سرگال: بہ عمران خان ھلاپا آزاتی ء مارچ۔ 

سرئ وزیر عمران خان ھلاپا آزاتی ء مارچ ۔ انچوش بنیادین وڑئ جمعیت العلمائ اسلام  نیمگا چُنت روچ دیمترا در بوتنت کہ سروکئ مولانا فضل الرحمن کنگا انت و آ دیگہ قائد مولانا سمیع الحق انت۔ مگہ مولانا فضل الرحمن ء ڈل مذھبین و اثرئ واووند زانتگ بیت۔ مولانا وت یک آچیشئ وڑئ بیان دیوکئ حساب کائیت و آی ای مذھبین جماعت بہ پاکستانئ سیاستا بہ وت گروکین کوتئ داریت۔ مولانا بہ کومین خاسین وڑئ موشکول انت و گیشترکی بہ واکئ سرئ جماعتانی پھانادا انت و پہ وت اھمین رولئ ھم بہ دست کاریت۔ وفاقین حکومت بہ کشمیری بھرئ کمیتہ درائین رولئ داشتگیت۔ جنرال پرویز مشرفی پوجین حکومت بہ ۲۰۰۲ پہ نامین گیچئن کارئ کہ کرتیت دیگہ بہ آی گیچئن کاریا پہ مین اسٹریمئن گلان پہ نمایندگئ دیگا کم شہ کم گرجویشن آ برابیر دیگرئ شرط اشتیت و شہ دیگہ نیمگئ مدرسہ آنی سندانا برابیر بہ گرجویشن منتیت کہ شہ ای وجا مذھبین جماعتانی کاندید بہ برزین کچانہ بہ پارلیمنٹا شوتنت و اپوزیشن لھتین تجربہ داروک شہ منجی بوتگین سیاستا زانتہ شہ گیچئن کارئ لڑگا محروم بوتنت۔ بری زمانگا مذھبین جماعت بہ یک متحدین سیاسین محاذ “متحدہ مجلس عمل” جور بوت۔ بہ ایشی شیعہ، سنی، دیوبندی، بریلوی یعنی مُچین ڈل ھور اتنت۔ بہ پارلیمنٹا خاسین اپوزیشنئ ڈلئ حیثیتا داشتنت بیدئ ایچی بہ صوبہ انی سیمسران کہ نوکین نامی خیبرپختون خواہ انت، بہ امیشی ای ڈل حکومتئ جور کرتیت مگہ رندا ای اتحاد پروشتیت، مُچین مذھبین جماعت پہ وت وتی ڈلان شوتنت۔ بہ ۲۰۰۸ سالا وھدہ کہ جمھوریت بناہ بوتیت، دیگہ مین اسٹریمئ گلان، پھدا بوتہ و مذھبین جمعیت مولانا فضل الرحمن، جمعیت العلمائ اسلام بہ سیاستا شہ مُچان موشکول انت و چُنت روچ دیمترا بہ عمران خانی حکومتئ حلاپا، آوانی “ آزاتی ء مارچ” شہ کراچی بناہ و شہ سیندھ و پنجاب بہ اسلام آباد رستگیت، بری مارچ آ مین اسٹریمئ گلانی نیمہ داریا داریت و ایش شہ عمرانی خانی مُچین لوٹگان بیدئ استعفئ لوٹوک بوتگیت۔ عمران خانی حکومت بہ لھتین شرایطئ سیائگا پہ گپ و ترانا وتی تیاریا درا کرتیت، مگہ دو راونڈ گپ و تران بی نتیجہ منت۔ شہ رپوٹانی دیما، عمران خان وتی دپاع وزیر پرویز خٹک، وتی ڈلئ سربراہ مقرر کرت و گون اپوزیشنئ ڈلان پہ گپ و ترانا زموارئ داتیت۔ شہ اکسپرس ٹریبیون نش نز آورتگین معلوماتانی دیما عمران خان وتی ڈلئ کسانا شہ ایشی سی کرتیت کہ استعفئ دیگئ لوٹگا اشتہ و بہ گیشترین لوٹگانی منگا تیار انت۔ پرویز خٹک گشتیت کہ حکومت بری راہ پہ حلئ پٹ و پولئ کوشستا انت، چیزئ کہ دو نیمگ سرئ تپاک کننت بہ آی خیالا گپ و تران بہ شرّین ماحولئ بناہ بوتیت، مگہ حال ایش کہ دو نیمگ شہ وتی اوشتاتگین مواقفا پہ یک نیمگ بیگا تیار نہ انت۔ پہ امیشا گپ و تران دومئ دور ھم بی سوب منت۔ بہر حال احتجاج رادگ انت و گون مولانا فضل الرحمن گون ھزاران ھزار احتجاج کنوک کہ گیشترکی تعلیم گروک مدرسہ انی انت، و استاز و نیمہ داریش ھم گون انت مگہ شہ بانوکان ھیچ نمایندگئ نہ دارنت مولانا فضل الرحمن عمران خانی گیچئن بوتگین سرئ وزیریا منگا نہ انت۔ پہ امیشا شہ پاکستانئ پوجی تنقیدا ھم تکانئ نہ وارت، ھال ایش کہ مولانا و دیگہ مذھبین گلانی لیڈر شہ پوجئ تنقیدا تروسنت۔ مولانا گشیت کہ عمران خان شہ عواما ووٹ نہ برتگیت بلکہ آی را پوج سلکٹ کرتگیت۔ ای الزام تاناکا مولانائ نہ بلکہ پاکستانئ پیپلز پارٹی ورنائن سربراہ بالول بھٹو زرداری ھور دیگہ اپوزیشنئن گلان آی را الکٹیڈ نہ بلکہ سلیکٹید بوتگین سرئ وزیر زاننت۔ وزارتئ عزمائ سرا سوج بال آورتگیت، چیزئ گشتگ نہ کننت کہ شہ ای احتجاجا چی بہ دست کائیت مگہ عمران خان بہ وتی جیندئ دامئ تھا کپتگیت، کارئ کہ بہ ۲۰۱۴ گون نواز شریفی حکومتا کرتیت و درائین وڑئ پہ پوجا گشتیت کہ نواز شریفا شہ واکا یک نیمگا کننت