سرگال: گیرنیمہ دارین تحریکئ ھژدھمی سربراھانی کنفرانس

بہ آذربایجانئ بنجاہ، باکو گیربستگین تحریکئ ھژدھمی سربراھانی کنفرانس بہ دنیائ مُچین گیندوکانی گون ایشی یات آرگا ختم بوتیت کہ تحریک ھمی نون ھم زندگ و پایندگ انت۔ گیربستگین تحریکئ قیام کم شہ کم شش دھہ دیما بہ عملا آتگیت و روکپتئ تبصرہ کنوک تعزیتئ کاگدئ لیکگئ کوشستا موشکول بوتگنت۔ بہ آوانی حیالا ای تحریکئ نفس سستگ بوتگیت مگہ ھر وارئ ای خبر آوانی غلط ثابت بوتیت۔ بہ حکیکتا ای تنظیمئ ھژدھمی سربراھانی کنفرانس میزبانی بہ آذربایجان ات کہ وت بری تنظیما بہ ۲۰۱۱ ھور بوتگیت ایش وت ایشی ثابت کنوک انت کہ اھمیتئ تنگتا استیت و بہ نونین حالاتانی بدل بیگا ھم باسکین مُلک شہ ایشی اھمیتا شرؔین وڑئ زاننت۔ بہ دنیا ھمی نون ھم ای وڑئ کَس استنت کہ پہ ای تنظیما شرؔین وڑئ باور دارنت و ای تنظیم آ پلیٹ فارم انت کہ جائ کہ سومی دنیائ مُلک بہ یک توارئ گشتگ کننت۔ بہ مروچین دنیا، جائ کہ مزنئن واک انت پہ وتی کٹان کار کننت۔ گیربستگین تحریک آ تنظیم انت کہ آی باسکین مُلک بہ عالمین سیاستا وتیا جوان داتگ کننت۔ گیربستگین تحریکئ بانی و باسکئ حیثیت ھندوستان پہ ای تنظیمئ دیمرئیا پورہ ئن وڑئ کار کرتگیت و بہ باکو سربراھانی کنفرانسا ھندوستانئ ھئیتئ سروکیا جمھورین سدرئ کمکار وینکئیا نایڈو کنگا انت۔ بہ کنفرانسا آوان بہ وتی گشتانکا گشتنت کہ پہ تحریکئ اصول و مکسدان ھندوستان بہ وتی عھدئ سرا استیت و مُچین شرؔین وڑئ زاننت کہ بہ گشتنئ زرورت نہ انت۔ شہ پاکستانئ امیتئ دیما بہ کشمیرئ باروا واویلا کنگ رادگ انت بری بھرا پاکستانئ سدر عارف علوی بیان پسوئ داتہ وینکئیا نایڈو پاکستانا دھشت گردیئ بنجاہ زانتہ و گشتگیت کہ اسلام آباد شہ سیمسران دھشت گردیئ پالسی جایز کنگا پہ ای وجا بہ کشمیری بھرا بیان بازئ پالسئ کٹ گرگا بند بکنت۔ آوان گشتنت کہ اگہ پاکستان دھشت گردیئ نیمہ داری و آی مالین مدد کنگا بند کنت ھم پہ ای جوان انت و ھم پہ دنیا جوان انت۔ بہ سربراھانی دیوانئ ختم بیگا اعلامیہ کہ رادگ بوت بہ آی بہ ھر وڑئ دھشت گردیئ دیمپانی کنگا عھد کرتگنت۔ و ای وڑا بہ دھشت گردیئ باروا ھندوستانئ مواقفا ھم تائید کرتگنت۔ بہ سارتین جنگئ دورانا بہ دنیائ خیالانی کیمپان یکئ بوتیت و یک بلاکئ سروکیا شروئ اتحاد داشت و دیگہ نیمگئ آمریکہ شہ آ وھدہ گپتہ تہ انون بہ دنیا بازین بدل بیگ آتگیت۔ بہ سیمین و عالمین سیاستان بدل بیگ آتگیت و گیربستگین تحریکئ رول ا ھم باید انت بدل بیگ آورتگ بیت۔ سرئ ای مُچینان شہ ایشی منکر بوتگ نہ کننت کہ ای تحریک بہ اکوام متحدہ  ہ مزنئن تحریکان حساب بیت۔ یکصد و بیست باسکین تنظیم انت کہ شہ دنیائ آباتیانی دو و نیم کوتان نمایندگئ کنت۔ گرچہ نون سیاسین و پوجین واک پورہ ئن وڑئ دنیا دیما بارت مگہ باز ھم شہ گیربستگین تحریکئ اھمیتا منکر بوتگ نہ کننت۔ اکوام متحدہ سکرٹر جنرال انٹونیو گواترز بہ کنفرانسئ ناما بہ وتی پیگاما بہ باورئ کمی بہ گلوبلایزشن و مھلوکانی باورئ کمی بہ دنیائ تشددئ وڑئ مسئلہ انی نیمگا توجہ دیگا گشتگیت کہ بہ حلئ آوان سماجین کوشستانی اڑ انت۔ واجہ گواترز ای بیانا رندا امیت روت کہ پہ ای مُچین مسئلہ انی دیمگیری آ اکوام متحدہ گیربستگین تحریکئ دوکین تنظیم یکجا کار کننت۔