سرگال: بہ پاکستان اقلیتانی سرا ظلم و ستمئ بھرا آمریکہ تشویشئ درا کنگ۔ 

بہ پاکستانا شہ اکثریتئ فرقہ نیمگا بہ مذھبین اقلیتانی سرا ستمئ کنگ یک عامین حبرئ انت۔ شہ ھمی ظلم و ستمئ وجا اودان اقلیتانی کچانہ کم بیگا انت۔ بہ پاکستانئ جور بیگئ وھدہ، ھندو، سیکھ، عیسائی پارسی و بودائی ھور اقلیتانی آباتی بیست و ھشت فیصد ات و نون بہ پاکستانئ روچ دراتا تاناکا ھندو انی آباتی بیست و دو فیسد انت، نون بہ پاکستانا اقلیتانی آباتی شہ ۴ فیسدا ھم کمتر انت۔ پاکستانئ کومئ بابا محمد علی جناح یک سیکولرین مُلکئ وابا دیست مگر بہ آئ زندا بنیاد پرست یک خاسین مذھبئ وکالت کنگا بناہ کرتنت و لوٹوک بوتنت و سرکارین وڑئ منتگ بوت۔ بہ ۱۹۸۰ دھہ سدر ضیاءالحق حکومتئ دورانا پاکستان یک اسلامین مُلکئ جور بوت۔ بہ پاکستان چُنت دھہ انت کہ اقلیتانی سرا ظلم و ستم رادگ انت  و کھنگین کانون و دروگین الزامانی تروسا مذھبین اقلیت وترا محفوظ احساس نہ کننت بہ ای بھرا آمریکہ نوٹس داتہ و گشتگیت کہ بہ پاکستانا بنیادمین حکانی حلاپ کنگ مذھبین بنیادئ بھرا گون مردمان امتیازین رپتارئ حالانی بھرا وتی جھولین تشویشا درا کرتہ۔ واشینگتن شہ عمران خانی حکومتا لوٹتگیت کہ بہ کانونئ سیائگا و مُلکئ کانونا برابیر کنت کہ مذھبئ آزاتی یقینین وڑئ بیت۔

آمریکہ و آسیائ جالا و وسطین بھرا کارگذار، ڈنئ کارانی وزارتئ کمکار الیس جی ویلس امیت درا کرتگیت کہ پاکستان بین الاکوامین مالیاتین فنڈ موجودین منصوبہ سیائگا اصلاحاتئ آرگ، دیمرئی و گھیتیرین معاشین منجمنٹئ بن اشتا مدد بہ دست کاریت و گڈسرا نہ تھانکا جمھورین نظامئ گھیتیر بیگا بلکہ بنیادمین حکانی صورتحال گھیتیر بیگا انت۔ بہ گڈین سالان پاکستان بدین وضعیتئ داشتگیت۔ شہ حکومتئ نیمگا میڈیائ آزاتی سرا قدغن و مردمین سماجئ توارئ خفہ کنگئ کوشست رادگ انت۔ میڈیا و مردمین سماج نہ تھانکا تروسینتگ بنت بلکہ تھدید ھم بینت کہ بہ ای حکومتئ حلاپا وتی دپا پاچ مہ کننت۔ بانوک ویلس گشتگنت کہ آی مُلک شہ پاکستانا رد بہ رد لوٹیت کہ بری ڈلانی حلاپا شہ کانونئ دیما کاروائی کنت ھما کہ حکومت و سیکورٹین ایسٹبلیشمنٹ تنقید آ و بدگشی کنگا انت۔ بین الاکوامین براس شہ گیرسرکارین بین الاکوامین تنظیمان بہ پاکستان سَکین وڑئ راجسٹر کنگئ پالسئ تشویشا انت پہ چہ کہ شہ نامدارین تنظیمانی نیمگا پہ پاکستانا عوامئ گھبودیا آ اھمین کار گون سَکیان دیم پہ دیم انت۔ آئ گشت کہ آمریکہ ڈنئ کارانی وزارت ای کَسانی نیمہ داری آ کنگا انت۔ بانوک ویلس گشت کہ آمریکہ انتظامیہ پاکستانا بنیادمین حکانی پادموش بیگ بہ مذھبین اقلیتانی حلاپا امتیازین رپتارانی حالانی بھرا وتی جولین تشویشا درا کنگا انت و بہ بازین معاملہ ان گون گیرسرکارین کَسان اقلیتانی سرا ظلم و زوراکی بہ چما کئیت و مذھبین اقلیتانی حلاپا گندگین رپتارئ مثال، شہ مسیحین براسان بانوکئ کہ بہ آی حلاپا اھانتئ رسولئ مقدمہ دیما بوت و سپریم کورٹ آی را شہ الزاما برات دات۔ بہ پاکستان سَک گیرئن کَس پورہ ئن وڑئ پہ ای حبرا وتی توارا بال آورتنت و شر و شور پھاد کرتنت۔ عمران خانی حکومت شہ سرئ محکمہ فیصلہ مجبور بہ دپاع کنگا بوت۔ پاکستانئ سرئ وزیر گشت کہ ای فیصلہ عیناً شہ مُلکئ کانونئ دیما انت۔ سرئ ای مُچین چیزان پاکستانئ پالسی و کانون ای وڑا انت کہ شیعہ و احمدئ اقلیتئ حلاپا امتیازین رپتار تہ نون رادگ انت۔ بہ پاکستانا اھانت اسلامئ کانون نون ھم نافذ انت۔ شہ ھمئ کانونئ وجا بازین پاکستانی مرکئ سزا گیندنت و لھتین عمرین کیدئ سزا بہ دست کارنت۔ لھتین کَس ھم بہ اھانت اسلامئ کانونئ سیائگا لٹ و کوٹ بنت۔ای وضعیت پہ راستی پریشانئ وڑ انت۔