سرگال:جنرل باجوہ ائے مدت کار گیش کھنغ چکا ناوشی

پاکستان ائے مزن ایں عدالت آ سئے شمبھے ائ روش ہماں سمری آ معطل کھُزا ہمائی آ سروزیر عمران خان آ پؤج ائے سروک جنرل باجوہ ائے مدت کار آ سئے سال آنی آپا گیش کھنغ آپا ۱۹ اگست آ جاری کھزغئے سا ۔۵۹ سال آنی جنرل آ ہمیں ماہ ائے ۲۸ تاریخ ّ نیم شف آ ملازمت آژ ہٹغی اسا مگہ مزن ایں عدالت آ آنہی مدت کار آ گیش کھنغ آپا یک مقدمہ ائے سماعت کھزؤ آنہی آ شش ماہ ائے مشروط توسیع داسا۔مزن ایں عدالت آ گوشتا کہ سرکار ّ اے باور دیائینغی بی کہ پارلیمان ہمیں
بارو آ یک قانون نافز کھنت۔مزن ایں قاضی آسف سعید کھوسہ ائے سروکی آ یک سئے نفری بینچ آ
اے فیصلہ قانونی او انتظامی بنشت چکا اش کھنائینتھا۔عدالت آ گوشتا کہ ہمیں مسلہ آ مچھین عمل آ
برباد کھُزی آ شزا۔مزن ایں عدالت ائے ہمیں ریمارکس ائے سبب آژ سروزیر عمران خان او صدرعارف آ باز خفت دیما کھنغی بیسا ۔عدالت آ گوشتا کہ جنرل باجوہ ائے مدت کار ّ توسیع آژ متعلق تجویز سرا آژ کابینہ اندرا منظور بی غی اسا ۔کابینہ ائے منظوری آ پھدا ہی سروزیر او وزیر
مملکت آنہی چکا کاروائی کھز کھناں ۔میڈیا ائے حبر آنی روگا ۲۵ وزیر آنژ چھڑوئی آ یازد وزیر
آں ہمیں تجویز آ منظوری داسغئے سا۔عدالت آ اے دی گوشتا کہ پؤجی ضابطہ آ لپظ توسیع است دی نعیں او نہ ہی پؤج ائے سروک ائے مدت کار ائے بارو آ ڈسسی آ شزا۔مزن ایں عدالت ائے فیصلہ
آ پھدا عمران سرکار حرکت آ آختؤ شزا۔یک دم کابینہ ائے بیٹھک طلب کھزی آ شزااو سری ایں سمری ماتل کھنغ آ پھدا پاکستان ائے ڈیفنس سروسز رولس آ سرکار آ جاگاہ آ سلامتی ائے حالت آ جنرل باجوہ ائے مدت کار آ گیش کھنغ ائے وجہ منسا۔مگہ سوال اش انت کہ چھے جنرل باجوا ائے سئے سال آنی توسیع ائے ہمیں راستیں وجہ ایں ؟
آنہی آژ سرا پاکستان ائے مزن ایں عدالت آ پؤج ائے حلاپ ہمیں وڑ ائے فیصلہ اش نہ کھنائینتھا۔اگر
گوستی ایں روش آں آنہی آ چھی اے کھُزا دی تہ چھڑوئی آ اے گوشتؤ پؤجی بگاوت آنر وتی منظوریداسا کہ سول سرکار ائے ناسوبی ائے سبب آژ اینگے گام ضروری اسا۔نائین الیون ائے پھدا
مزن ایں عدالت آ نہ چھڑوئی آ جنرل پرویز مشرف ائے ماروائے آئین عمل آنر منظوری داسا بلکہ
آئین آ بدلاؤ کھنغ او گچین کاری کھنائینغ آپا آنہی آ سئے سال ائے وخت داسی آ شزا۔عدالت ائے ہمیں
وڑ ائے فیصلہ آنی وجہ آژ پکستان ائے پؤج ملک چکا مزن ایں عرصہ تکا راج کھنانا پھیزاغیں۔جنرل باجوہ ائے مدت کار آ توسیع ائے حلاپ اے دلیل داسؤ پشاور ائے مزن ایں عدالت آ دی یک پٹیشن داخل کھُزی آ شُزا کہ آں احمدیہ فرقہ ائے غیں ۔پاکستان اندرا احمدیہ فرقہ آ اسلام ائے دائیرہ آژ درا منسی آ رؤْ،نی گندغی اش انت کہ مزن ایں عدالت ہمیں درخواست چکا چھے کھنت۔