سرگال: پاکستان ء ریاکاری۔

 بہ پاکستان ء لاھورئ شھرئ نزیکا بہ ننکانہ صاحب بہ جمعہ روچا بہ یک ھجومئ گیش شہ ۴۰۰ مردمان بہ سکھ پاکین و تبرکین گردوارا ھجوم برتہ و سرئ ھلگر کرتگنت، بری تشددین ھلگرا نہ تاناکا گردوارہ سرا سینگ پرینگئ گوازی بوتہ بلکہ بہ سکھ حلاپا کوکار جنگا بوتگنت۔ ای ھجوم ء سروکیا محمد حسنی کھول بوتگنت و ایش ھما محمد حسن انت کہ گردوارہ گرانتئ جنیکا جگ جیت کاورا جیئنتتنت و جبرین وڑئ آی مذھبا بدل کرتتنت و آی عاروس کنگئ الزام انت کہ سکھ براس بری بھرا سک مخالپت کرتہ گون جنیکوئ ای حرکتا و رد عملئ وڑا تشدد کنگا بوتنت۔ و رندا شہ تشددا بہ یک رادگین ویدیوئ مردم شہ گردوارہ موجودیتا مخالپت کرتگنت و گشتگنت کہ ھر چی زودتر ای ھندئ ناما کہ ننکانہ صاحب انت بدل کرتہ مصطفئ غلام بئلنت۔ ای وضعیت خاسین وڑئ سکھ کسانا تروسینتہ ھما کہ بہ ای گردوارہ تھا پوترتگنت۔

بری تشددئ پسوئ آ حکومت پاکستانئ کاروائی کرتگیت مگہ باز نا امیتئ وڑ بوتگیت کہ شہ آی پاکستانئ نیندوکین سکھ براسانی تحفظ باروا تشویش ودی بوتگیت۔ ننکانہ صاحب پاکستانئ یک جاگہ انت کہ بہ اودان ۱۴۶۹ سکھ سروک گورونانک دیوجی ودی بوتگیت پہ امیشی ای گردوارہ پہ سکھ مذھبئ داروکان باز تبرکین ھندئ انت کہ شہ مُچین دنیا دیمئ سالا ھم پہ گورونانک دیوجی ۵۵۰ سالروچئ ودی بیگا پہ دود گرگا آتگ بوتگنت و ای واقعہ بہ ننکانہ صاحب تشددئ دھمی گورو، گورو گویند سینگھ ودی بیگئ سالروچئ ودی بیگئ یک روچ رندا بہ دیما آتگیت۔

ھندوستان ای منصوبہ بوتگین تشددا سَک بدگشی کرتگیت و نوکین دھلی ای واقعہ بدگشی کرتہ و گشتگیت کہ بہ دیمئ سالا بہ اگست ماہ جگجیت کاور بہ ننکانہ صاحب شہ ای گئسا جیئنتگ بوتہ و جبری مذھبئ بدل کرتہ و رندا شہ آی ای وڑئ حرکتئ بوتگیت کہ ھر چینکس محکوم بیت باز ھم کم انت۔ ھندوستان ای تبرکین جاگہ بی حرمتی آ گون سَکین ھبران بدگشی کرتہ و بہ پاکستان سکھ براسانی زندئ گھ بودی و تحفظا یقین ئن وڑئ کنگئ بھرا ھر چی زوتر گام گرگئ لوٹوک بوتگیت و نوکین دھلی بہ اسلام آباد گردوارہ تبرکیت آ ٹپ رسینگ و سکھ براسانی سرا ھلگر کنوکانی حلاپا سَکین کاروائی کنگئ لوٹوک بوتگیت۔

ھندوستان پاکستانئ حکومتئ ھوشا دات کہ گوردوارہ ننکانہ صاحب و آی تحفظ و تبرکیتئ برجا ساتیت و آی ذمواری استیت۔

شہ ننکانہ صاحب ھلگرئ اوشکیتنا رندا دفتن پنجابئ اعلائن وزیر کپتان امریندر سینگھ پہ پاکستانئ سرئ وزیر عمران خان فون کرتہ و لوٹتگیت کہ ھر چی زوتر بہ ای معاملہ بھرا دست مان دیگا بیت و آ عکیدہ داروکانا کہ داخلا انت پہ خیریتی دریش کنت و پہ گوردوراہ ھیچ ٹپئ نہ باید انت برسیت۔ مرکزین وزیر ھرسمرت کاور بادل ھم ای ھلگرا بدگشی کرتگیت و گشتگیت کہ بہ پاکستان بہ اقلیتانی سرا ای وڑئ ظلم و ستم بیت و ای کار پاکستانئ اصلین چیرگئ دراکنوک بوتگیت و بازین مردمئ بہ نوکین دھلی بہ پاکستانئ سفارتئ دیما احتجاج کرتہ و ای کارئیش سَک بدگشی کرتگنت، مگہ ای افسوسئ وڑئ ھبر انت کہ عمران خان شہ ای واقعہ دو روچ رندا زبان پاچ کرتگیت و ای واقعہ بدگشی کرتگیت و گشتگیت کہ حکومت ای وڑئ حرکتانا ھیچ برداشت کرتگ نہ کنت۔ دیم شہ عمران خانی تبصرہ ڈنئ کارانی دپتر گشتگیت کہ ننکانہ صاحبئ تشددئ حال بی بنیاد انت و ای دعوا بہ چایخانہ بوتگیت۔ ای کار پاکستانئ ریاکارئ نشان دیوک انت۔ دیمئ سالا بہ نومبرئ ماہ بہ کرتارپورئ راھداریا پاچ بیگئ بہ ای تاثر دیگئ کوشستا پورہ ئن وارئ مخلص ات مگہ ننکانہ صاحبئ کار شہ آوانی دیما پردگ بال آورت و نون بین الاکوامین براس و ھندوستان پاکستانئ سرا باید انت کہ ڈبہ پرینگا بنت۔