سرگال:  پہ پاکستانا آمریکہ انتباہ: اف ای ٹی اف شرطانی بود کنگ۔ 

چُنت روچ دیما، آمریکہ پہ پاکستان سَکین وڑئ گشتیت کہ آی گیرکانونین وڑئ فنڈ نز آرگ و ترانسفر کنوکانی حلاپا کومین ادارہ فائنینشل ایکشن ٹاسک فورس یعنی اف ای ٹی اف شرطانی بود کنگا بیت، ھما کہ آی سرا عائد بوتگنت۔
اگہ اوشا بیت اف ای ٹی اف بہ جون ۳ بہ ۲۰۱۸ سالا پاکستانا بہ اکتبرا ۲۰۱۹ سالا ۲۷ ٹئکین ایکشن پلانئ عملی کنگا بیت۔ تہ کہ دھشت گردیئ ڈلانی منی لاندرنگ بھرا موشکولیانا اوشتارینتگ کننت۔ مگہ تہ اکتبرا ای وڑا کجام چیزئ نہ بوتیت۔ اف ای ٹی اف بہ آسیائ پسفیک ڈل پاکستانئ کارا ناقص زانت و گشتگیت کہ شہ ۲۷ ٹئکین ایکشن پلانا تانکا ۵ کارئ تسر کرتگیت یعنی منتگین ۲۲ دیگرئ بھرا تہ انون چیزئ نہ کرتگیت۔ دیگہ اف ای ٹی اف یک وار پھدا داتیت و ای واری پہ آی تہ فرورئ ۲۰۲۰ سالا وخت داتیت کہ تہ آ وھدہ زرورین گام بری بھران گیت وگرنہ بلک لسٹ تھا ھور بیت و رندا شہ اکستادین بھرا حالاتئ باز نازورک بیت و شہ عالمین مالیاتین ادارہ وامئ کہ زورتگیت بری بھرا سَکی پہ آی ودی بیت و لھتین بندیش بہ معیشیتئ دیمئ اوشتارینتگ بنت۔
اف ا ٹی ایف لھتین دھشت گردین ڈل و خاسین وڑئ یاتش کرتہ کہ بہ اوانی حلاپا کاروائی کنگا گیشترکی بہ پاکستان پس پس کننت و  شہ آوان لشکر طیبہ، جیش محمد و طالبانی لھتین ڈل ھور انت۔
پہ امیشا پاکستانئ سرا سکین ڈبہ استیت، وت پاکستان ھم ایشا احساس کرتگیت کہ دیگہ پہ آی کجام راہ نہ انت پہ امیشا ھم لھتین کاروائی ھم بناہ کرتیت۔ دیمئ روچان بہ بجینگ پاکستانئ کارانی بھرا پہ رھبند گرگا اف ای ٹی اف دیوان جور بوتیت کہ بہ ای بھرا رھبند گیت۔ بہ گئوستگین روچا آمریکہ پرنسپل دیپتی سکرٹری آف اسٹیٹ بہ جال و وسطین آسیائ بھرا الیس ویلز شہ آ سیما ھم دورہ کنگا بوتیت۔
آی بہ یک برفنگ گشتیت سکین وڑئ کہ اف ای ٹی اف چیزئ کہ پہ پاکستانا پہ کنگا داتگیت باید انت آوانا تسر کنت پہ چہ کہ اگہ بین الاکوامین براس یقین مہ کننت دیگہ بہ اکستادین معاملہ ان پہ آی بازین سَکی ودی بیت و بہ ای اکتسادین اصلاحاتئ کاران رکاوٹ کائیت۔
و سرمایہ کارئ دیمئ وت جلب کرتگ کہ کنت۔ اگہ اوشا بیت بہ ۲۰۱۸ وھدہ کہ پاکستانا بہ گرئ لسٹ تھا پرینتنت دیگہ بہ آی آمریکہ درائن رولئ داشتیت ھال ایش کہ چین و آی دیگہ اتحادی سَکین مخالپت ھم کرتنت و رندا شہ آی پاکستان لھتین گام زورگ پہ آی زروری بوتیت مگہ شہ اف ای ٹی اف شرایط دیما کار  نہ بوتیت و نون اوشکتگ بیت کہ پاکستان مُچین شرطانا بود نہ کرتگیت مگہ اینکس دیمرئی ھم حتما کرتگیت کہ اف ای ٹی اف سری غور کرتگ کنت۔ مثالئ وڑا ای ھبر بہ دیما اتگیت کہ تہ جائ کہ تہ ۲۰۱۹ اکتبرا پاکستان تانکا ۵ چیزئ سرا کار کرتیت و نون بہ ۱۹ بھران کار کرتگیت و آوانا اف ای ٹی اف ھم منتگیت پہ چہ کہ ای معاملہ باز گرانین وڑئ داریت و بہ پاکستانئ معیشیتئ سرا ھر وڑئ سَکی پرینتگ کنت پہ امیشا عمران خانی حکومت بری پوزیشن آ نہ انت کہ گون دیگہ کجام معاشین بحرانئ دیم پہ دیم بیت   پہ چہ کہ موجودین حکومت و پوج پاکستانئ اینکس رعایت پہ آی داتگ کنت کہ بہ لھتین کاروائیانی کنگا چو حافظ سعید و طالبانی ڈلئ سرا گیشتر شکنجہ داتگ کنت۔
شہ دیگہ نیمگئ پہ پاکستانئ رکینگا شہ بلک لسٹ و ھور گون ایشی شہ گرئ لسٹا الاس بیگا پورہ ئن وڑئ وتی تلاشا کنت، ایش دروست انت کہ اف ای ٹی اف تہ یک حدئ شہ پاکستانئ کار کنگا یقین ودی کرتگیت دیگہ ایشی امکان استیت کہ پاکستان شہ بلک لسٹ آ برکیت مگہ شہ گرئ لسٹا در بیگ شاید آسان کہ بیت۔ بہر حال ای فیصلہ بہ فروریا بیت و یا رندا وھدہ بوتگ کنت کہ اف ای ٹی اف پلینری دیوان بیت۔
ھندوستان ایشا نہ لوٹیت کہ بہ اکتسادین بھرا پاکستان بدحال بیت وت پاکستانئ عمل بہ دھشت گردیئ حلاپا آی را بہ ای حدا رسینتگیت کہ شہ بین الاکوامین براسان جیتا و اتا بیت۔
تہ جائ کہ پاکستانئ در بیگئ ھبر شہ گرئ لسٹا انت دیگہ قطعین فیصلہ اف ای ٹی اف کنت و نون سروکی بہ چینئ دستا انت۔ پاکستان بہ وتی عھدئ پروشگا بہ پورہ ئن دنیا نامدار بوتگیت بہ ۲۰۱۲ تہ ۲۰۱۵ بہ گرئ لسٹ تھا بوتگیت۔
پشاورئ اسکولئ ھلگرا رندا دیستنت کہ لھتین کاروائی کرتیت و شہ گرئ لسٹا در بوت مگہ شہ ناقص ئن کارانی وجا پہ دوارگ بہ ۲۰۱۸ پھدا بہ گرئ لسٹ تھا ھور بوتیت۔ دیگہ بہ ای بھرا باید انت جوان پکر کنت۔