سرگال:بی بی این ۔ھند ائے زیلی جاگاہی بستگی آ گیش کھنغ ائے منسوبہ

ہمسائیگ آنر اہمت،پالیسی سروزیر نریندر مودی ائے این ڈی اے سرکار ائے ڈن ائے پالیسی آنی خاصیں عنصر ایں۔۲۰۱۴ آ سروزیر ائے عہدہ سنبھالغ آ پھدا آنہی دھیان ھند ائے ہمسائیگ ملک خاصیں بھیرا نزیخی ایں رودرات ملک آنی وٹا مرکوز رہسا۔ہمسائیگ آنی بارو آ سروزیر ائے سپارتکاری ائے مقصد نہ چھڑوئی آ ہمسائیگ ملک آنی پھجی آ سنگتی ائے سیال داری آ باور دؤخ کھنغ ایں بلکہ آنہی روگا،جاگاہی او زیلی جاگاہی سطح چکا سڑک،ریل او گواسین ہارڈ بنیاتی ایں خاکہ او معاشی ،عوامی او ڈیجیٹل ڈؤل ائے سافٹ بستگی ائے قیام ائے کوشست دی اوار آں ۔ھند او آنہی ہمسائیگ آنی نیمگا متنوع ہارڈ او سافت بستگی ائے پروجیکت آنی چکا عمل بی غیں ۔بی بی آئی این یعنی بنگلہ دیش ،بھوٹان،ھندوستان او نیپال ائے نیمگا اجلاس آ زیلی جاگاہی رابطہ جاتی دیم روی آنی مقصد آنر اہمیت داسی آ شزا۔بی بی آئی این ائے مقصد ہمیں ٹلہ آ اوار ملک آنی نیمگا نجی او کارگو ٹرانسپورت ائے لاری آنی آپا موتر ریگولیتری میکینزم آگو بلا خلل بستگی آ باور دؤخ کھنغ ایں ۔ہمیں پس منظر آ بنگلہ دیش،ھند او نیپال ائے حاکم آنی نیمگا نی ایں بیٹھک بیسغئے سا ہمائی مقصد موتر وہیکل ایگری منت یعنی ایم وی اے آ تکھائی آگو پھیلو کھنغی اسا تاکہ سیماں ائے آں وٹاژ لاری آنی آئیغ روغ آ آسانی پیدا کھنغ بیس بی۔ہمیں بیٹھک آ بھوٹان ائے نمائیندگ آں مشاہد آنی بھیرا بہر گتا او آنہی نیمگا کارگو او پیسنجر پروتوکول چکا بحث بیسغئے سا تاکہ شریخ ملک آنی نیمگا مسافر آنی زاتی او کارگو ڈؤل ائے لاری آنی آئیغ روغ آ آسان کھنغ آپا ایم وی اے آ رسمی کھنغ بیس بی۔ہمیں اصلی ائے پس منظر آ اے بیٹھک باز اہم اسا کہ جنوری ۲۰۱۸ آ بنگلور ائے بیٹھک آ پھدا اے اولی ایں بیٹھک اسا۔نی ایں بیٹھک آ فیصلہ کھزی آ شزا کہ شریک ملک ۲۰۲۰ تکا آنہی نتیجہ آنی چکا منبنی وتی اندری ایں مشاورات آژ ٹلہ آ پوہ کھناں ۔ہمیں بیٹھک آ ھند ،بنگلہ دیش او نیپال ائے زریعہ آگو طئے کھنغ والا منغ نامہ آنی خاکہ چکا دی ویچار کھزی آ شزا۔ہمیں منغ نامہ آگو بی بی آئی این ،ایم وی اے ،آ سئے اوں ملک آنی نیمگا او ہمیں مرحلہ چکا بھوٹان چکا لازم کھنغ آ بغیر رسمی ایں دیم داسی آ رؤ ۔ھند ،نیپال او بنگلہ دیش او بھوٹان آ جون ۲۰۱۵ آ ایم وی اے،چکا دستخط کھزغئے ساں۔گڈا دی بھوٹان ائے پارلیمان ائے ایوان بالا ائے زریعہ ہمیں منغ نامہ ائے توثیق تنک باقی ایں ۔بی بی آئی این آ اوار چھیار ملک آ دو خاصیں ملک بھوٹان او نیپال آ باز ڈغار ایں او آنہاں گو لوغی ایں او سیماں ائے آر پار آئیغ روغ ائے بنیاتی ایں خاکہ آنی بستگی محدود ایں۔اے ہڑ دوکین ملک ھند ائے دگ آژ ہی آف ائے سفر کھز کھناں۔موتر وہیکل منغ نامہ آ لاگو کھنغ آپا ھند ،نیپال،او بنگلہ دیش ائے زریعہ کھزی ایں فیصلہ آنژ سہ ملکی بستگی ائے منصوبہ تکھائی آ اصل ایں دیم گری۔امیت ایں کہ ایوان بالا آ توثیق آ پھدا بھوٹان دی ہمیں منصوبہ آ اوار بی رؤ۔