سرگال : بہ جادھو معاملہ ء پاکستان شہ ویئنا کنوینشن آ حلاپ کنگ بوت۔

وتی مُلکئ حیال دارگئ بھرا لیڈر شہ عالمین کانونان احترام کنگا بوتہ و بری حیالا کہ انچین یک ھبرئ مہ بیت کہ بہ مُلکا مسخ بیگئ وج بیت۔ مگہ پاکستانئ بدکسمتی ایش انت کہ آئ مثبتین شبیہ بیگئ نیمگا گیشترکی لیڈرانی توجہ نہ انت و اگہ گجام لیڈرئ پاکستانئ مثبت بیگئ کوشستا کرتہ دیگہ شہ واکا پرینتگ بیت، سزا داتگ بیت و یک دنتان پروشین پسوئ گیت۔ پہ چہ کہ پاکستانئ ایسٹبلیشمنٹ شہ وت یک جیتائن پالسی دارنت و گون ای ھبران ھیچ سر و کارئ نہ دارنت کہ شہ ای وڑئ خدشہ آن پاکستان بدنام بیت۔ دیما ھم سیائگ شہ پاکستانا شکایت داشتنت و نون دیگہ مُلک و عالمین ادارہ ھم شکایت دارنت پہ امیشا بہ پاکستانئ حلاپا اینٹرنیشنل کورٹ آف جسٹس شکایت گجام تکان دیوکین ھبرئ پہ آوان نہ انت۔ ۳۰ اکتوبرئ ۲۰۱۹ اکوام متحدہ جنرل اسمبلئ رپوٹ دیما کنگا اینٹرنیشنل کورٹ آف جسٹس سربراہ قاضی عبدالقوی یوسف گشتیت کہ ھندوستانئ شھروند کُلبھوشان جادھو معاملہ پاکستان شہ کنوینشن آ حلاپ کنگا بوتگیت و عبدالقوی گشتگیت کہ ۱۷ جولائ ۲۰۱۹ بہ وتی فیصلہ پاکستان گشتگیت کہ کُلبھوشان جادھو ا مردکئ سزا دیگئ بھرا چمشانک کنگا بیت۔ مگہ پاکستان ای وڑا نہ کرتگیت، ایش ھندوستانئ ای ھبرئ گواہ انت کہ کُلبھوشان جادھوا مرکئ سزائ دیگا پاکستان انصاپ نہ کرتگیت پہ چہ کہ مقدمہ بہ پوجین کاروائی عدالتا بوتگیت و بہ بستگین درانی پھدا تسر بوتگیت و حتئ گون وتی مُلکئ سفارتکاران ھم دیستگ نہ کرتگیت و ایش ۱۹۶۳ ویئنا کنوینشنئ سراسر حلاپ کنگا انت و رندا ای معاملہ بہ ماینٹرنیشنل کورٹ آف جسٹس آ شوت۔ شہ پاکستانا ای امیت اتیت کہ بہ ای بھرا فیصلہ گون انصاپ بیت سرئ ایشی کہ پاکستان کُلبھوشان جادھوئ سزا بھرا پہ دوارگین چمشانک نہ کرتیت و اینٹرنیشنل کورٹ آف جسٹس و اکوام متحدہ جنرل اسمبلی ایشا گشتنت کہ انصاپ عمل بہ عالمین کانونا برابیر نہ انت و ای وڑا تائید بوتیت کہ ھندوستان حک گشتگیت۔ پہ راستی کہ پاکستان گون کُلبھوشان جادھو انصاپ نہ کرتگیت و نہ لوٹیت کہ کنت و ای سوج دیما کائیت کہ پہ چہ پاکستان نہ لوٹیت انصاپ کنت۔ یک بی گناھین کسئ را بہ دارا برابیر کنت و شہ ای کارا چی بہ دست آورتگ کنت پاکستان؟ پاکستانئ ای کار پہ ھندوستانئ بدنام کنگئ خاطرا استیت و لوٹیت ثابت کنت کہ ھندوستان دھشت گردین معاملہ ان و موشکولیان دست داریت و عالمین براسانی توجہ آ ای وڑا گردینیت پہ امیشا ھندوستان گشتگیت اپسر کَلبھوشان جادھوئ حلاپا چگلی و دھشت گردیئ کوشست کنگا انت مگہ بری مُچین کوشستان پاکستان سوبین نہ بوت۔ و پاکستان بہ وتی رہتارئ بدل کنگا تیار نہ انت۔ بہ اصلا پاکستانئ ایسٹبلیشمنٹانی دشمنی گون ھندوستانا ای وڑا انت پہ ٹپ رسینگئ وھدہ ھم ھندوستانئ ای ھبرئ حیالا نہ انت کہ پاکستان شہ کجا بہ کجا رسیت۔ تھانکا ھندوستان شکایت نہ داریت، اوگانستان و ایران و دیگہ مُلک ھم شکایت دارنت۔ آمریکہ گیشترین لیڈر پہ ایشی منگا مجبور انت کہ پہ آمریکہ دھشت گردیئ حلاپئ جنگا بہ اوگانستانا شہ مُچان مزنئن رکاوٹ پاکستان انت و آ انچو گون آمریکہ وتی دستا یکئ زانت مگہ شہ دستئ آمریکہ پوجی ھم کشتگ بنت۔ شہ مُچان مزنئن گواہ، ایبت آباد اوسامہ بن لادنئ موجودیت انت کہ شہ آمریکہ پوجیانی دستا کشتگ بوت۔ نون پہ اکوام متحدہ باسکین مُلکان یک وھدہ انت کہ بی گناہ انصاپ دینت و بہ پاکستانئ حلاپا کاروائی کننت ایشی احساسا دینت کہ بیدئ انصاپا شہ بنیادما ھیچ تصورئ بوتگ نہ بیت۔