سرگال:کالا پانی ائے مسلہ

ریاست جموں و کشمیر آ مرکز ائے انتظام بُنا دو جاگاہ آ ونڈسؤ ھند آ یک نوخیں نقشہ خط جاری کھُزا۔ہمیں نقشہ خط ائے جاری بو اغ آ پھدا ہمالیاتی جاگاہ آ ریاست اترا کھنڈ ائے پتھوڑا ضلع آ ھند،نیپال او چین ائے تراہہ چکا واقع کالاپانی جاگاہ چکا کنترول ائے مسلہ یک وار پدوارغ کھڑو بیسا ۔نیپال ائے دعوی ایں کہ کالاپانی ائے یک بہر او آنہی آژ جڑسی ایں چھی اے جاگاہ آنہی ائے آں۔درگتہ کہ نوخیں دلی آ نوخیں نقشہ خط اندرا آنہی آ وتی جاگاہ ڈسسا۔کالا پانی ائے تنازعہ باز کہنین ایں ۔اے ہماں وخت آژ جزغیں ہماں وخت ۱۸۱۶ آ نیپال ائے راجا او ہماں وخت ائے برطانوی ھند  ائے نیمگا تاریخی سگولی منغ نامہ بیسغئے سا ۔منغ نامہ آ مہاکالی ندی آ ہڑ دوکین ملک آنی نیمگا یک باؤندری منسی آ شزغئے سا،مگہ اے نہ ڈسسی آ شُزا کہ اے ندی تھاں ھند آژ درا بی غیں
مگہ پھدا جنرل آف برٹش انڈیا ائے وٹاژ ہماں کہ نقشہ خط جاری کھُزی آ شُزا آنہی اندرا صاف لپظ آنی  اندرا کالاپانی،لیپو لیکھ او لمپا دھرا جاگاہ آنرھند ائے بہر ڈسسی آ شُزادرگتہ کہ نیپال مہاکالی ندی ائے بنگیج آژ ہی ہمیں جاگاہ آنی چکا وتی دعوی پیش کھنت۔کھٹمنڈو ائے دعوی ایں کہ آنہی ائے رونشت دارچلا ضلع آ واقع کالا پانی ائے مسلہ تنک حل نویسا۔ھند آ وتی نوخیں نقشہ ہمیں سال
دو نومبر آ جاری کھُزغئے سا ۔آنہی جاری بی اغ آ پھدا آژ ہی نیپال ائے بنجہ کھٹمنڈو آ آنہی حلاپ
احتجاج بی غیں او آنہی اندرا بدلاؤ ائے مطالبہ کھُزی آ رؤغیں ۔نیپال ائے ڈن ائے وزارت آ یک بیان اندرا گوشتا کہ کالا پانی نیپال ائے یک بہر ایں ۔آنہی جواب آ ھند ائے ڈن ائے وزارت آ صاف کھُزا
کہ ھند ائے وٹاژ جاری کھُزی ایں نوخین نقشہ خط اندرا ھند ائے ود مختار جاگاہ آ دیستی آ شُزااو
آنہی اندرا نیپال ائے پھجی آ وتی سیماں آ ھچھ بدلاؤ نہ کھنت۔نیپال ائے سروزیر کے پی اولی آ ہمیں
مسلہ چکا یک کھُل پارٹی طلب کھُزا ہمائی اندرا نیپال ائے سرکار آر گوشتی آ شُزا کہ آں سفارتی زرائیع ٓنی استعمال کھُزؤ ھند ائے پھجی آ ہمیں مسلہ آ حل کھنغ آپا گام زیری۔بیٹھک اندرا واجہ اولی
آ زور داسؤ گوشتا کہ نیپال وتی جاگاہ ائے یک انچ دی کھسے آر نہ دا مگہ آنہی آ اے دی گوشتا کہ
آنہی سرکار ھند ائے پھجی آ ہمیں مسلہ آ حل کھنغ آپا دو نیمغی ایں گپتران کھنغ ائے کوشست کھنت۔
۲۰۱۵ آ سروزیر نریندر مودی ائے بیجنگ دؤرہ ائے نیمگا لیپو لیکھ درہ ائے ترقی آپا چین او ھند
ائے نیمگا ہماں کہ منغ نامہ بیسا آنہی چکا دی نیپال آ ہمیں وڑ ائے اعتراض درا کھُزغئے سا۔
نیپال آ ہمیں مسلہ چکا ڈن ائے سیکریتری سطح ائے بیٹھک ائے دی مطالبہ کھُزا۔نیپال ائے سرکار آ
کالا پانی ائے تاریخی اصلیت ائے بارو آ زانغ آپا یک ٹاسک فورس دی ٹھائینتھا۔اشی آ ھچھ گمان نعیں کہ کالا پانی ائے مسلہ ھند او نیپال ہڑ دوکین ملک آنی نیمگا یک حساس مسلہ ایں مگہ مارا
نا امیت بی اغ ائے ضرورت نعیں پھرچھے کہ دوایں ملک آنی سیماں ائے جائیزہ ائے بارو آ ٹیم
کار چکا مان آں او امیت ایں کہ مسلہ آ شَر ایں وڑا حل کھُزی آ برؤ۔