سرگال:سؤداگری منغ نامہ آنی چکا گپتران کھنغ آپا ھند ائے حکمت عملی

اینگا مان کھائے کہ دمغ آ معاشی کار آنی چکا صلاح مشورہ آپا ہماں کہ حکمت عملی ٹھائینتھی آ شزا آنہی آر ھند ائے استیبلشمنت ائے سپارتی ادارہ آ شر ایں پوہ بی سی آ رؤغیں۔نوخین سال ائے بنگیج بیسا ہمیں خاطرہ ہمیں محاز چکا ما نوخیں طریقہ آنگو بنگیج کھُز کھنوں۔آزات سؤداگری ائے بارو آ منغ نامہ آ ھند آگو چھی اے ناانصافی بی آناں آتکا مگہ گڈا دی آنہی آر ضروری پوہ بی سی شزا تاکہ ملک ائے اہمیت برقرار ایر کھنغ بیس بی ھند آ گو ہمیں منغ نامہ آنر منغ ائے علاوہ دیگر ھچھ دگ نیا تاکہ جہان اندرا آنہی ٹؤک آر دی منغ بیس بی۔مگہ ہمیں ویچار آنی اندرا ہماں وخت بدلاؤ بیسا ہماں وخت ھند آ وضہار جاگاہی جامع معاشی سنگتداری آژ جتا کھُزا۔ہمیں گام آژ مئے ڈن ائے معاشی پالیسی اندرا یک استریتجک بدلاؤ نیاہ آتکا او ثابت کھُزیئ کہ ملک ائے مفاد ائے حلاپ ھچھ دی سؤداگری منغ نامہ قابل قبول نعیں۔جاگاہی جامع معاشی سنگتداری آژ جتا بی اغ آ ائے فیصلہ کھسے دوہمی آ نہ کھُزا بلکہ وا سر وزیر نریندر مودی آ بینکاک سروک آنی کانفرنس ائے نیمگا گتغئے سا ۔ہمیں فیصلہ ائے پھیغام بالکل صاف اسا۔ھند آ وتی کسان او بُنی ایں سطح ائے طبقہ صنعت آنی نپ او کھٹ آپا مطالبہ کھزغئے سا او اگر ہمیں بنیاتی مطالبہ آنر نہ منسی آ رؤ تہ ھند ائے اینگے گروپ اندرا رہغ ائے ھچھ فائیدگ نعیں او آں آنہی آژ جتا بی اغ آپا دیر نہ کھنت۔نوکین دلی آ صاف کھزا کہ معاشی سفارتکاری او قومی مفاد ائے نیمگا براوری بی اغ آگو ہی آں کھسے آر گو گپتران کھنت۔سجوں آنژ تیز ترقی کھنغ والا معیشت ائے ڈؤل چلا ھند آؤخین چند سال آنی اندرا پنچ ٹریلین ڈالر ائے معیشت بی اغ ائے دگ چکا جزغیں۔اے ترقی پدھر ایں کہ اینگے حکمت عملی آگو نہ ملسا ہماں کہ مئے اندری ایں معیشت ائے اہم شعبہ آنی مفاد آ نقصان پُجھینی۔ھند ائے بازی آ تر سؤداگری منغ نامہ آنہی رودرات آسیا ائے ہمسئایئگ آنگو ایں۔ہماں کہ مئے لوک ایسٹ او آنہی آ پھدا ایکٹ ایسٹ پالیسی ائے عین روگا ایں ۔مگہ ہمیں منغ نامہ آنی روگا ہمیں ملک آنی بازار آ ھند شئے آنی پُجھغ کھمین ایں ہماں ہاں گو منغ نامہ کھزی آ شزا۔ہمیں خاطرہ ھند آر سؤداگری نقصان دیما کھنغی بی غیں۔ڈن ائے ملکی استریتجک او معاشی پالیسی آنی برعکس لوٹھغ او داخلی مفاد ائے محاپظت ائے زمہ واری ائے نیمگا بجھسی ایں سپارتکار آنر یک صاف ایں پالیسی او ہدایت ائے ضرورت اسا۔آنہی آپا سرکار آ آؤخین روش آنی آپا یک دگ درا کھزااو گوشتیئ کہ ھند سؤداگری سؤدہ بازی آ نی دپاعی سلوخ نہ اپنائینی او نہ ہی آنہی آر وتی اندری ایں مفاد آپا ھچھ عزر پیش کھنغ ائے ضرورت ایں۔سؤداگری ائے بارو آ مچھیں گپتران براوری ائے بنشت چکا بی آں تاکہ گپتران ائے ہماں کہ منغ نامہ بی آں ہڑ دوکین ملک آنی آپا شَر ایں ثابت بی آں۔