سرگال: بہ سیاسین مخالپانی حلاپا عمران خانی بیرگیریئ کاروائی۔

رندا شہ عمران خانی بہ واک رسگا بہ پاکستان، اصلین بحران و دیمگیریئ کجام سنجتگین کوشست تہ انون بہ چما نیاتگیت۔ مگہ یک ھبرئ بہ ھر نیمگئ گشتگ بیت کہ عمران خان بہ وتی سیاسین حریفان شہ دانگ دانگئ بیر گیت و پہ ای کارا شہ اسرارئ سیاستا بی دریغ کٹ گرگا انت و گون ای وڑئ کاروائیانی تسر رسینگا پاکستانئ پوج کدرتین وڑئ گون آی یکئ انت۔ مگہ کومین احتسابئ بیورو اف آیی آی و آی ان اف ادارہ ایجنسی کار گپتگ بیت۔ ایش تانکا الزام نہ انت پاک و ساپ بہ چما کئیت و بہ ای صورتحال بھرا آ حلقہ کہ شہ عمران خان  خاسین وڑئ بد دل ناراضی انت و آ گوازئ نیمہ داریا کرتنت و ای امیتا داشتنت کہ پہ راستی عمران خان یک پاک و ساپین حکومتئ و منصفین نظامئ رواج دیگا انت کہ بہ آی فسات سلسلہ باورین وڑئ اوشتارینتگ بیت و کم شہ کم شہ سرکارین اداران فسات زیان بیت مگہ تہ انون بری بھرا عوام شہ عمران خانی حکومتا نا امیت بوتگنت و کارئ کہ دیستگنت ھیچی تہ انون بہ چما نیاتگیت و عوام و گیشترین حلقہ ایشی احساس کنگا انت کہ شہ مُچان گیشتر شہ حکومتا نا امیت بوتگنت، حتئ بستگین حلقہ شہ عدلیہ درائین وڑئ ای شکایتا دارنت کہ شہ حکومتئ نیمگا روچانگین کارانی تھا دست مان داتگ بیت و پہ عدلیہ و لھتین قاضیان بلک میل بیت سرئیش ڈبہ پرینگا انت کہ بہ حکومتئ مرضیا وتی فیصلانا گرنت و ای وڑا بہ پاکستانئ گیشترکی بیت مگہ ای ڈبہ شہ پوجئ نیمگا پرینتگ بیت و نون معاملہ (من شدم و تو شدی) کہ مسداق پوج و حکومت دوکین یکجا ڈبہ پرینگا بنت۔ شہ ایشی بہ ای نتیجہ رسنت کہ پوج و حکومت عمرانی یکئ آ دیگرئ لازم و ملزم بوتگنت۔ یاتئ وڑئ ھبرئ انت کہ احتسابئ بیورو و ای ان ایف وڑئ ادارہ و خاسین وڑئ گون پوجئ رانشاندیوکیا کار کنگا بنت و ای ادارہ کارا پوجین ریٹائرڈین کارکنوکین اپسر دیما برنت۔ بہ پاکستانئ عوام و سیاسین حلقان ای ھبر ھر نیمگئ گشتگ بیت کہ ای ادارہ دیما برگا پوج دستا داریت کہ باور سرئیش ختم بوتگیت و پوج یک انچین ادارہ تصور بیت کہ سیاسین کرپ و کروپ و گندگین سیاسین مھم انی دیما برگا انت۔ عدالتئ گڈین فیصلہ ایشا وت درا کرتیت کہ خاسین عدالت یک سینیرئن قاضی جنرل مشرف حلاپا فیصلہ گپت، دیگہ آ وھدہ گشتنت کہ اگر ای ریٹائیرڈین قاضئ مرک بہ دیگہ مُلکئ ھم بیت باید انت لشی بہ پاکستان آورتگ بیت و بہ پاکستان بہ اسلام آبادیی ڈئ چوک تہ سہ روچ لکتاب بیت۔ پوج ای سزا گون ناکام بوتگین حکومتا دیگا انت و وت ھم بری سزائ بھرا درائین وڑئ ناراضی بیگئ درا کنگا انت و وتی ذاتین کٹانا شہ کومین کٹان گیشتر اھمیتئ وڑ زاننت و دیمئ مسلم لیگئ باسک پارلیمنٹئ رانا سنا اللہ شہ ای ان ایف نیمگا گرگی سیاسین بیر گرگئ وڑا بہ دیما آتگیت کہ بہ گئوستگین جولائ ماہ گپتگ بوت کہ بہ پوجئ سازشئ سیائگا گون ای ان ایف اپسران دروگین مغدمہ دیما برگا انت و شہ پوج و حکومتئ نیمگا بہ آی حلاپا دروگین پروپاگند رادگ انت و ای اف اف تہ انون کجام چارج شیٹئ داخل نہ کرتگیت و یا کجام گواھئ دیما نہ کرتگیت و آی ضمانتئ کاگدانا ھم نہ منتگنت۔

حکومتئ کہ سربراھئ عمران خان کنگا انت شہ آی کچانہ جتگ کننت کہ بہ سیاستئ شفافیت آرگئ کوکار کنوکین عمران خان بہ شفافیتئ پردگئ پھدا چونین گندگین گوازیانا دیما بارت۔