سرگال:پاکستان ائے نیت:نوخیں گُمان آنی اندرا

نی ایں روش آں ترکی ائے صدر واجہ رجب طیب اعدغان آ وتی پارٹی ائے یک کانفرنس آ نیوکلائی اسلحہ آنی بارو آ ہماں دی چھی اے گوشتا ،آنہی آژ جہانی ایں پھیمانہ چکا نہ چھڑوئی آ یک نوخیں بحث بنا بیسا بلکہ عالمی سیاست اندرا پاکستان ائے جاگاہ او جہانی براسی آ آنہی چکا باور کھنغ چکا
نوخیں سوال دی کھرو بی غاں۔حبر آنی روگا واجہ اردغان آ وتی پارٹی کانفرنس آ اے ٹؤک گوشتا کہ جہان آ باز ملک آنگو نیوکلائی اسلحہ ایں او آنہی آ گتؤ دیگر ھچھ دی ملک چکا بھرینغ والا میزائیل دی استاں،مگہ رونشت ملک زور داسؤ اے ٹؤک کھنغاں کہ ترکی آنہانژ نہ کھٹی او اے
ٹؤک آنہانر قبول نعیں۔آنہی آ گتؤ نیویارک ٹائیمز آ چھی اے سوال کھڑو کھُزا۔اگر ما ویچار کھنوں
ہمیں سوال ائے دو ٹک دیما آتکغاں ،آنہی آ یک ٹک ائے ائے بستگی تہ ویچار او اسول آنگو ایں
او نیوکلائی عدم توسیع ایئ منغ نامہ یعنی این پی ٹی آ گتؤ ھند ائے کہنیں موقف آنہی آژ جڑسی ایں۔
ہماں ویچار آنی روگا این پی ٹی ائے بنشت ہی بے براوری چکا قائیم رہسا پھرچھے کہ اے منغ نامہ
چند ملک آنر السؤ باقی مچھیں ملک آنر نیوکلائی ہتھیار آنی گیش کھنغ آژ داری یا دارغ ائے کوشست کھنت درگتہ کہ آئیڈیل ویچار اش انت کہ اقوام متحدہ او آنہی آگو جڑسی ایں ایجنسی آنی
نگرانی آ نیوکلائی ہتھیار آنگو لیس مچھین ملک وتی ہمیں ہتھیار آنی ڈمبار آ یک دوہمی آگو مچھیں
ڈؤل چکا آسر کھناں او ھچھ دی ملک پدوارغ ہمیں وڑ ائے ہتھیار نہ ٹھائینی ،مگہ رونشت ملک
آنر ہمیں ویچار راس نیاتکا او آں وتی نیوکلائی برتری چکا ھچھ سوال کھڑو بی اے گندغ آ باڑہ نیاں۔
سوال ائے دوہمی ٹک ہماں ٹک آگو جڑسی ایں ۔اگر چھی اے ملک وتی نیوکلائی اجارہ داری قائیم
ایر کھنغ چکا بضد آں تہ اے طے ایں کہ آنہاں نی مچھیں نگرانی آ رد کھزؤ باز ملک ہمیں اجارہ
داری آ بھورینغ ائے کوشست باور آگو کھناں۔این پی ٹی نیم صدی سرا ۱۹۶۰ آ یک اینگے ماحول آ
قائیم بیسغئے سا ہماں وخت وتی دم چکا چین آ ایٹم بم او ہائیڈرو جن بم آنی تجربہ کھُزا او رونشت
ملک آنر وتی اجارہداری آسر بیسؤ نیاہ پھیزاغئے سا،مگہ آنہی آ پھدا تہ حالت بدل بیسا او نہ چھڑوئی آ سئے ملک آں عدم توسیع ائے مچھیں کوشست کھنغ ائے باوجوت ایٹومی تجربہ کھُزا بلکہ
عراق او لیبیا ائے حلاپ گُمان دی پدھر کھزیش کہ آنہاں ایتومی ہتھیار ٹھائینٹھا چوش کہ ایزا اینگا
ھچھ دی نہ ملسا۔پاکستان اندرا نیوکلائی اسلحہ ائے ٹھائینغ آ نیوکلائی دُز او نیوکلائی اسمگلنگ ائے
بُنا گیش کھُزی آ شُزا اے ٹؤک مچھیں جہان زانی کہ پاکستان ائے مدد آژ جال کوریا آ وتی نیوکلائی
تجربہ کھُزا۔او نی نیوکلائی توسیع ائے حلاف ورزی آ پاکستان ائے کردار یک دھکا پدوارغ گُمان
آنی دائیرہ اندرا ایں پھرچھے کہ اے دی گوشتی آ رؤغیں کہ جہان ائے سجوں آنژ بدنام نیوکلائی
اسمگلر عبدالقدیر خان ائے ترکی آگو کہنیں سیال داری رہسا۔پاکستان مروشی یک دوہمی سوال چکا
دی گمان ائے نیاہ آژ دیستی آ رؤغیں او آں سوال نیوکلائی عدم توسیع ائے آئیڈیل ائے حلاپ ورزی
ائے غیں۔