سرگال:پاکستان آ جہاد او دھشت گردی آژ جتا وتی شناخت قائیم کھنغ ائے ضرورت:یو کے پینل ائے صلاح

مروشی پاکستان ائے عکس مچھیں جہان آ باز ردین بیسا۔آں یک دھشت گرد ملک ائے وڑا پھجھارتھی آ رؤ۔جہان آ ھچھ دی ھند آ اگر دھشت گردی ائے دپ بی تہ یک دم آنہی گمان پاکستان ائے وٹا رؤ ۔او ہماں وخت پٹ او پھول کھُزی آ رؤ تہ ہماں دپ ائے پستگی پاکستان آگو بی ۔پاکستان اندرا ہماں وڑ ائے مڑدم سروکی چکا رہسغاں آنہانژ بازی آ تر مڑدم اینگے رہسغاں ہماں کہ وا دھشت گردی ائے ویچار آنر مناں ۔مثال آگو جنرل ضیائ الحق ائے سروکی ائے وخت آ  پاکستان آ نظام مصطفی ائے قیام ائے نام چکا دھشت پسندی ائے رحجان آ اگا ودھینتھی آ شزا او مزہیبی و مسلکی تعصب آ گواس داسی آ شزا۔دیگر اینگے مسلہ دی رہسغاں ہماں ہاں آنہی مزاج اندرا شدت پسندی پیدا کھُزا۔سال آنی تکا جزغ والا ایں اینگے مزاج اندرا پاکستان آ جہان ائے دیگر ملک آنی مقابلہ آ جتا ڈول ائے ملک آ مٹینتھا۔نہ کھسے ملک آنہی چکا باور کھنت او نہ ہی عالمی ادارہ۔
عالمی سطح چکا دھشت گرد ّنی فنڈنگ او منی لانڈرنگ آ دارغ آپا قائیم بی اغ والا ادارہ فائینینشل ٹاسک فورس دی آنہی باور دیائینغ چکا باور نہ کھنت ۔نی تکا آنہی آ پاکستان آ وتی گرے لسٹ آ ماکھُزا او بیس بی کہ آنہی آ بلیک لسٹ آ ماکھزی آ برؤ ۔اشی علاوہ آنہی ہمسائیگ ملک دی آنہی آ
باور ائے نیاہ آژ نہ گنداں او آنہی آ وضہی آپا خطر مناں ۔پاکستان ائے ہمیں حالت ائے بارو آ چھی اے مڑدم آں  یک بنگیج کھُزا ہمائی آ تارکین وطن دی اوار آں ۔جموں کشمیر سٹڈی سینٹر او انڈین
نیشنل اسٹوڈنٹس ایسوسیایشن آ گوستی ایں روش آں لندن آ یک پروگرام ائے انعقاد کھُزاہمائی آ ہمیں ٹؤک چکا ویچار کھزی آ شزا کہ پاکستان اگہ جہاد او دھشت گردی ائے ویچار آنژ ہٹی او وتی نوخیں عکس آپا گام گیج کھنت تہ شاید جہانی براسی آپا باور ائے لائیق بی برؤ۔آنہی آ چنتی زانتکار آں وتی
ویچار پدھر کھُزا ۔آنہاں نی گشغ ایں کہ اگر آں وتی تشدد ائے سلوخ بدل کھنت ،جہاد ائے بارو آژ وتی سمجھ آ  مٹینی ،فؤج ائے سیکیورتی ائے ہماں کہ عکس ایں آں بدل بی رؤ او یک عامین ملک ائے ہماں کہ سلوخ بی ہماں وڑ ائے سلوخ کھنت تہ آنہی عکس وشتر بیس بی۔زانتکار آنی ویچار ایں کہ اگہ پاکستان آ ایف اے ٹی ایف آ مطمئین نہ کھُزا او آنہی آ گرے لسٹ آژ درا نہ کھزی آ شزا تہ
جہانی براسی آ آں ایکا بی برؤ ۔سردست آنہی ہماں کہ سلوخ ایں آنہی آژ اے نتیجہ درا درا کھنغ بیس بی کہ آں وتی عکس ائے نوخیں تشکیل آپا تیار نعیں چاہے جہان آنہی آر ھچھ نیاہ آژ دی گندی۔