سرگال:سری لنکا آ نوخیں سرکار اوھند سری لنکا سیال داری

نی ایں روش آں ہمسائیگ ملک سری لنکا اندرا صدارتی گچین کاری بیسا او گوت بابا راج پکسے نوخیں صدر گچین بیسا ۔آں اکثریت آگو سروکی چکا آتکا او نتیجہ آنژ اٹکل بی کہ برز جاگاہ آنی سنہالی اکثریت آ آنہی آ مزن ایں تعداد آ ووٹ داسغاں درگتہ کہ جال او رودرات آ تمل او مسلمان اقلیت آ آنہی حلاپ ووٹ ماکھُزا مگہ جمہوریت اندرا اینگا بی آنا رؤ او ہر ملک ائے اے جند ائے مسلہ بی۔گُڈا دی سروکی چکا آتکغیں سرکار ہمیں ٹؤک آنژ بُڑزا بیسؤ وتی ملک ائے ود او ترقی چکا دھیان دا  ۔نی ایں سرکار آ سری لنکا ائے عوام آ اے صاف ایں پھیغام داسا کہ آں مچھیں نسلی ٹلہ آنی ود او ترقی آپا کار کھنت۔ھند آ ہمسائیگ بی اغ ائے وجہ آژ سری لنکا آ بی اغ والا ایں سرکار ائے پرامن بدلاؤ او نوخیں سرکار ائے وشادگی کھُزا او امیت پدھر کھُزئی کہ ہڑ دوکین ملک آنی سیال داری وشتر بی او نیامغی ایں سنگتی او تعاون گیشتر بی۔سری لنکا یک مزن ایں عرصہ تکا
خانہ جنگی ائے شکار رہسا ۔ہماں وخت ہموزا ائے سرکار لیبرشن ٹائیگر آف تمل ایلم یعنی ایل ٹی ٹی ای آگو  دست گریباں اسا تہ آں وخت نوخیں گچین بیسغیں صدر گوت بابا راج پکشے ہموزا ائے
دپاعی ایں وزیر اسا درگتہ کہ آنہی براس مہندرا راج پکشے ہموزا ائے صدر اسا۔ہماں وخت خانہ جنگی ائے آخیری ایں مرحلہ جزغئے سا ۔مگہ نی گوت بابا صدر بیسؤ گڑتھؤ آتکا ۔ھند ائے وڑا
سری لنکا اندرا دی جتا جتا قوم آبات آں اینگے سماج تکثریت او تکثریت پسندی چکا مبنی بی۔
امیت ایں سری لنکا ائے نوخیں سرکار دی تکثریت پسندی آ نہ چھڑوئی قائیم ایر کھنت بلکہ آنہی آ
گیش دی کھنت۔گچین کاری آژ سرا ہماں سرکار ہموزا سروکی چکا اسا آں یک اتحاد ائے ملا جُلا ایں
سرکار اسا ہمائی سروکی میترا پالا سری سینا او رانل وکرما سنگے کھنغئے سا۔پدھر ایں کہ سوب مندی او ناسوبی ائے چھی اے سبب بی۔گوستی ایں سرکار ائے ناسوبی او نوخیں سرکار ائے سروکی چکا آئیغ ائے بارو آ جتا دھُر آنی وتی ٹؤک او جائیزہ دی بی آں ہمائی چکا میڈیا آ چھی اے روش آنی تکا بحث جُزتھا۔اے وخت دی نوخیں سرکار آ دیما چیلنج او آنہی آگو جڑسی ایں امیت آنی
بارو آ جائیزہ او اداریہ اخبار آنی خاصیں ٹک آں۔ھند ائے اولی ایں روش آژ اے پالیسی رہسا کہ آں
ہمسائیگ ملک آنگو وشتر سیال داری ایر کھنت۔پھجی آ ہی آنہی ائے ڈن ائے پالیسی ائے یک بنیاتی
ایں عنصر اے رہسا کہ ھچھ دی ملک ائے اندری ایں مسلہ آ ھچھ وڑ ائے مداخلت نہ کھُزی آ رؤ۔گوستی ایں سئے شمبھے اے روش ھند ائے ڈن ائے وزیر ایس جے شنکر کولمبو شُزا او نوخیں صدر آگو بیٹھک کھنت۔امیت ایں گوت بابا دی ہمیں ماہ ائے ۲۹ تاریخ آ ایزا کھائے۔ہڑ دوکین ملک
آنی نیمگا سیال داری دی باور آگو گیشتر بی۔