سرگال: سری لنکائ نوکین حکومت، ھند و سری لنکائ بستگی۔ 

ھال انت کہ بہ مئ ھم پلّین مُلک، بہ سری لنکا بہ سدارتین گیچئن کاریان گوت بایا راجپکسہ نوکین سدر گیچئن بوتگیت و گون گیشترئ بہ دست آرگا سوبین بوتگیت و شہ نتیجہ کچانہ جتگ بیت کہ جالئ سیما سنھالی گیشتری پہ آی بہ برزین کچانہ ووٹ داتگنت، وھدہ کہ بہ جالئ روچ دراتئ سیمان، ٹامل و مسلماںین براس گیشترکی بہ آی حلاپا رائ داتگنت مگہ بہ جمھوریتا ھمی وڑا بیت و ھر مُلک، ھر سماجئ آوانی جیندئ گیسویین معاملہ ایش انت و بہ واکئ سرئ حکومت شہ ای ھبرانی سرا اوستاتہ و مجموعین وڑئ پہ وتی مُلکئ دیمرئی و وشھالئ سرا توجہ دنت۔ موجودین قیادت سری لنکائ پہ عواما ای پیگاما درائین وڑئ داتگیت کہ آی پہ مُچین نسلین ڈلان گھیترین زندئ برابیر کنگا کار کننت، ھندوستان ھم سیائگئ وڑا شہ سری لنکائ حکومتئ امنئن انتقال بیگا و شہ نوکین حکومتا وش آتگی کرت و امیت درا کرتگیت کہ دوکین مُلکانی بستگی معمولین وڑئ گھیتیر بیت و دو نیمگین کوت داریا دیمرئی دیگا بنت۔

بہ سری لنکا، شہ تچکین وھدہ گیسویین جنگ اتیت و اودا حکومت لیبریشن ٹایگر آف ٹامل ایلم یعنی ال ٹی ٹی ایی  گون ٹامل آن گر و لانچ و دست و زنچک اتیت، دیگہ بہ آ وھدہ نوک گیچئن بوتگین حکومت یعنی سدر گوت بایا راجپکسہ بہ آ وھدہ دپاع وزیرئ حیثیتا وتی زمواریانا دیما برت۔ وھدہ کہ آی براس مھیندا راجپکسہ اودان سدر اتیت و گیسویین جنگئ گڈین مرحلہ رادگ ات، مگہ نون گوت بایا سدرئ وڑا پہ دوارگ آتگیت چون ھندوستانئ وڑا سری لنکا ھم گون شہ یک لوڈین سماجئ نمایندگی کنگا انت۔ ای وڑی سماج تکثیریت و تکثیریت پسندیئ مبنا استیت۔ جمھوریت سوسایتی یک نیمگا، جمھوریتئ معاشئ پر واک کنگ انت۔ امیت انت کہ سری لنکائ نوکین حکومت تکثیریت پسندیا نہ تھانکا سک کنت بلکہ آی را دیمرئی دنت۔ دیم  شہ گیچئن کاریا، آ ھندئ حکومت کہ بہ واکا اتیت، شہ یک اتحادین حکومتئ جور بوتتیت کہ سروکئ میتریپالا سریسینا و رانیل ویکرم سینگہ کنگا اتنت۔ درا انت کہ پروش و سوب یک دلیلی داریت، شہ دیمترئ پروشا و نوکین بہ واک آیگئ باروا ھر حلقہ وتی قیاسا داریت وتی جایز بیگا کہ بہ آی باروا چُنت روچ بہ میڈیا بحث رادگ انت۔ بہ آ وھدہ بہ نوکین حکومتی دیما چلینجان و امیت و تما دارگئ باروا جایزین وڑئ ادارہ و ھالتاک بحث کنگا انت۔ دیمئ حکومتئ پروشئ وجئ باروا عامین وڑئ ای تاثرا نشان داتنت کہ حکومت بہ اکتسادین بھران شرین عملئ شہ وت نشان نہ داتگیت و ای وڑا بہ سیکورٹئ بھران ھم شرّین انتظامئ چندان سوبین نہ بوتگیت۔ شہ ایسٹر سندئ گندگین ترکگئ وجا، بری مُلکا ناگوارین اثر اشتیت و بہ سماجا سَکئ ماحولا سَک کرت، مُچین نسلین ڈلانی نیاما یکئ آ دیگرئ سرا شک و شبہ ودی کرتنت۔ بہر حال ای وڑئ جالئ و برزی بہ ھر مُلکئ کائیت کہ گیشترکئ کنٹرل کنگا بنت، سری لنکا جمھوریت حیثیتا شہ ای وڑئ حالتان پہ دیمگیری آ پورہ ئن صلاحیتا داریت۔ ھندوستان شہ اولی روچا  ای پالسیا داشتگیت کہ گون ھم پلّین مُلکان شرّین بستگئ دیمرئی دیگا لوٹیت کہ ھور گون آی ڈنئ پالسئ یک ٹوکورئ ھم استیت۔ بہ ھیچ مُلکئ گیسویین کاران دست ماندیگا نہ لوٹیت و بہ سری لنکائ بھرا ھم ھمی وڑا انت۔

پہ امیشا گیچئن بوتگین نوکین حکومتئ سدرا ای یقین آ دیگا انت کہ گون نوکین حکومتا پورہ ئن وڑئ تعاون کنگا بیت، تا کہ ای دو مُلکانی بستگی بہ وت خولوکان برسنت۔ امیت دارنت کہ گوت بایا راجپکسہ بری مائ آخرا شہ نوکین دھلی دورہ بکنت و ای تاریخ نومبرئ ۲۹ استیت کہ آوان پہ دورہ کنگا بہ نوکین دھلی اتنی انت۔

سری لنکا یک آزات و وت واکین مُلکئ انت، گون ھر مُلکئ کہ وتی بستگیا دیمرئی دنت و دیمرئی داتگ کنت، ھندوستان گون ایشی گجام سکی نہ داریت، دو نیمگین بستگی اگہ یقینین وڑی دیمرئی کنت پہ یک آ دیگرئ سیکورٹین معاملہ ان ھم جوان انت۔