Mann ki baat 28.10.2019

منی دوستین ھم وطن، نسمکار۔ بری شرّین فسٹیوالئ درگتا پہ شما مُچان مبارکی دئین۔ شلوکئ گشتانک مئ مُچانی یاتا انت۔ ” شوبھام کروتی کلیانم، آروگیام دھانسمپادا۔ شتروبودھی ویناشائ، دیپا جیوتی نمستوت۔”

انچین پرواک و شرّین پیگامئ۔ شلوک بہ وتی ای پیگاما گشیت کہ: ای روشنایی انت کہ مئ زندانی تھا وشھالی، دروائی و جوری کاریت و منفی ئن پکرانا زیان کرتہ وشھالی کاریت۔ من پہ پرواکین آچا  وتی احتراما درا کنین۔ پہ دیوالئ دود گرگا چی گیتیر شہ وشھالئ گیش کنگا و شرّین دعائ کنگا۔ بری روچان دیوالئ بہ چُنتی مُلکانئ تھا دود گپتگ بیت۔ و تھانکا بہ ھندین کمونٹیا محدود نہ انت و حتئ سرکار، شھروند و سماجین دپتر شہ دل دیوالی آ بہ وتی جاگان دود گرنت۔ ای راز آوان ھندیی دود و ربیدگا بہ وتی جاگان دیمرئی دینت۔

سنگتان، دیوالئ توریزم شہ وتی دیگہ حال و ھوائ داریت۔ مئ مُلک ھند، کہ فسٹیوالانی مُلک انت بہ فسٹیوال توریزم بھرا یک عالم راھ و نوکین چیز داریت۔ ما باید انت کہ ای ھبرا بہ یاتا داشتگ بنت کہ وھدہ کہ ما ھولی، دیوالی، اونام، پونگال یا بیھو آ دود گرنت دیگہ ایالت و دیگہ مُلکانئ استامانا ھم بہ وتی دودان شامل کننت۔ بری مُلکئ تھا ھر ایالتئ شہ وت جیاتئین و راز رازئین فسٹیوال داریت کہ دیگہ مُلکانئ استمانئ توجہ آ دیمئ وت کنت۔ شہ ھمی وجا ھندیی استمان بہ فسٹیوال توریزمئ دیمرئیا بری مُلکئ تھا مزنئن کوتئ داریت۔ منی دوستین ھموطن بہ گئوستگین من کی بات پروگراما ما فیصلہ کرتنت کہ ای سالی دیوالئ تھا یک دیگہ کارئ کننت۔ من شہ شما مُچان لوٹوک بوتن کہ ھندیی ناری شکتی یعنی کہ ھندیی بانوکانی واکا دود گرگا بنت و ای راز شہ ھندیی لکشمی آ وش گشی کننت۔ کترہ رندا بہ سوشل میدیائ تھا بازین داستان و پیگام اتنت۔ کودیپاکا رامیش شہ ورنگال بہ نامو ایپ تھا لیکتگیت ” منی ماس منی واک انت۔ بہ ۱۹۹۰ سالا رندا شہ ایشی کہ منی پئس شہ دنیا شوت پنچ زاگانی مزن کنگئ بھوج بہ آئ کوپگانی سرا اشتگ بوت۔ مروچی ھر پنچین براس ھر کجام بہ وتی جیندئ کارئ تھا شرّین وڑئ دیما روت۔ منی ماس چو خدائ انت پہ من۔ آی ھندیی لکشمی انت۔” رامیش جی گون احترام سلام و پیگام پہ شمئ ماسا۔

گیتیکا سوامی کہ بہ ٹویٹرئ تھا فعال انت لیکتگیت کہ میجر خوشبو کنوار کہ بس کنڈکٹرئ جینیک انت و شہ آسام رایفلز یک پورہ ئن ڈلئ سروکی کرتگیت ھندیی لکشمی انت۔ پہ کاویتا تیواری آی جینیک ھندیی لکشمی انت و آی واک انت۔ آ بہ وتی جینیکئ رسامئ استعداد آ نازیت۔ آ ھمی وڑا بہ سی ال آ ٹی امتیانان شرّین درجہ گپتگیت۔ مھگا جئین ھمی وڑا لیکتگیت کہ یک ۹۲ سالگین بانوکئ بہ گوالیر ریلئ اسٹیشن تھا پہ مُچان مفتین وارتنین آپ دنت۔ بانوک مھگا شہ ای ھندیی لکشمئ ای مزنئن کارا و مزنئن دلا الھام گپتگیت۔  بازین انچین داستانانا مردم بہ سوشل میڈیائ تھا شریک کرتگنت۔ آوانا سیل کنئیت و الھام بگرئیت۔ من پہ مُچین ھندیی لکشمیان احترام دارین۔

 

منی عزیزین ھموطن، ھفدھمین قرن یک شیر گوشوکئ بہ سنچی ھوناما ناما کہ شہ کئناڈا انت یک شیرئ گشتگیت کہ پہ ھر لکشمی کہ ما بہ آوانی باروا ھبر کرتنت گشتگ بوتہ و ھما پکر و نظریہ بہ آوانی باروا درا کنت۔

ای شیرئ تھا لیکتگ بوتہ کہ ھیموانت کہ کوھئ لورڈ ات شہ پاروتی وجا کہ آی جنیک ات نامدار بوت، ریشی بریگو شہ وتی جینیکئ وجا کہ آی نام لکشمی ات و پاچا جنک ھم شہ سیتا وجا۔ مئ جنیک مئ افتخار انت۔ منی سنگتان ۱۲ نومبرئ روچا گورو ناننک دیوجی پنصد و پنجاہ و پنچ سالگی پرکاش اوستاو روچ بہ عالمئ مُچین سیمان دود گپتگ بیت۔ گورو نانک دیوجی تاثیراتئ روشنائی نہ تھانکا ھندیی تھا بلکہ بہ دنیائ تھا محسوس بوتگ کنت۔ مئ چُنتی سیکھ ئن گوار و براس کہ بہ دیگہ مُلکانی تھا وتی زندا دیما برنت نون ھم گورو نامک دیو جی پکر و ایدہ آنا مننت۔

من وتی دورہ آنا شہ تھران و ونکوورئ گورودواران ھیچ وھدہ شموشتگ نہ کنین۔ من بہ گورو نانک جی باروا بازین ھبرئ گون شما شریک کرتگ کنین مگہ بازین وخت و وھدہ را گیشتر شہ یک من کی بات پروگراما گیت۔ آوان گشتگنت کہ حذمتئ کنگ بھتری و اھمتری چیز انت۔ گورو نانک جی بری باورا اتنت کہ ھر حذمتئ را کہ مردم بیدئ گجام پکرئ کننت آی کٹ شہ حسابا ھم گیش انت۔ شری گورو نانک جی وتی پیگاما بہ دنیائ مُچین نیمگان رسینتنت۔ آوان بہ ا وھدان بہ برزین کچانہ دورہ کرتنت شہ ھر جاگہ۔ و شہ ھر جاگہ کہ دورہ کرتنت آوان مردمانئ دلا گون وتی سادگی و مزنئ آ برتنت۔ آوان چُنتی دورہ آنا بہ “اوداسئ” ناما تسر کرتنت و شہ ھر نیمگا، برزا، جالا، روکپت و روچ دراتا دورہ کرتنت و برابری و یکئ پیگاما برتنت۔ گشتگ بوتہ کہ آسامئ شنکر دیو ھم شہ اوانی جوانیا متاثر بوتنت۔ آوان ھمی وڑا شہ ھریدوارئ پاکین سرڈگارا ھم دورہ کرتنت۔ یک پاکین جاگہ بہ کاشئ تا بہ” گوروباگ گورودوارا” ناما انت، مردم گشنت کہ گورو نامک دیو جی آدنا منتگنت۔ آوان ھمی وڑا شہ بودائین مذھبین جاگان چو راجگیر و گایا دورہ کرتنت۔ وھدہ کہ شہ جالئ سیمان دورہ کرتنت آوان شہ سری لنکا ھم دورہ کرتنت۔

بہ وتی یک “اوداسئ” وھدہ گورو نانک دیو جی شہ کشمیر و ھما ھم پلّین سیمان ھم دورہ کرتنت۔ ای دورہ بہ سیکھ نیمہ دار و کشمیر نیاما بستگیانا سَک کرت۔ گورو نانک دیو جی ھمی وڑا شہ تبت ھم دورہ کرتنت کہ آدنا پہ آوان گورو مکام داتگ بوت۔ بہ وتی یک اوداسئ شہ اسلامین مُلکان آوان شہ سعودین عربستان، عراق و اوگانستان دورہ کرتنت۔ آوان بہ ازبکستان تھا ھم دروست بنت کہ شہ آدنا دورہ ھم کرتگنت۔ آوان بہ ملین ھا مھلوکانئ دلانی تھا جاگہ گپتنت کہ مروچی ھم  شہ آوانی پیگاما نیمہ داری کننت۔ ھمی چُنت روچ دیما ھشتاد و پنچ مُلکانی سفیر شہ دھلی بہ امریتسر شوتنت۔ آوان شہ امریتسرئ سورین ٹیمپل” گولدن ٹیمپل” دورہ کرتنت و پاکین درشنئ را تسر کرتنت و شہ گورو نانک دیو جی پنصد و پنجاھمی پرکاش پرو سالروچا یات کرتنت۔ بہ درشن کنگئ پھانادا ای مُچین سفیر کرتگ کرتنت کہ شہ سیکھ استمانئ دود و ربیدگان گیشترین چیزئ یات گرنت۔ رندا شہ ای چُنتی سفیر وتی عکسانا بہ سوشل میڈیائ تھا اشتنت و شہ وتی خاسین تجربہ ھبر کرتنت۔ منی گوار و براسان، من اطمینان دارین کہ شما مُچین ۱۳ اکتبرئ اھمیتا بہ یاتا دارئیت۔ ای روچ ھندیی اھنین مردینزاگئ ودی بیگئ سالروچ انت سردار ولابھائ پٹل، ھما مردمئ کہ مشما را مُچانا بہ یک کومئ یکجا بستگیت مئ ھیرو۔ بہ یک نیمگا سردار ولابھائ پٹل مھلوکانی یکجا کنگئ یک خاسین کوالیٹی را دارگا اتنت و دیگہ نیمگا آوان زاتنت کہ چی راز برابیرین وڑئ گون ھما مھلوکان کہ آوانی پکر و حیال گون آوان توپیر داشت رویہ کننت۔ سردسر ولابھائ پٹل کسانتری و مزنتری چیزانا پٹ و پولئ چیرا گپتنت و بہ آوانی باروا بہ برزین کچانہ پکر کرتنت و چُنتی چیزانا بہ یک وھدہ پٹ و پولئ چیرا گپتنت۔ آوان ھمی وڑا دیگہ رازئ توانائی و واک ھم داشتنت پلان و اسٹراٹجی جور کنگ آوانی مزنتری توانائی ات۔ وھدہ کہ ما بہ سردار ولابھائ باروا واننت یا اوشیکننت بہ آوانی پلان کنگئ اسٹایل باروا گیشترین معلوماتئ گپتگ کننت۔

بہ ۱۹۲۱ سالئ کنگرس دیوانا، بہ احمدآباد تھا، چُنتی رسمین کارکنوک شہ مُلکئ مُچین سیمان بری دیوانا کوت گپتنت۔ پہ سردار پٹل ذمواری داتگ بوتت کہ مُچین تنظیماتا تسر کننت۔ آوان شہ ای وھدہ شرّین وڑئ کٹ گپتنت و بہ آپ رسینگئ نیٹ ورک بھرا کار کرتنت۔ آوان اطمینان ودی کرتنت کہ حتئ یک مردمئ ھم گون آپ سَکیان دیم پہ دیم مہ بیت۔ آوان ھمی وڑا بہ رسمین کارکنوکانی وسائل و کئوشانی ساتتنئ بھرا ھم گام زورتنت۔ آوان گون کشارگران ھبر کرتنت و شہ آوان لوٹوک بوتنت کہ خادئ خلتہ جور کننت۔ ای خلتہ جور بوتنت پہ رسمین کارکنوکان با بوتنت و آوان بیدئ گجام پکرئ ایشی کہ آوانی کئوس دوزی بئینت وتی کئوشانا خلتہ تھا پرینتنت و گون وت برتنت۔ بہ دیگہ نیمگا خادئ با بہ برزین کچانہ دیمرئی کرت۔ سنگتان، مشما مُچین زاننت کہ سردار ولابھائ پٹل بہ ھندیی اولی گیسویین کارانی وزیرئ پیما مُچین شاھزادگین ایالتانی یکجا کنگئ تاریخین کارا تسر کرتنت۔ بہ یک نیمگا آوان جوناگرھ، حیدرآباد و دیگہ ایالتانی سرا غور کرتنت و دیگہ نیمگا آوانی چم بہ لاکشودیپ سَک ات۔ وھدہ کہ ما بہ سردار ولابھائ پٹل کارکردگیانی باروا ھبر کننت تھانکا آوانی دست آورد بہ مزنئن اھمین ایالتانی یکجا کنگئ بھرا دیما کائیت مگہ آوان شہ ایشی کرتہ گیشترین کار کرتگنت۔ آوان ھمی وڑا چو لاکشودیپ کسانین جاگہ بھرا ھم اھمین کوتئ داشتگنت۔ لاکشودیپ یکئ شہ ھندیی مقبولترین جاگان انت۔ کترہ رندا شہ ۱۹۴۷ جیتائیا مئ ھم پلّین مُلکئ چم سَک ات بہ لاکشودیپ۔ یک کیشتئ گون آئ بیرق آ بہ ای سیمان دیم داتگ بوت۔

وھدہ کہ پہ سردار ولابھائ پٹل بری بھرا معلومات رست آوان ھما دم گام زورتنت۔ آوان شہ مودالیار براسان، آرکوت رامسوامی مودالیار مددئ لوٹوک بوتنت و رندا شہ ایشی حکما بہ لاکشودیپ آپانی تھا سہ رنگین بیرک ھندیی دیما بوت۔ و رندا شہ آی ھم پلّین مُلکئ واب و حیال بہ لاکشودیپ باروا پروشتنت و آ بہ زوترین وھدہ شہ آ سیمان زیان بوتنت۔ سردار پٹل شہ مودالیار براسان وت لوٹوک بوتنت کہ آوان بہ لاکشودیپ دیمرئی بھرا کوت گرنت۔ و مروچی لاکشودیپ بہ ھندیی دیمرئی راھ تھا بہ برزین کچانہ مدد کنت۔ من امیتوار استن کہ شما ھم شہ لاکشودیپ دورہ کنئیت و شہ ای مقبولین جاگان و ساحلان دیدن کنئیت۔

منی عزیزین ھموطنان، اکتبر ۳۱، ۲۰۱۸ روچئ انت کہ ” یکی و تپاک مجسمہ” بہ سردار پٹل یاتا پہ مُلکا ٹھیکی داتگ بوت۔ ای عالمئ تچکترین مجسمہ انت۔ اگہ گون آمریکہ ” آزاتئ مجسمہ” آی را برابیر کننت دو برابیر آی بالادا انت۔ عالمئ تچکترین مجسمہ دارگ ھندوستانیانی دلا شہ افتخارا پر کنت۔ شما وشھال بئیت کہ زانئیت ای سالئ گیش شہ ۲۶ لکھ توریست شہ ای مجسمہ دیدن کرتگنت۔ ای بری معنا انت کہ کم شہ کم ھشت و نیم ھزار مردم روچانہ شہ ای مجسمہ دیدن کرتگنت۔ بہ ایشی پھانادا نونین وھدہ، چُنتی دیستنین جاگہ چو کاکتوس باگ، پروانہ باگ، جنگل سفاری، گونڈکانی نیوتریشنئ پارک، اکتا نرسری، ھم دیم بہ دیمرئیا انت و بہ ھما سیمانی اکتسادا کوت گرگا انت۔ پہ آ سیمانی استمانا نہ تھانکا نوکین کار و ملازمت ودی بوتگیت بلکہ ھما سیمانی بازی مردم پہ توریستان گسٹ ھاوز جور کرتگنت۔ آ سیمانی مردم ھمی وڑا دراگن فروٹ کشارگری آ بناہ کرتگنت و من اطمینان دارین کہ ای کار بہ زوترین وھدہ پہ آ مردمان درآمدئ راھئ جور بیگا انت۔ منی سنگتان، پہ دیگہ ایالتان و ھمی وڑا پہ توریزم ایندسٹری آ ” یکی و تپاک” مجسمہ پٹ و پولئ سرگال بوتگ کنت۔ مشما مُچین شاھد اتنت کہ بہ یک سالئ تھا ای مجسمہ نامدارین توریستین جاگہ جور بوت۔ مردم شہ مُلکئ دیگہ سیمان و گمی وڑا شہ دیگہ مُلکان بہ آدنا رسنت و ٹرانسپورٹ، ترجمان و راھ نشان دیوک حذمت وتاوت دیمرئی کننت۔ مزنئن اکتسادئ دیمرئی کنت و مردم شہ توریستانی لوٹگانی دیما نوکین حذمت بناہ کننت۔ سرکار ھم وتی کوتئ کارا کنت۔ سنگتان گجام ھندین شھروندئ دل شہ غرور و افتخارا پر نہ بیت وھدہ کہ زانت بہ ھمی وھدان ٹایمز ھالٹاک بہ وتی ۱۰۰ نامدارترین توریستین جاگان بہ عالمئ چار نیمگا ھندیی ” یکی و تپاک” مجسمہ ھم ھور کرتگیت۔ من امیتوار استن کہ شما مُچین وتی گرانبھائین وخت و وھدہ پہ دیدن کنگا شہ ای مجسمہ دئیت۔ مگہ منی یک لوٹگئ ایش انت کہ ھر ھندیی گون وتی الک و اعیالا کم شہ کم شہ ھندیی ۱۵ توریستین جاگان دیدن کنت و کم شہ کم یک شپئ آدنا مانیت۔ سنگتان ھمی راز کہ شما سی استئیت، شہ ۲۰۱۴ سالا رندا ھر سال ۳۱ اکتبر بہ ” یکی و تپاک” روچئ ناما دود گپتگ بیت۔ ای روچ پہ مشما ای پیگاما دنت کہ ما ھر وھدہ وتی مُلکئ یکی، سیکورٹی و تپاک و عزتئ ساتوک بنت۔ ھمی راز کہ دیمترئ سالا تسر بوت ای سالی ھم اکتبرئ ۳۱ تاریخا ” رن فور یونیٹی ” یکجا بیگئ جیستنئ تسر بیگا انت۔ بہ ایشی تھا شہ مئ سماجئ ھر کوتئ مردم کوت گرگا بنت۔ ” رن فور یونیٹی ” مئ مُلکئ یکی و تپاکئ نشان دیوک انت کہ ای مُلک گون یکی و تپاک دیم بہ دیما رادگ انت۔ ایک بھارت، شرشتھ بھارت۔ بہ گئوستگین پنچ سالئ تھا ما شاھد بوتگنت کہ نہ تھانکا بہ دھلئ تھا بلکہ بہ چُنتی صد ھندین شھران، سیمان و صوبہ آنی بنجاھان، حتی بہ کسانین شھرانی تھا ھم چُنتی مردینزاگ، جنینزاگ، شہ شھروندان، یا الکانی مردمان، گونڈک و ورنا، کسان و مزن، پیر و ورنا و حتئ معلومین مردم بری ” رن فور یونیٹی” جیستنئ تھا کوت گپتگنت۔

بہ نونین وھدہ مردم خاسین دلچسپی پہ “ماراتھون ” ودی کرتگنت۔ و ” رن فور یونیٹی” ھم یکئ شہ ھما آوان انت۔ جیستن پہ مجگ، جسم و روح آ کٹوک انت۔ بہ ” رن فور یونیٹی” وھدہ نہ تھانکا ما پہ یکی و تپاک آ جیئنت بلکہ بری کارئ تھا ” فیٹ اینڈیائ” اسپیریت ھم درا بیت و ما وترا گون ایک بھارت شرشتھ بھارت آ ھم یکجا محسوس کرتگ کننت۔ شما ھر گجام شھرئ تھا کہ استیت بہ ” رن فور یونیٹی” باروا معلومات ودی کرتگ کنئیت۔ یک وط سائیت بہ runforunity.gov.in  ناما ھمی وڑا جور بوتگیت کہ بری بھرا معلومات پہ مھلوکان برسینیت۔ بری وب سایت تھا مُچین معلومات بہ رن فور یونیٹی بھرا لیکتگ بوتگیت کہ بہ مُلکئ گجام ھندان تسر بیگا انت۔ من امیت درا کنین کہ بہ اکتبرئ ۳۱ تاریخا مشما مُچین جیئنت نہ تھانکا پہ یکی و تپاکا بلکہ پہ وتی جیندئ جسمین دروائیا۔ منی عزیزین ھموطن، سردار پٹل مئ کوما گون یکی و تپاکئ تارا بستگیت۔ ای یکی و تپاک منترا ما باید انت کہ وتی مُلکئ تھا کہ بہ آی راز رازین مردم وتی زندا دیما برنت ھر وھدہ بہ ھر جاگہ زندگ ساتنت۔ منی عزیزین ھموطن مئ مُلک ھر وھدہ بہ یکی و تپاک دیمرئی و استحکام آ فعال بوتگیت۔ اگہ ما دور و برا چم پریننت زانتگ کننت کہ چہ بازین مردمئ پہ مئ مُلک و کومئ تپاکا بہ چہ کچانہ کوشست کرتگنت۔

سنگتان، من بہ یاتا دارین وھدہ کہ اللہ آبادئ سرئ محکمہ وتی حکما بہ جنمبھومی بھرا بہ ۲۰۱۰ سالائ سپتمبرئ ماہ دات۔ شما وتی یاتا بیارئیت کہ آ وھدہ چی وڑئ ماحولئ ات۔ چُنتی ڈل راز رازئ گوازی در اورتنت و لوٹتنت کہ شہ حالاتان بہ وتی کٹا کٹ گرنت۔ رازئ زوانئ کہ آ وھدہ بہ آی ھبر کرتنت کہ ماحولئ تھا تنشن آ گیش کننت۔ ای خرابین حالات شاید تہ پنچ روچ، ھپت روچ یا دہ روچ رادگ منتتنت رندا شہ ایشی کہ محکمہ وتی حکما دات مُلکئ مُچین سیمان آرامی و کراری بوت۔ یک نیمگا دسیسہ چی کوشست داشتنت کہ ماحولئ تھا سَکی و تنشن آ گیش کننت۔ و دیگہ نیمگا وھدہ کہ بہ رام جنمبھومئ بھرا فیصلہ بوت شہ محکمہ نیمگا، سرکار، سیاسین پارٹی، سماجین دپتر، مردمین سماج و مُچین ڈلانی نمایندگ یک رازئ برابیرین بیانئ دیگا بناہ کرتنت۔ کوشست بوت کہ سماجی و سیاسین ماحولئ تھا تنشن کم بیت۔ مگہ آ روچا من پورہ ئن وڑئ بہ یات دارین۔ و ھر وھدہ کہ یا کنین وشھال بین کہ محکمہ چون شرّین وڑئ وتی کارا تسر کرت۔ ای مُچین دپ دیگ باید انت کہ ھر وھدہ مشمئ یاتا بنت و مئ واکا گیش بکننت۔

منی عزیزین سنگتان، بہ اکتبرئ ۳۱ تاریخا، بہ ھمی روچا مئ مُلکئ گڈین سرئ وزیر بانوک ایندیرا جی کشتگ بوتنت۔ پہ مئ مُلکا یک مزنئن دپ دیگئ ات۔ مروچی من وتی احترامانا پہ آوان ھم دیما کنین۔

منی عزیزین ھموطن، مروچی اگہ یک کئسہ و داستانئ کہ شہ یک گئس بہ دیگہ گئس و شہ جالا تہ برزا و روکپتا تہ روچ دراتا اوشکینتگ بیت و بہ ھندیی ھر نیمگئ رادگ انت پاکی و نظافتئ کئسہ انت۔ ھر مردمئ و ھر الک و اعیالئ و ھر الکئ لوٹوک انت کہ وتی شرّین کئسہ بہ پاکئ بھرا پہ ای دیگران گشیت پہ چہ کہ ای مزنئن پاکی و نظافتئ کوشستانی پھدا یکصد و بیست و پنچ کرور ھندیانی کوشست انت۔ یک کئسہ است کہ من لوٹین گون شما ھم شریک کنین۔ پکر کنئیت برزتری جنگئ میدانئ تھا کہ موسمئ دما شہ صفر آ بہ ۵۰-۶۰ دگری آ رسیت۔ ھوائ تھا اکسیجن کچانہ ھم کم انت۔ بہ انچین سَکین حالاتانی تھا مئ باتورین پوجی نہ تھانکا شہ مئ سیمسران حفاظت کننت بلکہ سواچھ سیائچن کمپاین آ ھم بہ آ سیمان دیمرئی دینت۔شہ مئ ھموطنانی نیمگا من شہ ھندیی پوجا پہ آی ای شرّین کارا وش گشی کنین۔ مشما مُچین سی انت کہ سیائچن دریاب و پاکین آپانی چمگ انت و شہ ھمی وجا آ سیمانی پاک ساتتن یعنی کہ اطمینان ودی کنگ شہ ایشی کہ پہ ھر مردمئ کہ آ سیمان وتی زندا دیما بارت پاکین آپ برسیت۔

منی عزیزین ھموطن، فسٹیوال وھدہ انت کہ مئ زندانی تھا یک نوکی گون وت کارنت۔ و خاسین وڑئ بہ دیوالئ درگتا، رسم انت کہ ھر الک و اریالئ گونڈین یا مزنئن نوکین چیزئ شہ بازارا زننت۔ من یک وار گشتن کہ ما باید کوشست کننت کہ سیمانی وسائلانا زننت۔ اگہ چیزئ کہ ما لوٹنت بہ الکان ودی بیت زرور نہ انت کہ بہ تحصیلا برونت۔ ھر چینکس ما کوشست کننت کہ شہ سیمان وسائل زننت “گاندھی ۱۵۰” یک مزنئن دیوانئ بیت۔

حتئ بری دیوالئ وھدہ، شما حتمی انت کہ گونڈ و مزنئن چیز دیم شہ دیوالی آ ھم زیتگئیت۔ مگہ بازین مردم بری پکر و حیالا انت کہ رندا شہ دیوالی آ اگہ آوان بازرا برونت بہ کمین کیمتانی چیزئ زیتگ کننت۔ بازین مردمئ نون ھم استنت کہ آوانی دیوالئ خریداری تہ نون پورہ نہ بوتگیت۔ شہ ھمی وجا ھور گون وتی خاسین مبارکئ دیما کنگا بہ دیوالئ درگتا من ھمی وڑا شہ شما لوٹوک استن کہ شہ سیمانی بازاران وتی محلین وسائلانا خریداری کنئیت۔ و وت شاھد بنت کہ ما چی وڑا مھاتما گاندھی وابا بہ حکیکتا بدل کرتگ کننت۔ بہ دیوالئ ای شرّین وھدہ من وتی مبارکیانا پہ شما مُچان دیما کنین۔ دیوالئ وھدہ ما ھر رازئ ترقہ آچ جننت۔ مگہ بازین وھدان ای آچ ٹپ رسینتگ کنت۔ شہ شما مُچان لوٹوک استن وتی ساتوک بئیت و گون وشھالی ای فسٹیوالا دود گرئیت۔

شکریہ شہ شما مُچان۔