیں وڑا امریکہ ائے خوشآمد کھنغ بنا کھُزا تاکہ آں وتی اثر آنی استعمال کھُزؤ پاکستان آر معاشی مشکل آنژ
درا کھُز کھنت۔آنہی آپا آں ہمیں کوشش آ رہسا کہ طالبان او امریکہ ائے نیمگا ہماں کہ امن گپتران
ائے سلسلہ پھُرشتا آں پدوارغ بنا کھنغ بیس بی۔صاف ایں ہمیں حالت آ امریکہ آ پاکستان ائے ضرورت بیس بی او ہمیں وڑا آں امریکہ آژ چھی اے رعایت گِرغ آ سوب مند بیس بی۔آنگا تہ عمران
خان ہماں وخت اقوام متحدہ ائے جنرل اسمبلی ائے اجلاس آ بہر گرغ آپا امریکہ شزغئے سا تہ آنہی
آ ہمیں مقصد آژ باز ملک آنی لیڈر آنگو خاصیں وڑا بیٹھک کھُزغئے سااو آنہانژ مدد لوٹھسغئے سا۔بہرحال ایشیا پیسیفک گروہ ائے رپورٹ ائے روگا پاکستان ائے ریکارڈ ہمیختر ردین ایں کہ آنہی
آ رعایت نہ مِلغ لوٹھی ۔