سرگال: بغدادی مرک پہ داعش مزنئن ٹپئ مگہ آی آپریشن انگتہ رادگ انت۔

خیر بیت کہ داعشئ بانی ابوبکر البغدادی کشتگ بوتیت و ھمی وڑا ھم دیما ھم چُنتی وار آی مرکئ حال رستگیت، مگہ تہ تصدیقئ درجہ نہ رستگیت۔ شہ آمریکہ سدرئ بیانئ دیما، شہ آمریکہ خاسین فورسئ نیمگا گشتگ بوتگیت کہ شہ تفصیلاتئ دیما بہ سوریہ یک صوبہ بہ یک الکئ بہ یک چیرین سورنگئ چیر کپتتیت مگہ وھدہ کہ آمریکہ گیرا کپتگیت وترا و وتی زاگانا تراکینتگیت۔ بہر حال نام بدین دھشت گرد زمانگئ شہ وھدہ نامی اوشکتگ بوت کہ بہ ۲۰۱۴ بو موصل نامدارین مسیت نورئ مسیتا آتیت و گون وتی ڈلا خلافتئ جارا جتیت آی ڈل ھم آی را خلیفہ زانتنت۔ ۲۰۱۴ وھدہ کہ آی نام نھادین خلافتئ جار جتگ بوتیت دیگہ بہ عراق و سوریہ سیمسران یک مزنئن حدئ را بہ دست گپتیت۔ ھما کہ بہ رقہ اعتبارئ برابیر گون برطانیہ اتیت۔ بہ عراقئ برزا کپتگیت رقہ، بہ وتی دارالحکومتئ بنجاہ زانتیت۔ ای ڈل بہ دنیائ بازین ھندان گمراہ و انتھا پسندین ڈلانا و ورنائین مسلمانین زاگانا، گون وت گپت و بازین دیگہ ھم گون آوان یکئ بیگئ دلچسپی آ ودی کرتنت مگہ ای نام نھادین خلافت رازئ کہ اسلامئ دینئ تبلیغا کرتنت، شہ آی جیندئ نیمگا جور بوتگیتن اینٹرپریٹیشن ات۔ دنیائ گیشترین مسلمان ایشا مسترد کرتنت ع یک دھشت گردین ڈلئ زانتنت کہ اسلامین تعلیما واسپٹ قائل ات۔ مگہ فروعونئ وڑئ نام نھادین بغدادی حکومت تہ یک مختصرین وھدہ منت و گیشترین سیم شہ دستئ آزات بوتنت و نون ھم وت بغدادی کشتگ بوتیت۔ پہ امیشا نون ای ڈل و تنظیم باز کم واک بوتگیت دیگہ ای وڑ پکر بکننت کہ پورہ ئن وڑئ پاک و ساپ بوتنت۔ نون دیگہ شہ ایشی گیشتر شک ای چیزئ نہ مانیت۔ مگہ ای وڑئ ڈلانی موشکولی پہ آسانی الاس نہ بنت پہ چہ کہ ای ڈل وتی دلئ وڑئ پکر و حیالان جولین وڑئ بستگی دارنت و پورہ ئن وڑئ پہ گجام خاسین لیڈرا انحصار نہ انت، ھما کہ پہ جھادئ دیمرئی دیگا القاعدہ و ای ڈل کہ شہ بنیادین بھران دیمرئی و جولین خیال و پکران بستگیت و یک وت واکین یونٹئ واووند انت۔ ایشی پکر کہ رندا شہ بغدادئ مرکا داعشئ موشکولی بیخی بند بیت یک باز مزنئن غلطئ حساب بیت۔ ادا ای مثالا داتگ کننت کہ بہ ۲۰۰۶ ابومعصب الزرقاوی شہ آمریکہ دستا کشتگ بوت پہ القاعدہ بہ عراق یک مزنئن تکانئ ات۔ ای ھما تنظیم انت کہ آی سروکیا الزرقاوی کرتیت۔ رندا شہ آی مرکا برزا عراق سونی آ کیو آی یعنی کہ القاعدہ عراق حلاپا اوستاتنت و ای ڈلا شہ شھر و الک و گیسان در کرتنت، گمہ رندا شہ آی ھم ای ڈل ختم نہ بوتیت۔ بہ ۲۰۱۱ اول سرا بہ سوریہ گیسیوین جنگا  ای کمانا ابوبکر اکبغدادی دیما برت و گیشتر ھونوار و پرواکتر کرتیت۔ و ھما نون داعش آی اس ناما دروست بیت کہ یک زمانگین شہ انچین حالتئ شئ عراق گئوستگنت، نون کہ داعش یک مزنئن تکانئ واریت کہ شہ دستئ سوریہ و عراقئ ھاک گپتگ بوتنت و نون بغدادی ھم کشتگ بوتیگت۔ دیگہ سیمئ ملک شہ ایشی کٹ گپتہ مُچین چیزانا باید نظم دینت و شہ ای حالتا رکینگئ کوشستا بینت۔ رازئ کہ القاعدہ گون ای اس وڑئ ڈلئ وتی ریشگانا، سک کرتیت دیگہ اگہ بہ ای بھرا کوتاھی کننت دیگہ بغدادی مرک بی فایدگ انت و بہ دھشت گردیئ حلاپا عالمین جنگ کم واک بیت۔ یک دیگہ ھبرئ را ھم  باید انت ھوشا دارنت کہ بہ سیما مزنئن مُلک ھم زمواری دارنت و گون وتی خاسین کٹان و پالسیان برز بنت بوستنت و بہ دھشت گردیئ حلاپا وتی حکمت عملانا تیار کننت۔ راستامین وڑئ یا گون واسطہ، کہ گون ای وڑئ ڈلان کہ دھشت گردیئ دیمرئی وج بنت چون ھندوستان یک سَکین و درائین مواقفئ بہ وت گرنت۔