سرگال: پاکستان بہ وتی ء عوامئ بھرا بی حسی ء۔ 

دنیا ھر مُلکئ ای فرض انت کہ پہ مُلک و سماجئ دیمرئی کار بکنت مگر بہ پاکستانئ بھرا ای کارئ کچانہ جنگ سَک انت۔ آیا بہ اودان ادارہ مُلکئ پہ عواما کار کننت یا کہ پہ وتی حکومتئ رودینگا کار کننت؟ پاکستان رندا شہ بہ نیام آیگا بہ وتی سمتا یک وڑا نہ انت۔ سماج چی وڑا دیمرئی کنت آی دیمرئی بنیاد چی وڑا دیما روت و شہ وسیلہ آن چی وڑا کار گرگا بنت، تعلیمین نظام چی وڑا بیت۔ حکومت و ادارہ پہ عواما جواب دینت یا نہ ھیچ کجام شہ ای معاملہ بہ پاکستانا درا نہ انت، تہ جائ کہ ای مُلکئ جور بیگئ مکسد ھم درا نہ انت۔ صورتحال درا نہ انت تہ جائ کہ عوام تہ ھمی انون ھم ھر چیزئ شکار بنت۔ یک ڈل حکومت و ادارہ آن وسیلہ آنا دستا دارنت و مُلکئ عوام باز بہ گندگین حالتئ استنت۔ ھور گون ھندوستان بہ دنیائ ھر نیمگئ جاگیردارین نظام ختم بوتگنت مگہ پاکستانا تہ انگتا ھما وڑا رادگ انت۔ سرکارین ادارہ بہ مردمانئ ملکانی گرگئ سرا نشتگنت کہ یک وڑئ کوت و بار کنگ ممکن نہ انت، وھدہ کہ عوام وتی حکا لوٹنت دیگہ گون سَکین برخوردان دیم پہ دیم بنت و پہ توارئ بند کنگئیش سرئیش ڈبہ پرینگا انت و پاکستان شہ وتی وسیلہ آن یک مزنئن کوتئ پہ دھشت گردیئ رودینگئ سرا خرچ کنگا انت۔ نہ تانکا بہ ھندوستان بلکہ بہ اوگانستان، بنگلہ دیش و دنیائ دیگہ ھندان پہ دھشت گردانی نیمہ داری و رودینگا خرچ کنگا انت۔ مروچی پاکستان پہ پنڈگا نشتگیت و وت ھیچی نداریت و دستی ھر نیمگئ تچک انت۔ مُلکئ بنیادین بھرا حالی باز خراب انت، شہ تعلیمین نظامئ خراب بیگئ وجا بہ مزنئن کچانہ شہ وانگا دور  منتگنت و آ کَس کہ ھر وڑئ کہ بوتہ سوبین بیت پہ برزین تعلیما گیرمُلکان وتی دیما گردینیت و رندا شہ تعلیمئ گرگا بہ گیرمُلکان دیگہ دلیش ھم نہ بیت کہ برگردنت بہ اودان بنیاد پرستی دیمرئی کنگا انت و شہ شرّین اصلاحاتئ نہ بیگئ وجا بہ اودان شہ کوت کنگا ھم بازین مھلوک بی بھر انت۔
اگہ کَسئ ڈنا شہ مُلکا برزین تعلیم گپتہ و بہ مُلکا برگردیت و لھتین اصلاحین کارانی لوٹوک بیت مگہ ای کار بی خطر نہ انت، رندا بنیاد پرستین ڈلانی لڑگا باید بیت۔ بازین ای وڑئ واقعہ بہ دیما آتگنت و بہ آوانی سرا اسلامئ توھینئ الزام جتگ بوتگیت۔ بی بی آسیہ معاملہ شہ ھیچ کَس چیر نہ منتگیت چی مسلمان بیت و چی گیر مسلمان توھین اسلام الزام سرئیش جتگ بیت و بہ وتی حکان وتی توارا برز کنوکین کَس رندا شہ آ حکومت و ادارانی نیمگا دیگہ بخشاتگ نہ بنت و بہ بلوچستان و پشتون تحفظ موومنٹ سربراھانی سرا چی ظلم و زور کہ نہ بوتگیت و چینکس گرپتار نہ بوتگنت۔ ای کَسانی گناہ تانکا ایش بوتگیت کہ وتی حکئ لوٹوک بوتگنت۔ بہ اودان بہ بنیادمین حک و ھمدردئ بھرا ھیچ چیزئ نہ انت۔ رازئ کہ حال انت بہ چینئ صوبہ ووھان شہ وایرس وجا مُچین مُلک و ھندوستان وتی شھروندانا شہ اودا در کرتنت مگہ پاکستان شہ سر کنگئیش انکار کرتگیت و گشتگیت کہ بہ پاکستانا پہ دیمگیرئ کجام راھئ نہ انت و اگہ کَسئ گشیت کہ مرک استیت ا شیت بیت و وتی استمانئ پروا ھیچ کمئ ھم نہ داریت۔