سرگال: ھندوستان و سعودین عربئ کار و باری و اسٹراٹجیکین بستگئ تھا بدل بیدگئ آرگئ فیصلہ۔

سرئ وزیر نریندر مودی بری ھپتگا شہ سعودین عربا دورہ کنگا بوت۔ بہ ریاض و نوکین دھلئ نیاما نوکین بدل بیگئ بہ دیما کارنت کہ بہ آیوکا کٹ گون وت دارنت۔ بری دورہ کنگا ای مسئلہ انی سرا خاسین روشنی پرینتگنت۔ روایتین وڑئ بہ دوکین مُلکانی نیاما بستگئ بنیاد، حجئ سفر و توانائی و درآمد انت۔ مگہ بری گڈین سالا دوکین مُلکانی دو نیمگین بستگی و کار و بارین بستگی دیما برگئ کوشست کنگا انت۔ بری بھرا سعودین عربئ ولیعھد محمد بن سلمانئ نیمگا جور بوتگین سومی فیوچر انوسٹمنٹ اینیشیئٹیو (اف آی آی) سرئ وزیرئ بیان یک اھمین گامئ انت۔ اف آی آی جور بیگئ مکسد بہ سعودین عربا گیرروایتین توانائی، سیاحت و تفریح وڑئ بھران، سرمایہ کارئ وھدہ و وختئ روک کنگا انت تہ کہ بہ تیل بھران بہ مُلکا انحصاری کم بیت۔ بہ ولیعھد بن سلمانی قیادتا ای گام گرگ سرئ وزیر نریندر مودی کہ ھندوستان ۲۰۱۴ پنچ ٹریلین ڈالرئ معیشیتئ جور کنگئ لوٹگئ دیما وتی مطابقتا داریت۔ بہ ۲۰۱۴ واجہ نریندر مودی سرئ وزیر بوتیت و رندا دوکین مُلکانی نیاما ای ھشتمی گیند و نیند انت۔ ولیعھد محمد بن سلمان ششمی دیوانئ استیت و شہ جمو و کشمیرئ ۳۷۰ مادہ منسوخ بیگا رندا، سرئ وزیر مودی و محمد بن سلمانی گیند و نیند انت۔ یاتئ وڑ انت کہ جمو و کشمیری بھرا شہ ھندیی حکومتئ گام گرگان رندا، پاکستان بہ ھندوستانئ حلاپا وتی سفارتین کوشستانا تروند کرتگیت و خاسین وڑئ بہ روکپتا بہ آسیائ مُلکانی تھا واویلائ جنگا بناہ کرتگیت۔ بہ ۲۰۰۶ سالا شہ عبداللہ شہ ھندوستان دورہ کنگئ اختتاما رندا بہ دھلی یک جارئ جتنت کہ بہ آی دوکین مُلکانی بستگی گیشترین دیمرئی دیگئ عزما درا کنگا بوتنت و تہ انون بری بھرا گجام اھمیتئ وڑئ دیمرئی نہ بوتگیت۔ مگہ بہ مھراشاترا پٹروکئمیکل بھرا سرمایہ کارئ سعودین عرب لوٹگ انت و شہ دنیائ مزنتری تیلئ کمپنئ آرامکو ریلائینس ۱۵ ارب ڈالرئ اشتنئ ارادہ دوکین مُلکانی بستگی پورہ ئن وڑئ پر واک بوتیت۔ ای اشارہ استیت کہ ریاض گون نوکین دھلی وتی بستگی و روایتین بستگئ دیما برگا لوٹیت بہ وتی دورہ کنگئ دورانا سرئ وزیر نریندر مودی گون شاہ سلمان و دیگہ سروکان گیند و نیند کرت۔ یاتئ وڑ انت کہ سرئ وزیر نریندر مودی شاہ سلمان آ دیما بہ ۲۰۱۴ گیند و نیند کرتتیت بہ بریسبئن۔ جی ۲۰ سربراھانی دیوانئ دورانا ای گیندو نیند تسر بوت۔ آ وھدہ ای ولیعھد ات، شہ آ وھدہ تہ نون واجہ مودی گون سعودین فرمانروان سہ وار گیند و نیند کرتگیت۔ سرئ وزیر نریندر مودی وتی دورہ کنگئ گڈسرا یک شریکین بیانئ رادگ کنگا دوکین مُلکانی نیاما ھر وڑئ دھشت گردیی آ بدگشی کرتگنت و خاسین وڑئ بہ مذھب ، نسل و دود و ربیدگ گون عالمین دھشت گردان نہ باید جوڑینتگ بیت۔ ھمی وڑا گشتگ بوتگیت کہ بہ ھیچ مُلکئ گیسویین کارانی تھا دیگہ مُلکئ دست مان دیگئ اڑ نہ انت۔ آوان بہ روچ دراتا سعودین عربئ آرامکو تنصیباتئ سرا رون ھلگرا بدگشی کرتگنت و بہ شریکین بیانا فلسطینئ کازئ نیمہ داریا جارئ ھم جتگنت۔ ای دوکین مُلکانی نیاما بہ شام و یمن موجودین حالاتانی باروا ھم حیالانی بدل کنگا بوتہ انت۔ بری دورہ کنگئ دورانا یک اھم و کلیدین ھبر کونسلئ قیام کہ سروکئ سرئ وزیر نریندر مودی و ولیعھد محمد بن سلمان شریکین وڑئ کنگا انت۔ ای کونسل جامعین وڑئ کار کنت۔ بہ دوکین مُلکانی نیاما بستگئ مُچین نیمگانا بہ یک دایرہ تھا کاریت۔ مطلب ایش انت کہ دو نیمگئ بستگئ دیمرئی دیگئ بھرا برابیر دیما رونت۔ ھمی وڑا بہ توانائی، شھری و ھوابازی و سیکورٹئ تعاون، بہ دپاع بھرا بہ چُنتی شعبہ دوازدہ معاھدہ سرا دستخت کرتگنت۔ ھمی وڑا واجہ مودی روپی کارڈ آ بہ سعودین عرب کارئ بناہ کرت۔ ھندوستان کہ بہ آیوکین سالا یک کرب آمریکہ ڈالر سرمایہ کارئ جار انت و درا انت کہ سعودین عرب بری بھرا سرمایہ کاری کنت۔