سرگال:جموں وکشمیر او لداخ آ نوخیں دؤر ائے بنگیج

دوشی تکا ما ہماں ریاست آ جموں و کشمیر ائے نام آژ زانغئے سوں آں تاریخ ائے بازیں دپ آنی پیدا کھُزی آ اسا۔۱۸۴۶ آ جموں او وادی کشمیر آ یک پھجی آ ملائینغ وا برطانیہ ائے سرکار او ڈوگرا حاکم مہاراجہ گلاب شنگھ ائے نیمگا امرتسر منغ ائے نتیجہ اسا۔لداخ چکا ہمائی آر کسنیں تبت ائے
نام آژ دی پھجھارتھی آ رؤ ،جنرل زوراور سنگھ آ کھٹسغئے سا ہمائی آ پھدا آنہی آ ڈوگرا سلطنطت
آ اوار کھُزی آ شُزغئے سا۔ہمینگا ریاست جموں وکشمیر وجوت آ آتکا مگہ ۳۱ اکتوبر۲۰۱۹ آ ہمیں
ریاست آ رسمی ایں وڑا مرکز ائے بُنا انتظام دو ھَند آنی اندرا ونڈھسی آ شُزا۔لداخ پیسر ائے ریاست
ائے کسنیں بہر اسا آنہی آر مرکز ائے انتظام بُنا جاگاہ آ بدل کھنغ ہموزا ائے مڑدم آنی آپا یک سوکھڑی ثابت بیسا او یک مزن ایں عرصہ آژ لوٹھسی ایں آنہاں نی لوٹھغ پھیلو بیسا۔پیسر ائے ریاست جموں وکشمیر ائے ہمیں ہمالیاتی بہر ائے مڑدم آنی گوستی ایں پنجہ سال آنژ مطالبہ اسا
کہ ہمیں جاگاہ آ مرکز ائے انتظام بُنا داسی آ برؤ۔۱۹۷۰ ائے دہائی آژ شروع آ لاما لوب زینگ لداخ
آ بدھ مزہب ائے ہماں سروک آنژ اسا ہماں ہاں ہمیں جاگاہ آ مرکز ائے انتظام بُنا کھنغ ائے مطالبہ کھُزغئے سا ۔چنتی لداخی آنی ویچار ایں کہ جاگاہ ائے غریوی دیر کھنغ آپا اے یک ایکا دگ اسا۔
آنہاں نی ویچار اسا کہ ریاستی سرکار آنہاں نی ود او ترقی چکا ھچھ دھیان نہ دئے غئے ہمائی سبب
آژ ہموزا ترقی چھڑوئی آ نام ائے اسا۔ہمیں خاطرہ اے ھچھ حیرانی ائے ٹؤک نعیں کہ ہمیں جاگاہ
آ مرکز ائے بُنا انتظام ائے جاگاہ منغ آ پھدا ایزا ائے مڑدم آں باز وشی منائینتھا او ہمیں فیصلہ ائے
وشادگی کھُزیش۔ہموزا تکا جموں ائے تعلق ایں تہ ایزا ائے مڑدم آں دی فیصلہ ائے وشادگی کھُزا۔
اصل آ ریاست ائے خاصیں درجہ آسر کھنغ ائے مطالبہ سری ایں دھکا پنجہ ائے دھائی آ بنا کھُزی
آ شزغئے سا۔ہماں وخت جموں ائے پریجا پریشد پارٹی ائے سروکی آ یک نشان یک پردھان ائے
تحریک بنا بیسغئے سا ہمائی مقصد ہی کشمیر ائے خاصیں درجہ آ آسر کھنغ اسا۔گُڈا دی جموں کشمیر ائے نوخیں تنظیم کھُزؤ آنہی آ مرکز ائے بنا انتظام ائے جاگاہ آ ونڈغ ائے تجویز ائے وادی
ائے ہماں طبقہ آں مخالفت کھُزا ہماں کہ مراعات یافتہ اسا۔ھندوستان ائے بہر ائے ۷۲ سال آنی
پھدا جموں وکشمیر ائے کھُل رسمی ایں ڈؤل چکا دو بہر آ بہر بیسا،دوشی ھند ئے پیسر ائے وزیر
داخلہ سردار ولبھ بھائی پٹیل ائے ۱۴۴ می پیدا بی اغ ائے روش دی اسا۔ہمیں روش جموں وکشمیر
آ ریاست ائے بنا انتظام ائے دو جاگاہ رسمی ایں وڑا بہر کھنغ سردار پٹیل آ مزن ایں خراج عقیدت
پیش کھنغ ایں ہمائی ائے باز کوشست آنی سبب آژ ۷۰ سال پیشا مچھیں شاہی ریاست آنر یونین آف
انڈیا آ اوار بی غی اسا۔