سرگال:برطانیہ اندرا وخت آژ سرا یک جائیزہ

وتی بریگزٹ منصوبہ آر لاگو کھنغ آپا پارلیمانی اکثریت گرغ آپا برطانیہ ائے سروزیر بورس جانسن آ وخت آژ سرا دوازد دسمبر آ عامین گچین کاری کھنائینغ ائے جار جھزا ۔اے گچین کاری گوستی ایں پنچ سال آی اندرا چھیارمی دھکا بی غاں ۔اے گچین کاری بورس جانسن ائے روگا ہمیں تعطل آژ درا درکھوغ آپا ایکا دگ ایں ،ہموں کہ ۲۰۱۶ آ بریگزیٹ ریفرینڈم آ پھدا آژ جزغیں ۔وخت
آژ سرا گچین کاری ۲۰۱۷ آ بیسغئے ساں ہماں وخت تھریسامے ملک ائے سروزیر اسا ۔ہمیں گچین
کاری آ کنزرویٹو پارٹی اکثریت گرغ آ ناسوب رہسا ہمائی سبب آژ آنہی آ سروکی چکا رہغ آپا ڈیموکریٹک یونین اسٹٹ پارٹی ائے حمایت گرغی یسا۔اے وخت گچین کاری عمل سئے می ہپتغ آ داخل بیسا او گچین کاری ائے بارو آ ہماں کہ اپنین پول کھنائینتھی آ شزغاں آنہاں نی روگا کنزرویٹو پارٹی آر لیبر پارٹی چکا ۱۹ پوائینت آگا ایں ۔اے وخت کھُل ووٹ آنی ۴۷ پیصد بہر کنزرویٹو پارٹی ائے حق آ ایں۔درگتہ کہ لیبر پارٹی آر ۲۸ ،لیبر ڈیموکریٹس آر دواز او بریگزیٹ پارٹی آر چھڑوئی آ
۳ پیصد ووٹ ملسغاں۔ملک ائے مچھین مزن ایں پارٹی آں وتی گچین کاری منشور اندرا اے وخت ائے سجوں آنژ خاصیں موضوع بریگزیٹ آ اوار کھُزا۔ او ہمیں مسلہ چکا وتی ویچار آنر پدھر کھُزئی۔کنزرویٹو پارٹی وتی مچھین گچین کاری عمل آنی اندرا بریگزیٹ ائے ٹؤک کھنت۔او وتی ہمیں عہد چکا قائیم ایں کہ آں برطانیہ آ یورپی یونین آژ جتا کھنت۔اے پارٹی جنوری ائے آسر بی اغ تکا برطانیہ آر یورپی یونین آژ جتا کھزؤ یک نوخیں برطانیہ آر ٹھائینغ آ لوٹھغیں۔پارٹی ائے گشغ ایں
کہ آں برطانیہ آر یورپی پونین آژ درا گندغ آ باڑہ ایں تاکہ ملک ائے عوام وا وتی اسکول پوولیس او این ایچ ایس آ سرمایہ کاری کھُز کھنت۔لیبر پارٹی ائے وٹاژ نی ایں روش آں جاری گچین کاری منشور اندرا پارٹی لیڈر جیرمی کاربن آ گوشتا کہ آنہی پارٹی شش ماہ آنی اندرا بریگزیٹ ائے مسلہ حل کھنغ کھنت او آنہی آ آخیری ایں پیصلہ عوام ائے بی۔عوام طئے کھنت کہ آیا یورپی یونین آ رہغ بی یا نہ۔گُڈا دی یک دیگر موقع چکا لیبر پارٹی لیڈر آ گوشتا کہ اگر آنہی پارٹی آ گچین کاری آ کھٹسا تہ آں برطانیہ ائے یورپو یونین اندرا رہغ یا نہ رہغ ائے بارو آ ھچھ مہم چالو نہ کھنت۔سروزیر بورس جانسن آ وخت آژ سرا گچین کاری کھنائینغ ائے جار جھزؤ یک خطر دیما کھُزا او مالیاتی ایں وزیر رشی سوناکس ائے بیان آ کہ اگر کنزرویٹو پارٹی آ گچین کاری آ کھٹسا تہ ھچھ منغ نامہ آ بغیر برطانیہ ائے یورپی یونین آژ جتا بی اغ ائے تیاری جُزی۔