سرگال:جی بیست ڈن ائے وزیر آنی بیٹھک مان جاپان آ

جی بیست یک اینگے فورم ایں ہمائی اندرا جہان ائے بیست ترقی کھزغیں او ترقی پزیر ملک اوار آں ۔جمائی ائے یورپی یونین دی یک باسک ایں ۔اوساکا آہمیں سال جان ائے آخیر آ ٹلہ ائے چھیاردہ می سروک آنی کانفرنس ائے مزمانی کھنغ آ پھدا جاپان آ نی ایں روش آں ناگویا شہر آ ٹلہ ائے ڈن ائے وزیر آنی بیٹھک ائے مزمامی کھُزا۔ہمیں بیٹھک آ ڈن ائے وزیر ایس جے شنکر آ ھند ائے نمائیندگی کھُزا۔ہمیں بیٹھک آ نی ایں بین الاقوامی حالت او عالمی مندی چکا داس گپت کھُزی آ شُزا۔
بیٹھک آ پھدا جاپان ائے ڈن ائے وزیر آ ہماں کہ بیٹھک ائے واگ داروخ دی اسا حوال کار آنر ڈسسئی کہ جی بیست ائے ڈن ائے وزیر آں ہماں ٹؤک آنگو ہم صلاح بیسغاں کہ عالمی سؤداگری تنظیم ائے اصلاح ائے یک دم ضرورت ایں ۔تاکہ اے چنتی مسلہ آنر حل کھز کھنت ۔باسک ملک اے دی لوٹھاں کہ تنظیم آ جھیڑو آنر حل کھنغ آپا ہماں کہ میکینزم درا کھُزا آنہی اندرا دی وشتری آڑتھی آ برؤ۔ہمیں موضوع آ اوساکا آ سروک آنی بیٹھک ائے نیمگا دی کھڑو کھزی آ شزغئے سا۔واجہ موتیگی آ  جار جھزا کہ مجزوزہ ایشیا بحر الکاہل آجو سؤداگری منغ نامہ چکا گپتران آ اگا کھنغ ائے فیصلہ کھزی آ رؤ۔ تاکہ آنہی چکا حتمی فیصلہ بیس بی۔بیٹھک ائے نیمگا ڈن ائے وزیر آں ھچھ خاصیں نوخیں مسلہ آنی چکا ہم صلاحی آپا زور نہ ماکھُزا۔مروشی آژ سئے سال پھدا یعنی ۲۰۲۲ آ ھند آ جی بیست  سروک آنی بیٹھک ائے سروکی کھنغ ائے اعزاز ملسا۔نی درگتہ کہ نوخیں دلی آ ہمیں زمہ واری داسی آ شزا ۔جہان ائے مزن ایں معاشی ادارہ آنی نیاہ ھند چکا مان بی آں ۔ہماں کہ
عالمی معیشت آ ترقی ائے دگ چکا آرغ آپا جی بیست ائے ایجنڈہ آ تھانگا اگا کھنت ۔جی بیست ائے قیقم ۱۹۹۹ آ عمل آ آتکغئے سا۔بنگیج آ اے مالیاتی وزیر او مرکزی بینک ائے گورنر آنی یک فورم اسا۔مگہ ۲۰۰۸ آ عالمی مندی آژ شر ایں وڑا دیما کھنغ آپا آنہی آ سروک آنی فورم کھزی آ شزا۔
ہماں وخت آژ اے بین الاقوامی معاشی تعاون آپا یک عالمی فورم ائے وڑا کار کھنغیں ۔جی بیست ائے باسک جہان ائ
کھُل لوغی ایں پیداوار ائے نزیخ ۸۵ پیصد بہر ائے نمائیندگی کھنت۔اشی علاوہ جہان اندرا ہمیختر دی سؤداگری بی آنہی آ ۷۵ پیصد بہر آنہاں نی ایں ۔جی بیست بیٹھک آ ھند آ قومی او بین الاقوامی مسلہ آنی اندرا وتی ویچار پیش کھنغ آپا یک شر ایں موقع داسا ۔