سرگال:لیبر پارٹی ائے جلیا والا باغ دپ چکا معافی لوٹھغ ائے وعدہ

جلیا والا باغ ائے دپ مچھیں جہان او خاصیں وڑا ھند ائے تاریخ آ حون ائے روژنائی آژ لکھسی آ شُزا۔ہمیں ہونی دپ ائے سد سال پورا بیسغاں مگہ مڑدم آنی دل آژ آنہی دڑد آگو پھُر یات نی دی نوخیں ایں۔۱۳ اپریل ۱۹۱۹ آ پنجاب ائے شہر امرتسر آ جلیا والا باغ آ بیساکھی منائینغ آپا جوڑ بیسغیں مڑدم آنر برطانوی سرکار ائے یک سغر چھرسی ایں اپسر ائے حکم چکا تیر جھزؤ کُشتی آ شزغئے سا ۔ہمیں دپ چکا مچھیں جہان ششدر بیسغئے سا ۔اے ہچھ معمولی دپ نیا ہمائی آ کہ شمشتی آ برؤ ۔آنہی آ گیر ایر کھنغ ہمیں خاطرہ دی ضروری اسا کہ مڑدم ہمیں ردین دپ آژ نفرت کھناں او آؤخیں روش آنی اندرا اینگے ھچھ دی دپ ائے حلاپ بی آں۔سد سال آنی پھدا دی مڑدم ہمیں ظلم ائے بدگوشی کھنغاں۔برطانیہ ائے اپوزیشن لیبر پارٹی آ وتی گچین کاری منشور آ وعدہ کھُزا کہ
اگر آں سروکی چکا آتکا تہ جلیاوالا باغ دپ چکا ھند سرکار آژ معافی لوٹھی ۔نی تکا برطانوی سرکار آ ہمیں دپ چکا معافی کھدیں دی نہ لوٹھسا ۔پیسر ائے سروزیر تھریسامنے آ برطانوی ھند ائے تاریخ چکا یک شرمناک داغ منسغئے سامگن آنہی آ رسمی ایں ورا تنک معافی نہ لوٹھسا ۔ہمیں دپ چکا ہر ھند ائے مڑدم اندرا باز تیش ایں ھند ائے عظیم ادبی مڑدم رابندر ناتھ ٹیگور آ ہمیں دپ ائے حلاپ احتجاج آ برطانیہ ائے وٹاژ داسی ایں ِسر ائے خطاب گڑدینتھؤ داسغئے سا۔آنہی آ دکھی
ھندوستانی آنی پھجی آ وتی گون بی اغ ائے باور دیائینغ آپا اینگا کھزغئے سا ۔نی درگتہ کہ برطانیہ
ائے سرکار آ ہمیں دپ چکا دکھ آ پدھر کھُزؤ سروکی چکا آئیغ آ پھدا معافی لوٹھغ ائے وعدہ کھُزاتہ
اے یک وش آئید ٹؤک ایں ۔اشی آژ سد سال سرا مان آتکی ایں ٹھپ تہ پُر نوی آں مگہ اشی آژ ڈڑد
چھی اے گھٹ ضرور بیس بی۔اے دپ ہماں وخت اے غیں ہماں وخت ھند برطانیہ ائے نو آبادیاتی
اسا او ھند آجو نیا ۔ہمیں سبب ایں کہ ہماں وخت مروشی ائے مقابلہ حالت بالکہ جتا اساں۔اے وخت ھند ائے آجوئ آ ۷۲ سال آنژ گیش ائے عرصہ گوستا ۔نی برطانیہ وضہار جمہوریت ائے منوخ او
مڑدمی حق آنی علمبردار گُشی۔جہان اندرا نی حالت باز بدل بی غاں ۔مڑدم جبر او تشدد آ نا پسند
کھناں او ہموزا ہموزا ہمیں وڑ ائے دپ بی مچھیں جہان آ آنہی حلاپ آواز بلند بی ۔مڑدم نی ہاغ بی گاں او آنہاں گوستی ایں وخت ائے دپ آنژ سبق زڑتھؤ آؤخیں روش آنی اندرا آنہی آ آسر کھنغ ائے
زمہ واری گتا۔ھند ائے عوام یک امن لوٹھوک ایں ۔آنہاں صدی آنژ ظلم آ دیما کھُزا۔مروشی ھند آ
وضہار ہمیں لائیق کھُزا کہ مڑدم وتی غلطی آنر مناں بہر حال لیبر پارٹی ائے ہمیں معافی لوٹھغ ائے
فیصلہ وشادگی ائے لائیق انت۔