سرگال:صدر گوت بابا ائے دؤرہ آژ ھند ۔سری لنکا سیال داری مضبوط بیسا

سری لنکا ائے ھچھ دی نوخین گچین بیسغیں صدر یا سروزیر ائے سجوں آنژ سری ایں دؤرہ ھند ائے بی اے نوخین ٹؤک نعیں ۔صدر گوت بابا آ دی وتی عہدہ سنبھالغ ائے دھ روش آنی پھدا سجوں آنژ سرا نوخیں دلی ائے دؤرہ کھزا ۔اینگا گوستی ایں روش آں دی بیسا ۔ھند او سری لنکا ائے نیمگا سیال داری سرا آژ وشتر رہسا ۔گُڈا دی ہڑ دوکین ملک ّنی نیمگا باز مسلہ آنی چکا وختے وختے آ ناوشی پیدا بیسا۔ہمائی آ نی ایں اصلیت او امیت آنی روژنائی آ دیر کھنغ ائے ضرورت ایں۔گوت بابا ائے صدر ائے حیثیت آگو گچین بی اغ ائے چند روش آنی پھدا ڈن ائے وزیر ایس جے شنکر آ آنہی آگو مِلغ آپا کولمبو ائے دؤرہ کھزا۔آنہی آ نوخیں دلی ائے وٹاژ مبارک داسؤ سر وزیر ائے یک نمدی آنہی آر داسیئ ہمائی اندرا آنہی آ ھند آئیغ آپا کانڈھ دیم داسی آ شُزغئے سا۔ہمیں کانڈھ آ قبول کھزؤ
بابا گوت بابا آ سجوں آنژ سرا ھند ائے دؤرہ کھُزا۔صدر گوت بابا آ وتی دؤرہ ائے نیمگا سروزیر نریندر مودی آر دی سری لنکا ائے دؤرہ کھنغ ائے کانڈھ داسا ۔امیت ایں کہ واجہ مودی ائے کولمبو
ائے دؤرہ ائے تفصیل جلدی طئے کھُزی آ برواں۔ھند ائے ڈن ائے وزیر ایس جے شنکر گوت بابا ائے گچین کاری آ سوب مندی آ پھدا یک دم کولمبو روغ او گوت بابا ائے سجوں آنژ سرا کھٹغ آ پھدا ھند ائے دؤرہ کھنغ آژ ثابت بی کہ ہڑ دوکین ملک وتی سیال داری چکا گوستی ایں روش آنی ویچارآنر نیمگا آئیغ نعیلاں۔ہڑ دوکین ملک آنی نیمگا سیال داری آ ناوشی ہماں وخت پیدا بیسا ہماں وخت سری لنکا ایل ٹی ٹی ای ائے حلاپ مڑائی مڑغئے سا۔ہماں وخت مہند راجہ پکشے ملک ائے صدر او واجہ گوت بابا راج پکشے دپاع ائے کار آنی سیکریتری اسا۔ہمیں مڑائی آ ھند آ سری لنکا آر مچھیں وڑا واہریائی کھُزغئے سا مگہ اے گوشتشتغئے سا کہ آں تمل آباتی ائے پھجی آ شَر ایںسلوخ اپنائینی۔صاف ایں کہ نوخیں دلی آ دی گپتران ائے نیمگا ہمیں مسلہ چکا بحث بیسا۔تمل  ٹائیگرس آ ناسوب کھزؤ سری لنکا ائے سرکار وتی مشن آ سوب مند تہ بیسا مگہ تمل آنی مسلہ حل نویسا۔آں مروشی دی سرکار ائے وٹاژ شر ایں سلوخ ائے منتظر آں گوستی ایں روش آں کھزی ایں وعدہ آنی باوجوت آنہاں نی پھجی آ ہماں سلوک بی غیں ہمانگا کہ گوستی ایں روش آ اسا۔دو نیمغی گپتران آ ھند آ سری لنکا آ ۴۵۰ ملین ڈالر قرض دئے اغ ائے وعدہ کھُزا۔ہمیں زر سری لنکا ائے ود او ترقی ائے پروجیکٹ آ استعمال کھُزی آ رواں۔سری لنکا ائے نوخیں صدر آ ھند ائے دؤرہ کھزؤ یک مثبت گام زڑتھا۔