سرگال:جیل اندرا دی حافظ سعید ائے عمل جُزغاں

لشکر طیبہ او جماعت الدعوی ائے سروک حافظ سعید ائے اگر ٹؤک کھُزی آ برؤ تہ آنہی ائے کے ای روپ دیما کھایاں او آں اقوام متحدہ ائے وٹاژ خطرناک دھشت گرد منسی آ شُزا یک اینگے ڈوہی ایں ہماں کہ ۲۰۰۸ ائے ممبئی ھلگر آ ماستر مائینڈ ایں۔آنہی دھشت گرد تنظیم لشکر طیبہ ائے دھشت گرد آں  ہماں سال ممبئی آ باز تباہی کھزغئے سا ہمائی آ چنتی ڈن ائے مڑدم آنی گون ۱۶۶ مڑدم مڑتھغئے ساں۔امریکہ ائے پھجی آ اقوام متحدہ او چنتی ملک آں آنہی آ خطرناک دھشت گرد
آنی لسٹ آ اوار کھُزا مگہ اے مڑدم پاکستان اندرا باز آرام آگو زند گوازینغین۔پؤج آژ گتؤ سیاسی
سیاسی مڑدم آنی تکا آنہی رسائی رہسا بلکہ آنہی آ باز احترام ائے نیاہ آژ دیستی آ رؤ۔نفرت ائے پیدا
کھنغ ائے آنہی گشتانگ کھنغ آنہی مشغلہ رہسا۔چوش کہ اے وضہار اسلام ائے سُچاایں پیروکار من
ی مگہ نفرت او تعصب گیش کھنغ آنہی فطرت ایں ۔مڑدمیت ائے نام چکا فلاح انسانیت او دینی او سماجی ھزمت ائے نام چکا آنہی آ مچھیں پاکستان اندرا یک اینگے نیٹ ورک قائیم کھُزا ہمائی روگا
دینیی مدرسہ اسکول،کالج،اسپتال او فلاحی ٹرسٹ قائیم کھُزی آ شُزغاں۔آنہی آ یک اینگے سلطنت
قائیم کھُزا کہ پاکستان ائے ھچھ دی سرکار آنہی حلاپ ھچھ وڑ ائے کاروائی کھنغ ائے ھمت نہ کھنت۔دھشت گرد ٹلہ آنی مالی لین دین او منی لانڈرنگ چکا نیاہ ایر کھنغ والا ادارہ ایف اے ٹی ایف
آ گوستی ایں جون آ پاکستان آ ھکل داسغئے سا کہ آں ہمیں عمل آنر داری نہ تہ آنہی آ بلیک لسٹ آ
اوار کھُزی آ رؤ او چھیار ماہ آنی مدت داسی آ شزغئے سا کہ آں اکتوبر تکا دھشت گرد آنی مالی عمل آنر دارغ آپا ضروری گام زیری مگہ اکتوبر تکا دی ھچھ کاروائی نویسا او ایف اے ٹی ایف آ
یک دھکا پدوارغ فروری تک ائے مہلت داسا۔بہر حال جولائی آ ایف اے ٹی ایف ائے عزاب آژ
بھچغ آپا حافظ سعید آ پاکستان ائے سرکار آ دھشت گردی فنڈ دئے اغ آپا دستگیر کھُزغئے سا۔ہماں
وکت آژ آں ہائی سیکیورتی جیل آ بند ایں۔مگہ آنہی رعب او عمل نی دی جاری آں۔پاکستان اندرا
نہ تہ آنہی مرتبہ کھمیں بیسا او نہ ہی آنہی عمل آسر بیسغاں۔